اختيار نوع الغرف في الفندق

ام شوشوو · 07-07-2019, 02:47 AM

السلام عليكم و رحمة الله و بركاته
اخواني و اخواتي اتمنى مساعدتي في رحلتي لشرم الشيخ ثم القاهرة
فزعتكم هذي اول مرة بنسافر فأبغى مساعدتكم و معلومات وافيه
اول شي متى احجز الطيران علما اننا مخططين نسافر في اجازة المدارس
تاريخ 22 ديسمبر و العودة 8 يناير تقريبا الرحله 18 يوم
كيف اقسمها و اعرف الفعاليات المقامه علما باني ابغى شرم الشيخ 5 ايام تقريبا
والباقي في القاهره .. و هل اذا حجزت عن طريق المواقع الدفع كيف يكون وًهل يكون الحجز مؤكد
ولا احتاج تأكيد الحجز و كيف احصل على التذاكر و كيف اعرف المطار و الصاله وكيف اختار المغادرة ابغاها جده شرم الشيخ و العوده من القاهره جده ينفع كذا او لازم من مكان الاقلاع ؟؟
اخاف تروح عني الرحله
معليه اول مرة اسافر وابغى كل المعلومات ��
والفنادق من اي تطبيق احجز ؟؟ و هل احجز كامل الايام ولا يومين واشوف ناسبتني الغرفة وبعدين ادفع باقي الايام واا كيف
وايش اختار نوع الغرفه ذا الشي اللي محيرني مرة ما عرفت اختار نوع الغرفه علما بااننا 6 اشخاص
2 بالغين و 3 اطفال تتراوح اعمارهم بين 6-7-8 و رضيع كيف اختار غرفتين ؟؟ ولا جناح وانومهم عندي اخاف اختار غرفتين و يطلعو مو جنب بعض او ما بينهم باب و هذولي اطفال اخاف اتركهم واذا اخترت جناح عادي الفندق ما يسوا لي زحمة انه كيف ادخلهم معي مرة قالقني الموضوع وماني لاقيه اجابه وافيه عادي اختار جناح مثلا واخليهم معايا الفندق ما يرفض مثلا انه يدخلو باللهي اللي عندو خبره و معلومه يفيدني لاني مرة حوسه وموًعارفة شي و له دعوه بظهر الغيب ��

آخـــرفـــرصـــةمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
محتاج الفزعه في اختيار الفندق المناسب لباريس ؟	jacksparrow	بوابة فرنسا	5	01-09-2019 12:54 AM
ارخص سيارة خاصة للوصول من الفندق للمطار ومن الفندق لديزني لاند	زي الشباب	بوابة فرنسا	2	01-02-2019 08:45 PM
نظام الغرف مساعدة	Renewal	بوابة ماليزيا	6	28-08-2018 02:13 PM
وش الفرق بين هذي الغرف..؟	ارسم غلاك	بوابة اندونيسيا	5	22-06-2016 10:26 PM
أصغر الغرف الفندقية في العالم!	أبوعبدالله (الاسفار )	عام	16	26-03-2015 07:13 PM