امريكا .. و من مثلك .. - الصفحة 9

توبليرون · 26-06-2019, 02:20 AM

بالعافيه يام عزيز
القهوةالامريكيه والدونات لازم يتريقون منهم *ستارسكي وهاتش *عرفتيهم

مره ثانيه نقول بالعافيه عليكم كل ما اكلتوا وشربتوا وشريتو

الصيدليات تبيع الاكل الصحي والبروتينات اللي على شكل كاكاوات وسناكات خفيفه

ام عزيـــز, الفراهيدي, الايمان و 2 آخرون معجبون بهذا.

ام عزيـــز · 27-06-2019, 12:03 PM

اقتباس : المشاركة الأصلية كتبت بواسطة توبليرون

بالعافيه يام عزيز
القهوةالامريكيه والدونات لازم يتريقون منهم *ستارسكي وهاتش *عرفتيهم

مره ثانيه نقول بالعافيه عليكم كل ما اكلتوا وشربتوا وشريتو

الصيدليات تبيع الاكل الصحي والبروتينات اللي على شكل كاكاوات وسناكات خفيفه

الله يعافيك حبيبتي

اللي ما زال عالق بالذاكره و كل يوم اتمناه هو قهوتهم

الصيدليات حتى عندنا يبيعون أكل دايت بسيط , سناكات بالذات سناكات اتكنز
لكن فاجأوني يبيعون شغلات فرش : سلطة فواكة - ساندويتشات ... الخ

ابقي معنا

توبليرون, الفراهيدي, الايمان و 1 آخرون معجبون بهذا.

namareq · 26-06-2019, 07:55 AM

وتزلز برتزلز موجود بالكويت ولا مره جربته تصدقين

متابعه

ام عزيـــز, الفراهيدي, الايمان و 1 آخرون معجبون بهذا.

ام عزيـــز · 27-06-2019, 12:05 PM

اقتباس : المشاركة الأصلية كتبت بواسطة namareq

وتزلز برتزلز موجود بالكويت ولا مره جربته تصدقين

متابعه

مرحبا

جربيها , لذيــــــــــــذه

تسعدنا متابعتك

و ابقي معنا

توبليرون, الفراهيدي, الايمان و 1 آخرون معجبون بهذا.

ام عزيـــز · 27-06-2019, 01:18 PM

.

.

السلام عليكم و رحمة الله و بركاته

احبتي .. مرحباً بكم مع جزء السياحة بالباص السياحي

انا من عشاق الباص السياحي
كانت لي معاه تجارب حلوه في : لندن – دبي – هونغ كونغ – نيويرك

نرجع لموضوع الباص السياحي في نيويرك

هنا موقع باص السياحي

و هذي صورة الابلكيشن من قوقل بلاي

حلو تاخذون منه فكره عن الاماكن اللي يزورها و البكيجات المعروضة

كانت رحله موفقه و لله الحمد
مندوبين الباصات السياحية في كل زاوية في التايمز سكوير و من جميع الجنسيات
العروض عندهم مختلفة و مشجعه

لقينا واحد اعطانا يومين بـ 68 دولار للشخص , كنا شايفين ان هذا عرض رائع
و لكن الصين علمتنا انه طالما فيه عروض كثيره اسأل و اسأل و ابحث
حتى لو لقيت سعر يناسبك , قد تجد فرصه افضل
و فعلاً اخذنا عرض يومين من شخص آخر بـ 47 دولار للشخص

يشمل العرض :

النزول و الصعود في أي محطة Hop-On Hop-Off Downtown Tour
رحلة كروز Cruise Tour
تمثال الحريه Statue of Liberty Cruise
جسر بروكلين Brooklyn Bridge
جوله مجانيه لمدة ساعتين بالدرجات في السنترال بارك Bike 2 Extra Hours

و شغلات ثانية , لكن هذي فقط اللي استفدنا منها

بعد الاتفاق على السعر و الشراء , يوصلونك لمحطة الانطلاق
و يعطونك خريطة توضح جولة الباص , وفي داخل الباص يوزعون السماعات .

الباص السياحي دورين : طبعاً طلعنا الدور اللي فوق , و كان الجو شوي بارد
و عزيز الله يهديه كان توه ماخذ شور و تعب من البرد وانكتم
و اليوم الثاني اضطريت اقعد معاه بالفندق و راح علينا يوم
( انتبهو لهالموقف لا يصير لكم لا سمح الله )

بدأت الجوله من التايم سكوير

و حبيت اخذ لكم هذي الصوره الايجابيه

و بدأنا نشوف المباني الشاهقة في نيويرك

منظر الممرات الضيقة بين البنايات المرتفعة كان جميل جداً

* * * * *

فندق البيننسولا – هذا الفندق اللي سكنت فيه الاميره ديانا و زوجها الامير تشارلز لما زارو هونغ كونغ ..
طبعاً بعد رحلة الباص حبيت اروح اشرب فيه قهوه ,
لكن ما كان بجمال و فخامة فندق بيننسولا هونغ كونغ

برج ترامب رئيس امريكا

معالم كثيره يمر عليها الباص السياحي

هذا واحد شكله قاعد على مكينة الخياطه

كشكات الاكل و الوجبات السريعه في كل الشوارع
و مميزه بالالوان الفاقعه اصفر او احمر

اثناء جولتنا في المباني مرينا من عند جامعه يبدو كان عندهم تخرج
شكل الخريجين يشوق

فيه شغله استغربت منها , لما وصلنا المباني اللي قريب عالشاطيء
كان المرشد السياحي يقول في هذي البناية شقة الفنان فلان , و في هذا المبنى شقة الفنانه فلانه
توقعت الفنانين ساكنين في قصور ..

