استفسار بخصوص فندق أسكوت كوالالمبور

Bu Rashid · 02-04-2015, 08:30 AM

بسم الله الرحمن الرحيم

السلام عليكم ورحمه الله وبركاته

تحية طيبة وبعد

بإذن الله في شهر مايو 2015 راح أسافر في رحلة عائلية إلى ماليزيا .. وكنت أبي أحجز فندق في كوالالمبور .. طبعاً كان خياري الأول هو فندق تريدرز لكن للأسف ما حصلت حجز .. وبعدها غيرت خياري إلى فندق جراند حياة كوالالمبور .. وللأسف ايضاً ما حصلت حجز .. وفي الأخير أخترت فندق أسكوت كوالالمبو نوع الغرفة (شقة بغرفة نوم واحدة) .. حجزته بسبب قربة من فندق تريدرز وقربة من البرجين .. اللي أعرفه أنه الفندق نظام شقق فندقية وهو من فئة (5 نجوم) لكن ما أعرف شنو مستوى الشقق وهل الفندق جديد أو قديم .. هي الأثاث جيد أو قديم .. ياريت اللي سكن في هالفندق من قبل يعطينا معلومات عن الفندق أو اللي عنده صور للفندق لا يبخل بها علينا ..

Turki1407 · 02-04-2015, 09:04 AM

و عليكم السلام
بالنسبه لاسكوت فاعرف صديق سكن فيه و يقول فندق جميل و اثاثه نظيف
بس في فندق جديد و ايضاً من تجربه احد الاصدقاء و هو e&o فندق جميل و نظيف و جديد و موقعه ممتاز في المنتصف بين البرجين و شارع العرب.

Bu Rashid · 02-04-2015, 09:27 AM

مشكور يا أخوي Turki1407 على الرد
الحين خلاص حجزنا .. وحجزنا بدون تغير ولا استرداد
آنه شفت له صور في بوكينج .. لكن بعض الصور فيها أثاث حديث وعصري
وبعض الغرف أثاثها قديم
ولهذي السبب آنه شككت في الموضوع

بيبي فيس · 02-04-2015, 10:30 AM

أنا لو تكررت زيارتي لماليزيا باسكن في شقق أسكوت

الكل يمدحها وعندي صديقة ماتسكن إلا بأسكوت

توكلو على الله وإن شاء الله ماتلاقون إلا اللي يسركم

Bu Rashid · 02-04-2015, 11:25 AM

مشكورة أختي بيبي فيس
الحمدلله طمنتيني شويه لأني أحاتي وايد وخايف أنصدم
أشكرج على ردج ويعطيج العافية

kazami · 02-04-2015, 05:19 PM

أخوي ابو راشد.. فندق امبيانا ليه مافكرت فيه. هو يقع قريب من البرجين وفي نفس المنادق حقت اللي ذكرت.
فندق جميل وفخم وسعره حلو ويكفيك ان متصل به الجسر المكيف اللي يوصلك للبرجين او لشارع العرب.
وكلها خمس دقايق على رجلك والدنيا مكيفة لاشمس ولامطر وبدون تكسي و توصل احىد الوجهتين.

كتكات783 · 02-04-2015, 06:00 PM

ربي يوفقك يا بوراشد ..

ما جربت الفندق .. بس سمعته ممتازة والأهم موقعه جميل جدا ..

توكل على الله وعسى أمورك تساهيل يارب ..

أفهم من كلامك البوابة موعودة بشهر جون بتقرير ماليزي فااااااخر ..

أبوعبدالله (الاسفار ) · 02-04-2015, 09:49 PM

دامك حجزت و منتهى

توكل على الله

باذن الله راح يعجبك

رحلة موفقة

Bu Rashid · 03-04-2015, 09:34 AM

أشكرك يا أخوي على الرد
والله كان في بالي وكانت حاطه الخيار الرابع بعد أسكوت
وبعد ما حجزت أسكوت بحثت عن أمبينا وتحسفت أني ما حجزت فيه
لأنه قريب من البرجين ومتصل بالجسر المكيف
لكن قدر الله ما شاء فعل ..
---------------------------------------------------
وياك يا أخوي كتكات783
أشكرك يا أخوي على الرد وآنه قريت في بوكينج أن سمعته ممتازة
لكن كنت متخوف شويه
هههههههههههه إن شاء الله الله يوفقنا أن نعد لكم تقرير ممتاز
---------------------------------------------------
إن والله يا أخوي أبوعبدالله (الاسفار ) حجزته بسبب الخوف من عدم الحصول على حجز
كل فندق أختارة وأسأل عنه أحصل حجز بس أخذ فترة يومين علشان أرتب برنامج أرجع أبي أحجزة يطلع فل
لأني أول شيء حصلت في تريدرز تأخرت يومين وصار فل وبعدها أخترت جراند حياة وقلت للمكتب بس أجوفه صورة وتقييمه وأرجع لكم
أرجع لهم بعد يومين وإلا فل .. قلت خلني أحجز فندق من الحين بسرعة علشان بعد ما يصير فيني مثل ما صار في الفندقين اللي قبل
وبس وحجزت أسكوت .. وبحثت عن أسكوت في الانترنت لكن ماحصلت لا تقرير عن الفندق ..
بس إن شاء الله أول ما أرجع من ماليزيا راح أسوي عن الفندق أحلى تقرير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار بخصوص بخصوص الصرف	Mohammed_h_kariri	بوابة مصر	18	08-06-2018 08:30 AM
استفسار فنادق كوالالمبور	محمد1990	ماليزيا	41	07-03-2015 02:46 PM
تقرير مصور عن فندق و شقق E&O RESIDENCES كوالالمبور	أبوعبدالله (الاسفار )	ماليزيا	21	24-02-2015 06:05 AM