سلام عليكم اخواني الكرام

مشكلتي اني ماعندي كريدت كارد ولا اقدر اطلع لاني ماعندي لا راتب ولا دخل وبستاجر سيارة من مطار فرانكفورت سكست
عموما راسلت سكست المانيا في تويتر بخصوص فيزا مسبقة الدفع وكانت هذي اجابتهم


مكتوب ان سكست تقبل ديبت كارد ومسبقة دفعة غير مقبولة

بعدها شفت حساب في تويتر يقول ان سكست تقبل ديبت كارد في حالة تامين شامل


رحت وسال سكست هل تقبلون ديبت كارد بدون شروط وبدون تامين شامل وهذا ردهم


رأيكم ؟ استغرب كيف تقبل بطاقة ديبت كارد الحساب الجاري ولا تقبل مسبقة دفع وانا اشوفها نفسها ! وش رايكم ؟

شركة سكست السنه الماضيه رفضت تسليم البعض السيارات بسبب كون البطاقه مسبقة الدفع


وبالمجمل هذا يعود الى الموظف نفسه اذا متسامح بيمشيك واذا منفس بيرفظها


صراحه الموضوع ما يتحمل المغامره فخلك بالسليم لان نظاما المسبقه مرفوضه

ولك الحريه

تم الإرسال من SM-G935F باستخدام Tapatalk

يفضل تستعمل ال debit card افضل
مسبوقة الدفع تقريبا مو معترف بيها دوليا في بعض المعاملات

عموما كيف اخذت صورة من الهاتف عن طريق اي برنامج؟

رائع مشاركة الجميع

استخدمت بطاقة مسبقة الدفع سنويا على مدى 11 سنه في اغلب شركات التاجير الكبرى بالمانيا
سيكست هيرتز افيس يورب كار ...الخ
وتم قبولها ولم اواجهه اي مشكلة

السر ليس في التامين العادي او الشامل .... بل في ان يكون في البطاقه رصيد ليقبل عمليه الهولد ان للمبلغ

يعني احسب حسابك لابد يكون في البطاقه مبلغ لايقل عن 150% من قيمة التاجير

مثلا التاجير 3000 يكون في حسابك 4500ريال ( 3000 تاجير + 4500 للهولد ان )

وعليكم السلام ...
المشكلة هي في مفهوم مسبقة الدفع ..
احنا نعرف انها البطاقة البنكية اللي تشحنها من حسابك وتقبل يصير عليها تفويض ( بلوك للمبلغ ) وهذي بطاقة عادية ومقبولة .

- هم يعرفون البطاقة المسبقة الدفع اللي تباع في المحلات عندهم .. تقدر تدخل اي محل كبير او مكتبة وتشتري بطاقة فيزا او ماستر كارد او غيرها فيها مبلغ معين بالدولار او اليورو او الباوند الخ ... وهذي غير مقبوله لانها ماتقبل غير الخصم منها وماتقبل اضافة رصيد او تفويض عليها .

- انا جربت في المانيا مع شركة سيكست بطاقة ديبت من بنك لويدز في بريطانيا ورفضوها وقال الموظف بجربها بس غير مقبولة وفعلا انرفضت .. واعطيته بطاقة تسوق الراجحي وانقبلت ثم انرفضت عشان الرصيد وقمت شحنتها قدامه ( قلت له انتظر احول لها مبلغ ) ثم قلت له يجرب ثانية وجرب ومشت العملية .. الموضف ماله دخل هو محكوم بنظام كمبيوتر يمرر البطاقة والنظام يقبلها او يرفضها .. اذا البطاقة معك تقبل انه يصير عليها تفويض بالمبلغ يعني حجز فهي بتمشي 100% ان شاء الله .