Farzicafe...والسفيرات

توبليرون · 03-07-2019, 01:08 AM

قعدة وسوالف حلوة
مع منو أكيد مع السفيرات
واليوم طلعنا بس انا وامون وهنادي صديقة المنتدى

المكان الافنيوز

في منطقة غاردنز

منطقه حلوه في الافنيوز التوسعه الجديده مدخل المواقف بوابه رقم 23

الموعد فارزي كافيه

https://youtu.be/iBprg4mUa44

وصلت وشفت القعده بره وايد حلوه طبعا بره يعني داخل المول
تكييف بارد والمكان وايد حلو وهادي اخترت بره

ووصلت وراي هنادي وبعدها اموون

وعطونا الايباد للمنيو

القعدات الخارجيه

قدموا لنا هذه الضيافه روب بالمنجا
حتايه صغيره

ووصول اول الطلبات

مقبلات

كساديا الدجاج

وسمبوسة بطاط الحارة

واكيد ماننسى الماي
وكان اختيارنا ثلاثتنا ما نحب نشرب غير الماي مع العيش

وبعدين ياب لنا هالروب البارد
يقول اكلوها بعد المقبلات علشان تغير طعمها وتستمتعون بالطبق الرئيسي

ومن بعيد

نان بالجبن

جتني برياني دياي

لذيذ ما صورته وايد

وعيش مجبوس لحم

اسمه بالهندي
لامب شانك اوسو بوسو

يعني الشكل والطعم خياال

بعدها حبينا نحلي بشي خفيف

جيزكيك اللوتس

وكابتشينو لهنادي

والفاتورة

شكل الاله الكاتبه هههه

الوقت مع السفيرات مادري ليش يمر بسرعه

دفعنا فليساتنا وتقييمنا للمطعم عالي يستاهل اكل وسعر

حساب المطعم بالانستغرام

وتعرفوا على اطباقهم الثانيه

هذه عند السلالم اللي تصعدك لمنطقة الغاردنز

منطقة الغاردنز فيها

مطعم البيغ شيف
ومطعم ام شريف
ومطعم فارزي كافيه
ومطعم فييرا تابع للفور سيزون

والقعدات حلوه وهادي المكان وبارد

نشوفكم بتقرير وطلعه جديده ان شاءالله

Sent from my iPad using Tapatalk

الايمان, الفراهيدي, ام عزيـــز و 3 آخرون معجبون بهذا.

Boeing · 03-07-2019, 07:10 AM

السلام عليكم

يا مال العافيه يا ام حسين انتي وباجي الخوات

والله الواحد يفرح لما يشوفكم تتجمعون وتتلاقون مع بعض ، الله لا يفرقكم
للأمانه انا ماني من رواد الأفنيوز بالمره لكن المطعم هذا اذكره عدل في السيتي ووك في دبي
وما شاء الله كل ما امر صوبه زحمه ودور وناس تنطر ، وانا الزحمه ما ادانيها علشان جذيه ولا مره جربت آكل عنده
لكن مبين من الصور ومن كلامك ان اكله طيب ولذيذ وخاصة نوعين البرياني ، عوافي

وقواك الله على التقرير الجميل

الفراهيدي, توبليرون, السفيرة *ب* و 2 آخرون معجبون بهذا.

q8ya metnaqla · 03-07-2019, 08:16 AM

عليكم بالعافيه

واكيد القعدة معاكم ما تتطوف لكن للاسف ما قدرت على هالطلعه

مبين الاطباق لذيذة ومن تقيمكم له

ان شاءالله نلتقي معاكم في طلعات يايه

توبليرون, السفيرة *ب*, ام عزيـــز و 2 آخرون معجبون بهذا.

آخر مواضيع q8ya metnaqla

- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

الايمان · 03-07-2019, 10:24 AM

الحمدلله كانت القعده روعه والمكان وايد حلو
اختيار موفق للمطعم الاكل لذيذ والكميه مناسبة والسعر ممتاز
من غير شر فقدناكم منال وابرار
الله يجمعنا دايما على الخير والمحبة

الفراهيدي, ام عزيـــز, توبليرون و 1 آخرون معجبون بهذا.

