امريكا .. و من مثلك .. - الصفحة 7

ام عزيـــز · 25-06-2019, 02:09 PM

اقتباس : المشاركة الأصلية كتبت بواسطة namareq

تقرير ممتع جدا من بدايته

الصور روعه ام عزيز انت فنانه

صج امريكا غير ما يعرفها الا اللي سافر لها وعاش فيها ذكريات حلوه

متابعه

نسخه لمديرنا الفاضل فيصل
نسخه لنائب المدير آخر فرصه
نسخه لجميع اعضاء و عضوات العرب المسافرون

الله يرفع قدرك عزيزتي namareq
شاكره كلماتك الجميله ( الحمدلله لقينا أحد يكتشف المواهب )
مين قدي !! جاني الثناء من الكويت تعديت السعوديه , يعني وصلت العالميه
اتمنى يكون تقريري ممتع و مفيد لكم
و باذن الله القادم اجمل

ابقي معنا

Abu Muataz, توبليرون, q8ya metnaqla و 5 آخرون معجبون بهذا.

ام عزيـــز · 25-06-2019, 02:14 PM

اقتباس : المشاركة الأصلية كتبت بواسطة الايمان

امريكا .. و من مثلك ..

موجوده بالتقرير يا ام عزيز ماراح اباعد ان شاءالله
شوقتينا على أمريكا
على فكرة انا من محبي أمريكا ولي زيارات عديدة لها وتقريبا كل سنة نزورها
لكن للحين أشياء وأماكن وايد ماشفناها

يا هلا بالغلا الايمان
آآآآه ياقلبي كل ما تذكرتها
و المشكله التقرير عمل لي ريفرش قوي لكل المناظر و المشاعر
يبي لي اسافر دوله ثانيه عشان انسى شوي

الله يهنيك و تلفينها كلها
خليك معنا القادم اجمل

توبليرون, الفراهيدي, الايمان و 1 آخرون معجبون بهذا.

ام عزيـــز · 25-06-2019, 02:18 PM

اقتباس : المشاركة الأصلية كتبت بواسطة Abu Muataz

السلام عليكم و رحمة الله و بركاته ..

ما أن أغيب قليلاً حتى أعود و أجد جزء مبهر من الأبداع ينقلنا في جزئيات " أمريكا .. و من مثلك"
و كم أبدعتي أختي العزيزة في أبراز جمال الطبيعة في السنترال بارك و التي تعد زيارتها سياحة بحد ذاتها .. تفاصيل جميلة أبرزتيها من خلال الصور المتميزة ...

مواصلين معك متابعة الأبداع الأمريكي

اهلاُ خبيرنا Abu Muataz
حياك الله مجدداً

السنترال بارك و الله تستحق السفر عشانها
حلو الواحد ياخذ فندق مقابلها تماماً
مهما الواحد يزورها يقول ما بعد اكتفيت

اخي الفاضل ابقى معنا
القادم اجمل

Abu Muataz, توبليرون, الفراهيدي و 2 آخرون معجبون بهذا.

ام عزيـــز · 25-06-2019, 02:23 PM

اقتباس : المشاركة الأصلية كتبت بواسطة q8ya metnaqla

الله السنترال بارك اتهبل

والله ناطره تقولين هوم الون واشوه لقيتج كاتبه على الصورة محد حببني في هالحديقة غير هالفيلم

عجيبة صور الحديقة تسلم الايادي

ام عزيز حملي الصور على المنتدى

يا هلا بالغلا ابرار
اجمل شيء لما تعيشين اللي تشوفينه في الافلام
على فكره كانت تعليقاتي على السناب اجمل لانها لايف و الانبهار فرش

الله يسلمك حبيبتي
و كل صور تقاريري اول ارفعها على سيرفر المنتدى و انزلها في التقرير
عشان اضممممممن بقاء الاثر

اسعدتني متابعتك يالغلا

توبليرون, q8ya metnaqla, الفراهيدي و 2 آخرون معجبون بهذا.

