تجربه استخراج فيزا فرنسا


السلام عليكم ورحمه الله وبركاته

اليوم موعدي في مركز التأشيرات الموحد لأستخراج شنغن فرنسا

08-07-2019 الساعه 8:30 صباحا

وراح اذكر لكم كل النقاط بالتفصيل حتى تعم الفائده للجميع



اول شي وصلت للموعد متأخر 20 دقيقه وتوقعت بوجود زحام وتأخير لاكن الحمدلله دخلت على طول واستلمت رقم انتظار وماكان فيه اي زحمه ابد عدد قليل فقط



الطلبات التي اخذوها مني :

1- الموعد
2- الابلكيشن الطلب
3- تذاكر الطيران
4- حجز الفنادق
5-التامين الطبي ( الاصل )
6- صور كشف حساب بنكي ( قدمت 4 اشهر ورجعت لي شهرين واخذت اخر شهرين فقط)
7- خطاب التكفل بالمصاريف ( لزوجتي واختي )
8- كرت العائله مترجمه
9- صور الجوازات ( فقط الجواز ولم تطلب صور للصفحات او تواقيع )
10- صوره للفيزا القديمه ( عندي المانيه عام 2015)
11- صوره شخصيه واحده فقط
12- تعريف بالراتب باللغه الانجليزيه
ملاحظه مهمه( اعمل في قطاع خاص وطبعت تعريف يدوي ورفضت الغرفه التجاريه اي تصديق يدوي بدعوى وجود نظام جديد يتم تصديق التعريف اون لاين من موقع الغرفه التجاريه ورحت سويت تعريف جديد اون لاين وتم التصديق الكتروني ) وماقالوا اي شي بخصوصه




تم ارجاعي على 3 نواقص فقط عدلتها ودخلت ثاني

1- احد حجوزات الفنادق لايوجد به اسمي في معلومات الحجز وطلبت ان اعيد طباعته

2- نموذج مع الابلكيشن نسيت اطبعه ( التشيك لست)

3- سألتني كيف بتتنقل من باريس لستراسبورغ قطار او سياره او طياره ( قلت بالقطار وقالت لابد تجيب حجز القطار هذا شي ظروري في الطلبات ) ولما قلت لها انا ماحجزت لسى وماكنت اعرف قالت خلاص خذ ورقه وقلم وعبي خطاب مثل التعهد بالانجليزي موجه للسفاره واذكر فيها بيانات وبيانات المرافقين وطريقه تنقلك ووقع ويمشي )
طبعا استعنت ب قوقل وترجمت ونقول ان شاء الله يمشي




اوراق رجعوها غير مطلوبه ( حسب كلامهم )

ورقه الموعد( اخذو نسخه واحده فقط اللي قدمتها ورجعو اللي مع زوجتي واختي )

كشف حسابي البنكي ( اخذو الاصل اخر شهرين فقط اللي قدمتها ورجعو اللي مع زوجتي واختي )

تامين ( اخذو نسخه واحده فقط فيه اسمائنا كلنا)

صور صفحه 2-3 من الجواز ( رجعوها كلها )
الهويه الوطنيه

صور كرت العائله ( ( اخذو الاصل فقط اللي قدمتها ورجعو اللي مع زوجتي واختي )



بطاقه الفيزا الراجحي تسوق ( تأخر البنك في تسليمها لي ورحت قدمت بدونها وماسألوني عنها ابدا )


التدقيق من الموظفه صار معي على

كشف البنك ( سألتني عن راتبي ينزل بأي تاريخ شهريا وقلت لها من 1 لحد 10 وعندي مداخيل اخرى غير الراتب موجوده في الكشف ايداعاتها شهريا بحدود 200 الف )

دققت على حجز القطار او طريقه التنقل من باريس ل ستراسبورغ او اي منطقه اخرى



حسب كلامهم خلال 5 ايام تستلم الفيزا من السفاره


التقديم اليوم الصباح والان واجهتني مشكله ومادري ايش الحل لها
اطول اقامه لي بفرنسا
لاكن بعدها راح انتقل ل النمسا واخذ فيها 4 ايام ( الفندق اللي حجزت فيه بالنمسا قام بإلغاء حجزي بشكل كامل بدعوى عدم صلاحيه البطاقه الائتمانيه ) مع العلم ان كل شي صحيح

وجاني اليوم رساله انه تم تسليم الجوازات للسفاره
وبنفس الوقت الفندق حق النمسا قام بإلغاء الحجز

مشكله ولا اعلم لها حل

متخوف جدا جدا من الرفض دعواتكم جميعا بالتوفيق