اقتباس المشاركة الأصلية كتبت بواسطة kazami تراني ماخذ بخاطري شوي ياشموخ؟!!
محد علمني ولادريت الا من مزمز ربي يسعده. والا كان الين الحين تلاقوني اتحلم بالمنتدى مثل العاده.
الله يسامحكم وش اقول بس؟
عموما اخر مره ولاعاد تتعودونها.

حياكم الله جميع والكبتن ماجد غير المعرف حقه. لكن اهم شي انه علمنا وتكفون اصحاب المعرفات القديمة يخبرونا.

ابشروا بالتقرير اعاده واكمال وعسى ربي يقويني. ردودكم حمستني ومالكم الا الطيب يااهل الطيب.
فبسم الله نبدا.

بس ملاحظة بسيطة. الجزء اللي بعيده بيكون فيه لمسات الماضي الجميل ولن اغير شي لانني لااريد ان انسى فضلكم علي .

كازامي

أفااا ليه العتب يا كزامي والله انك عـ البال انت ومعظم أعضاء بوابتنا

ومو أنا لوحدي الكل ينتظر رجعتك انت وباقي المميزين لثقتنا بحبكم وإخلاصكم للمنتدى

ثانيا : أنا تابعت حساب المنتدى في الانستغرام يوميا بل كل لحظة وهم أعلنوا ما قصروا وجيت جري أسجل

والا مااحد علمني شخصيا الجميع عرفوا من الإعلان الرسمي

ثالثا والأهم : يعلم الله اني بلغت الأخ سعد لأنه مضاف عندي ولعلمي بمعرفتكم الشخصية لبعض

وطلبته بالحرف قلت بلغ كزامي بخبر الافتتاح

[س الغريب انو هو ما جاء إلى الانconfused:[/B]

يعني العتب مرفوع والزعل ممنوع والأهم اننا تجمعنا من جديد في هذا الصرح

وحياك الله انت وجميع من حضر والله يجمعنا عـ الخير دايما

تحياتي وتقديري ..

شكرا على الارقاااااااااااااااااام

تقرير روعة منسق ومرتب وانيق ،،، الف الف شكر يا الغالي ،،،
في انتظارك بقوه

تقرير رائع ومميز
انا مثلك في المطار اخذت التاكسي اللي بالعداد
اوفر وبعيد عن النصب والاستغلال


بإنتظار باقي التقرير

ِشموخ عتيبه
العتب مجرد دعابه ولافيكم حيلة ولامنكم قصور.
واتوقع سعد منشغل ببيته الجديد وقريبا سيكون معنا باذن الله.

اقتباس :  المشاركة الأصلية كتبت بواسطة ابراهيم تقرير روعة منسق ومرتب وانيق ،،، الف الف شكر يا الغالي ،،، في انتظارك بقوه

العفو حبيبي وهذا واجب علينا وحق لكم اعضاء المنتدى الشامخ
خلك قريب واتشرف في متابعتك

اقتباس :  المشاركة الأصلية كتبت بواسطة دودي باشا شكرا على الارقاااااااااااااااااام

العفو يالغلا وخدامينك باكثر من كذا

اقتباس :  المشاركة الأصلية كتبت بواسطة حجــازية تقرير رائع ومميز انا مثلك في المطار اخذت التاكسي اللي بالعداد اوفر وبعيد عن النصب والاستغلال بإنتظار باقي التقرير

ممتاز التكسي بالعداد اختي حجازية. بس هل كان الوصول له صدفة
او خبره سابقة او ؟؟؟

واشكرك على التفاعل

بسم الله نستانف الصفحة الثالثة من تقريري (دفتر السنتوب)

بعد الهبوط المتعب الذي عانينا اثناءءه بسبب وجود الامطار والسحب الرعدية وماصدقنا نهبط سالمين,
وبعد ان خرجت من المطار متوجها الى أول الفنادق (ريومز) أنشرح صدري لما أراه من جمال الطبيعة.
وسحر الحضارة وضخامة التقنية والتنظيم والانضباط. فسبحان الله الذي ابدع وعلم الانسان مالم يعلم.

هاأنا في ماليزيا .. اللهم لك الحمد على السلامة وعلى الصحة وعلى الوقت وعلى المال وعلى الامن.
عشت ثواني قصيرة وانا اتفكر في شعور السعادة الذي يغمرني. لماذا؟
عرفت ان الانسان يحتاج بين الفينة والفينة الى ترويح واسترخاء وراحة بال من مشاغل الحياه.
توقفت عن التفكير فالمناظر تأسر العقل والقلب واليكم لقطات من الطريق.
واليكم بعض من الصور في الطريق ويتضح فيها اثار المطر.




وهذه بوابات الضرائب ويدفعها صاحب السيارة والتاكسي وليس للركاب دخل في هذا المبلغ
لاني سمعت ان بعض التكاسي يجعل السائح يدفع الضريبه في البوابات



وهالموتر عجبني.. واتوقع انه من ربعنا


وهذي صورة احترافيه للمنظر الخلفي


ومره اخرى بوابات الضرائب


ومن مشاهداتي اثناء الطريق. (مبنى شركة توصيل مثل اراميكس) وفي البداية حسبته مكان تجربة الطيران اللي ذكرها الاستاذ طارق
وحفظت احداثية المكان واخر شي تبخر الحلم.