من ضمن الاسماء اللي قالهم :

Martha Stewart

Hugh Jackman

وصلنا بالباص السياحي منطقة التجمع لـ الكروز , و كانت على الناحية الثانية من الطريق
و كان صاحب سياره ليموزين يوصل لميناء السفينه , الشخص بـ 3 دولار
حركه حلوه نركب ليموزين و جزء سياحي آخر

وصلتنا السياره الليموزين لشاطيء الكروز

في محطة الكروز شيكوا عالتذاكر – و ركبنا السفينه و بدأنا نبعد عن الشاطيء

قربنا من تمثال الحريه Statue of Liberty

وكان جمال مباني نيويورك رااااااااااائع

هذا شكل السفينه اللي ركبناها Cruise

و انتهت رحلة اليوم الاول من الباص السياحي

* * * * *

اما اليوم الثاني راحو بقية القروب بالباص للاسواق فقط

بعض التوصيات لرحله ممتعه بالباص السياحي

تجهز لرحلة الباص و اشتري المقاعد في نفس اليوم ( يعني لا تشتريها قبل بيوم )
لا تشتري البطاقات من الموقع , لان الموزعين ممكن تفاصلهم في السعر و تحصل على افضل عرض .
تجنب الرحله بالباص السياحي في الويكند , عشان تحصل على سعر افضل و تبتعد عن الزحمة .
تأكد من ان الملابس مناسبة من حيث شتوي او صيفي .
حلو تاخذون معاكم سناك خفيف .
خلي الجوال او الكاميرا جاهزه للتصوير – لقطات كثير فاتتني ما صورتها .

اختم معكم جولة الباص السياحي بمنظر شفته على الطريق و حابه تشاركوني المشاهدة
و يسعدني رأيكم عن الصوره اذا حابين

و الى اللقاء مع الجزء القادم و الاخير عن التسوق

ابقو معنا

.

مسافر لحالي, q8ya metnaqla, الركيب و 12 آخرون معجبون بهذا.

مسافر لحالي · 27-06-2019, 01:30 PM

مشكورة على
التقرير الجميل
والصور الحلوة
والسرد الرائع

توبليرون, الايمان و آخـــرفـــرصـــة معجبون بهذا.

ام عزيـــز · 29-06-2019, 06:45 PM

اقتباس : المشاركة الأصلية كتبت بواسطة مسافر لحالي

مشكورة على
التقرير الجميل
والصور الحلوة
والسرد الرائع

اهلاً و مرحباً اخي الفاضل

الله يحييكم .. نورتو تقرير

و ان شاء الله كان مفيد/ ممتع

ابقو مع الجزء الاخير

الفراهيدي, مسافر لحالي, توبليرون و 2 آخرون معجبون بهذا.

q8ya metnaqla · 27-06-2019, 05:41 PM

عجيب السعر ام عزيز

وأنا بعد من عشاق الباص السياحي

الصور روعه والجو خيال

سلامته عزيز المفروض يلبس عدل دام انه مأخذ شاور

ايي اغلب المشاهير ساكنين في بينت هاوس تقريبا او شقه طابق

اعتقد ليدي غاغا او ريانا ساكنين في شقه على السنترال البارك

مستمتعين معاج

Sent from my iPhone using Tapatalk

توبليرون, الفراهيدي, الايمان و 2 آخرون معجبون بهذا.

آخر مواضيع q8ya metnaqla

- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

ام عزيـــز · 29-06-2019, 06:49 PM

اقتباس : المشاركة الأصلية كتبت بواسطة q8ya metnaqla

عجيب السعر ام عزيز

وأنا بعد من عشاق الباص السياحي

الصور روعه والجو خيال

سلامته عزيز المفروض يلبس عدل دام انه مأخذ شاور

ايي اغلب المشاهير ساكنين في بينت هاوس تقريبا او شقه طابق

اعتقد ليدي غاغا او ريانا ساكنين في شقه على السنترال البارك

مستمتعين معاج

Sent from my iPhone using Tapatalk

ياهلا و غلا حبيبتنا ابرار

بالسفر الواحد يشوف شغلات غريبه , يكون حاط بباله شيء ثاني مختلف

يا زيننا بالخليج , الواحد كاشخ بذيك الفيلا وهو لا مشهور و لا حتى عنده فلوس

تسعدني متابعتك ياقمر

ابقي معنا و الجزء الاخير من التقرير عن التسوق

Abu Muataz, الفراهيدي, توبليرون و 2 آخرون معجبون بهذا.

توبليرون · 28-06-2019, 01:51 AM

يعطيج العافيه يام عزيز
حلو الباص السياحي والكروز وبعد ليموزين وناسه اكملت

الف سلامه لعزيز ربي يحفظه
والصوره الاخيره صاجين حق منو تخش الفلوس

الفراهيدي, الايمان و آخـــرفـــرصـــة معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
العنوان في امريكا	ابووليد	فيزا امريكا	7	13-10-2018 02:26 AM
سياحة في امريكا	abo.battal	بوابة امريكا	4	23-04-2018 08:51 AM
شاطيء بوراكاي مثلك بعد عيني ما رأت	lemonde	بوابة الفلبين	27	25-04-2015 07:03 PM
السفر برا في امريكا.	bader264	بوابة امريكا	10	24-03-2015 12:11 PM