ام عزيـــز · 25-06-2019, 02:28 PM

اقتباس : المشاركة الأصلية كتبت بواسطة توبليرون

ياحلوو الحديقة تهبل
ماشاءالله على ما شفت الصورة وعديت البنايات
احسها تقريبا كبر الهايد بارك صح والا انا غلطانة

اللي لابس بالية انا اشوف ويهه ريال صح

ياهلا و مسهلا و مرحبا ام حسين

يا سلام عليك , نفس الهايد بارك , لكن انا اذكر الهايد بارك كانت اكثر هدوء
كانت من اجمل اللحظات لما نعطي اكل للوز في البحيره
الله على ذاك المنظر .. ذكرتيني
ما ادري للحين فيها وز و بط ولا راحو - انا من زمان عن لندن

بالنسبه للبنت اللي تتحرك زي الفراشه - انا بعد و الله اشوفها رجال
و كانت هذي الفة نقاش بيننا - قعدنا عندها يمكن ربع ساعه و نسألها ما ترد

خليك قريب - جاي جزء جديد

توبليرون, الفراهيدي و آخـــرفـــرصـــة معجبون بهذا.

ام عزيـــز · 25-06-2019, 02:46 PM

اقتباس : المشاركة الأصلية كتبت بواسطة الايمان

ناطرين يا ام عزيز

coming

توبليرون, الفراهيدي, الايمان و 1 آخرون معجبون بهذا.

ام عزيـــز · 25-06-2019, 02:56 PM

اقتباس : المشاركة الأصلية كتبت بواسطة solo traveller 1

متابعين

نتشرف و الله

توبليرون, الفراهيدي و آخـــرفـــرصـــة معجبون بهذا.

توبليرون · 25-06-2019, 04:02 PM

اقتباس : المشاركة الأصلية كتبت بواسطة ام عزيـــز

ياهلا و مسهلا و مرحبا ام حسين

يا سلام عليك , نفس الهايد بارك , لكن انا اذكر الهايد بارك كانت اكثر هدوء
كانت من اجمل اللحظات لما نعطي اكل للوز في البحيره
الله على ذاك المنظر .. ذكرتيني
ما ادري للحين فيها وز و بط ولا راحو - انا من زمان عن لندن

بالنسبه للبنت اللي تتحرك زي الفراشه - انا بعد و الله اشوفها رجال
و كانت هذي الفة نقاش بيننا - قعدنا عندها يمكن ربع ساعه و نسألها ما ترد

خليك قريب - جاي جزء جديد

ههههه الهايد بارك الحين زحمة وضجة وخاصه حوالين البحيرة والوز والبط يكثر كل سنه عن اللي قبلها والسناجب موجوده بكثرة
راح تشوفينهم بتقاريري

اما الريال تسألينه عن اذا هو ريال والا بنت ههههه
اصلا هذيل المتحولين ما يرضون تقولين له
علشان جذيه ما جاوبكم

ام عزيـــز, الفراهيدي, الايمان و 1 آخرون معجبون بهذا.

ام عزيـــز · 25-06-2019, 04:21 PM

السلام عليكم و رحمة الله و بركاته

احبتي .. مرحباً بكم

للمتعه في امريكا اوجه متعدده , من اهمها المطاعم
راح اكلمكم عن تجربتي بكذا مطعم

انا من عشاق القهوه خاصةً القهوة الساده بدون اضافة كريمة او حليب
كانت التركش كوفي عندي في المقام الاول الى ان جربت القهوة الامريكي الحقيقة

مره جربت اطلب من ستاربوكس/الرياض قهوه ساده
الطعم كان مر و حلفت ما بيوم اطلب منهم
و في امريكا , عزمتني صديقتي على كوب قهوة من ستار بوكس كانت

beyond imagination

جرعه من السعاده لاااااااا تقاوم .. جربتها في ستار بوكس – دنكن دونتس – أي هوب – و كذا محل .. كلها روعه لا تفوتكم

.

, speaking of coffee
ياليت تعطونا اقتراحاتكم عن قهوة تباع هنا في اسواقنا و طعمها شبيه بالقهوه الامريكي الرائعة ..

. .