وبعدها شارفنا على الوصول. وكانت الاجواء متقلبه فتارة تظهر الشمس وتراه تختفي.




ووصلنا الى الفندق المختصر الصغير البسيط الجميل.وهانحن نقف عند موقف التكاسي الذي بالاسفل منه.


المشوار كما ذكرت سابقا كلفني حدود 65رينقت مع البقشيش.والمده الزمنية اقل من 40دقيقة.
والان سنتحدث عن فندق ريومز..
موقع الفندق هو قريب من الصن واي يعني ثلاث دقايق الى خمس دقايق وتوصلون الصن واي.
الفندق يقع عند جامعة وبحيرة. لذلك لو ذهبت الى هناك وقت دوام ستجد الكثير من الطلاب والطالبات
والخلاعه والحركة والحياه بالمنطقة. ولو رحت ايام اجازة حتكون المنطقة اجمل واهدى.
يوجد اسفل الفندق عدة محلات منها ستار بوكس وايضا اولد تاون وسوبرماركت وصب واي وقرطاسية ومغسلة وايضا يوجد بالاسفل موقف تكاسي.


وهذا هو موقف التكاسي وفيه شاشة تسجل في ماي تكسي وتطلب التكسي وتحدد الجهه ويجيك الشقردي طاير.
طبعا الصدق ماجربته لاني التطبيق كان عندي بالجوال


سكن الطلاب مجاور للفندق ولايوجد بالمنطقة المحيطة الا الجامعة والبحيرة. والبحيرة هي سر جمال المكان
ولها رونق خاص والبط والوز والسلاحف والاسماك تشعرك بالراحة النفسية.والاطلاله عليها مطلب.
مطعم الفندق مطعم جميل ومختصر ويقدم وجبات محدده مسبقا وليس ميز افطار كما تعودنا.



وهذي اطلالة على البحيرة من مام الاستقبال


الفندق اقتصادي جدا وبسيط. ومساحة الغرفة صغيرة والاثاث مستهلك لكنه نظيف. والنوافذ قد تكون
خطيرة لمن لديه اطفال فهي لاتقفل .وايضا من سلبياتها انها تفضح المستور ولازم بالليل تنزل الستاير.
الحمام والمغسلة مرتبه بشكل جميل وكامل ادواتها موجوده ويوجد شطاف. والان اترككم مع الصور:

أولا صور مكتب ومكان الاستقبال بالفندق:






وطبعا يوجد في الزاوية عصيرات وكافي بشكل مختصر وجميل .. وبصراحة ماجربته. لان ستار بوكس واولد تاون متواجدان.


وهذا هو المنجر حق الفندق.. ونسيت اقولكم ان اغلب موظفين الفندق والمطعم من الطلاب ويكون عندهم تطبيق عملي لمده ترم كامل اثناء دراستهم
في قسم السياحة والفندقة.



تسجيل الدخول مااخذ وقت طويل بالكثير ربع ساعة .والحمدلله حصلت على غرفة مطله على البحيرة
واخوي على السوق وهذي نتيجة الدحلسة وخفة الدم مع المنيجر.
ووصلنا الغرفة
وهذي لوحة الدور الثالث اللي حطوني فيه

وهذي باب غرفتنا


صورة ختامية للجو المغيييم

غدا باذن الله نقص الشريط وانزززل صور الغرفة.انتظروني

رائع اخوي كازمي من البدايه
تصويرك جميل والتقرير مفيد لكل عشاق ماليزيا الله يعطيك العافية
متابعين معاك

نواصل عرض صور الغرفة المباركة. (يوم الجمعة 19سبتمبر 2014)
المدخل .. على طول امامك الكنبة المتهالكة.



لقطة خلفية ويتضح فيها المدخل وفيه مرايه كبيره


وهذا خريطة الدور الثالث اللي احنا فيه ودايم احب اصورها بكل فندق لانها تعطيك صورة اوضح لموقع المكان


السرير ومساحته جميله. ومباشرة امامه التلفاز وترى بعض القنوات بفلوس.



لقطة مختلفة لمكان الجلوس بهذي الغرفة وفيها مكتب متواضع ورائع وبجانبك الاطلاله
والاهم ان المنتدى معاي


ثم اليكم صورة الدولاب ومافيه من اغراض..



وهلأ بنوريكن صورة المغسلة اللي مستحية وتقبع بالزاوية وماحولها من ملحقات..




وبعد اذنكم.. الان بنزل صورة دورة المياه اجلكم الله,, لان البعض يهمه يطلع عليها وياخذ فكره عنها.. وبه شطاف طبعا.
بس ترى المساحة متر في متر ولابه مروحة شفط ومع هذا الريحة ماتدخل الغرفة.. (تقنية يامعلم)


واخيرا اليكم لقطات للاطلاله الرائعه على البحيرة.



وهذي اطلاله على الجامعة



وهالمكان عجبني وسار كل شوي وانا متكي فيه وسميته(تكوة كازامي)


وهالمجسم ظريف..


اتمنى ان تكون استمتعتم وفاصل ونعود لكم بجولاتنا في هذا اليوم.