السلام عليكم ورحمة الله وبركاته،

قدمت على فيزا Visitor من جدة بتاريخ 23 مايو مع خدمة البرويرتي. أنا رايح عندي تدريب وموضح كل شي في التقديم، للاسف ما وصلني اي ايميل لمدة 20 يوم ولكن قبل اسبوع بتاريخ 17 يونيو وصلني ايميل من ابوظبي مكتوب انهم استلموا الجواز + مكتوب جملة تخوف شوي:
Unfortunately the processing of your application has not been straightforward. This means that we will be unable to make a decision within our published customer service standards.
أنا حاس المشكلة كلها من مكتب جدة وانهم ما ارسلوا الجواز الا متاخر. طبعا اتواصلت عدة مرات مع الرقم حق التواصل مع قسم الفيز لكن ما فيه فايدة. رحلتي كانت المفروض امس والتدريب كان المفروض يبدا اليوم في برطانيا ولكن كلمت الشركة واعطوني مهله اسبوع واحد لذلك اجلت الرحلة الى يوم السبت اللي بعد خمس ايام.

سؤال هو أيش ممكن اعمل الان عشان توصل الفيزا قبل موعد الرحلة + اي احد عنده طريقة يساعدني أكون ممتن جدا؟

شكرا