مطعم الفريده

هو مطعم اوزبكي حلال
قريب من فندقنا .. جاتني عليه توصية من اصحاب الذوق الرفيع

هنا موقعهم

لما وصلت المطعم فاجأني حجمه , صغير جداً
لكن و الله الاطباق رووووووعه
و اجمل شيء كان السوب , و للاسف ما لقيت لها صوره

الايجابيات :
الطعم لذيذ جداً – الخدمة سريعة

السلبيات :
المطعم صغير – الديكورات قديمة

(( جزى الله خير من دلنا عليه – و خذوها مني توصيه معتمده باذن الله ))

اترككم مع الصور

المحل مزين بقطع من التراث الاوزبكي

.

.

متواضع جداً في ديكوراته - مو على قد روعة الطعم

.

.
شيشبرك ناشف

منتو بالخضار - و منتو باللحم
لكن الحجم عندهم كبير جداً

.

اتمنى تزورونه و تدعون لي . .

من ضمن التوصيات زيارة مطعم أي هوب
مافي ولا شيء واحد نقول طعمه عادي , كل شيء فيه سوبر ممتاز

فعلاً اللي عندنا مفروض اسمه : I don’t hope
و السعر كان معقول مو زي اسعارنا هنا اللي غير شكل

. .

في الاوت ليت لقينا مطعم الناس عليه طوابير يبيع بيتزا اصابع
يبيعها في اكواب

لذيذه و خفيفه و مقرمشه

.

هذي صورتها قبل الخبز

الله يهديهم كل اكلهم حلو

. .

دنكن دوناتس اللي دايماً نشوفه في الافلام مع الشرطه
لااااااااا يمكن تكون هي نفس اللي عندنا
عجينتها خفيفه .. مقرمشه .. و مافيها زيت او دسم
و السكر طبقه خفيفه لذيذه .. مو زي اللي عندنا طبقه تجيب الاكتئاب

. .

تشيز كيك فاكتوري
هذا المطعم الوحيد اللي ما حسيت فرق عن الخليج
علماً اني جربت تشيز كيك فاكتوري هنا و دبي و الكويت و حتى امريكا نفس الطعم
و تقريباً نفس الاسعار

. .

عندهم صيدلية cvs يبيعون فيها سناك بـ الالموند و البيكان
خفيف و لذيذ كله مكسرات مع شوي حلى
تحسفت ما صورته , بار صغير و سعره اقل من دولار – اللي يروح هناك لا يفوته
فاجأوني بعد انهم في الصيدليات يبيعون اكل

. .

جودة المطاعم و الاكل عندهم غير عاديه
المقلي مقلي عدل .. و اللي عليه سكر عليه سكر معقول
و اللي بالكريمة و القشطه يعني كريمة و قشطة مو اطنان دسم ضايع طعمها
اما المشوي هذا عاد حكاية ثانيه

ان شاء الله جولة المطاعم اعجبتكم
و الى جزء جديد

Abu Muataz, الركيب, q8ya metnaqla و 13 آخرون معجبون بهذا.

Abu Muataz · 25-06-2019, 04:36 PM

السلام عليكم و رحمة الله و بركاته ..

ليش كذا يا أم عزيز ... " هذا جزء التشويق الحقيقي ..!!" القهوة الأمريكي و المأكولات

بالفعل من جرب القهوة في أمريكا لن يستسيغ أي قهوة تذكر على الأطلاق ..
(أخوكم من عشاق القهوة الأمريكية السوداء Black Coffee)

و أهنئك على أختيار "مطعم الفريدة" و أؤيد نصيحتك بالفعل يستحق الزيارة ..

تسلسل رائع في ثنايا هذا التقرير .. أبدعتي و أمتعتينا ...

ام عزيـــز, توبليرون, الفراهيدي و 4 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
العنوان في امريكا	ابووليد	فيزا امريكا	7	13-10-2018 02:26 AM
سياحة في امريكا	abo.battal	بوابة امريكا	4	23-04-2018 08:51 AM
شاطيء بوراكاي مثلك بعد عيني ما رأت	lemonde	بوابة الفلبين	27	25-04-2015 07:03 PM
السفر برا في امريكا.	bader264	بوابة امريكا	10	24-03-2015 12:11 PM