توبليرون · 03-07-2019, 01:44 PM

اقتباس : المشاركة الأصلية كتبت بواسطة Boeing

السلام عليكم

يا مال العافيه يا ام حسين انتي وباجي الخوات

والله الواحد يفرح لما يشوفكم تتجمعون وتتلاقون مع بعض ، الله لا يفرقكم
للأمانه انا ماني من رواد الأفنيوز بالمره لكن المطعم هذا اذكره عدل في السيتي ووك في دبي
وما شاء الله كل ما امر صوبه زحمه ودور وناس تنطر ، وانا الزحمه ما ادانيها علشان جذيه ولا مره جربت آكل عنده
لكن مبين من الصور ومن كلامك ان اكله طيب ولذيذ وخاصة نوعين البرياني ، عوافي

وقواك الله على التقرير الجميل

تسلم اخوي بوينغ
لا لازم تجربه خوش مطعم والقعدات عنده حلوه ووايد في طاولات داخليه وخارجيه مافي زحمه ابدا
الافنيوز امس كان زحمه بس جهة ايكيا لان فيه تنزيلات جهتنا اخف

المطعم يستحق التجربه وبكل قوه
شكراا للمرور العطر

الايمان و ام عزيـــز معجبون بهذا.

توبليرون · 03-07-2019, 01:47 PM

اقتباس : المشاركة الأصلية كتبت بواسطة q8ya metnaqla

عليكم بالعافيه

واكيد القعدة معاكم ما تتطوف لكن للاسف ما قدرت على هالطلعه

مبين الاطباق لذيذة ومن تقيمكم له

ان شاءالله نلتقي معاكم في طلعات يايه

الله يعافيج ابرار
فقدناكم هالمره وعذركم معاكم
اليايات أكثر ان شاءالله
المطعم ماعليه زود وايد شي عجيب
شكراا للمرور الحلوو

الايمان و ام عزيـــز معجبون بهذا.

توبليرون · 03-07-2019, 01:51 PM

اقتباس : المشاركة الأصلية كتبت بواسطة الايمان

الحمدلله كانت القعده روعه والمكان وايد حلو
اختيار موفق للمطعم الاكل لذيذ والكميه مناسبة والسعر ممتاز
من غير شر فقدناكم منال وابرار
الله يجمعنا دايما على الخير والمحبة

القعده حلوه معاج ومع الربعات فقدناهم
ان شاءالله اليايات أكثر
شكراا للحضور والمرور الاحلى

الايمان و ام عزيـــز معجبون بهذا.

مسافر لحالي · 03-07-2019, 01:57 PM

المكان جميل
والاكل من شكلة حلو
هني وعافية عليكم

الايمان, ام عزيـــز و توبليرون معجبون بهذا.

توبليرون · 03-07-2019, 11:15 PM

اقتباس : المشاركة الأصلية كتبت بواسطة مسافر لحالي

المكان جميل
والاكل من شكلة حلو
هني وعافية عليكم

الله يعافيك اخوي
شكراا لمروركم الاجمل

الايمان و ام عزيـــز معجبون بهذا.

السفيرة *ب* · 04-07-2019, 02:51 AM

ما شاء الله هني وعافية عليكم حبيبتي أم حسين

لمة حلوة الله يجمعكم دوم على الخير والمحبة

تقرير رائع ومطعم راقي وريحة البرياني وصلت

أسماء الأكلات رنانة كساديا الدجاج يعني جباتي بالدجاج

ولامب شانك اوسو بوسو هذا حكايته حكاية

والضيافة لحسة وحدة

وجيزكيك اللوتس باين عليه لذيذ ما شاء الله

أكيد القعدات الحلوة يمر فيها الوقت بسرعة

ويحفظكم الرحمن ويسعدكم ويرعاكم

ام عزيـــز, توبليرون, الايمان و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استيا ماس اليوناني والسفيرات	توبليرون	بوابة الكويت	13	05-02-2019 12:12 PM
بازار والسفيرات مره ثانيه	توبليرون	بوابة الكويت	20	24-12-2018 03:38 AM