تقسيم جدول الفلبين وتايلند

turki2333 · 15-07-2019, 12:20 AM

السلام عليكم ورحمة الله وبركاته
اسعد الله ايامكم بكل خير
انا يا اخوان قررت اني اخذ اجازة وازور االفلبين واشوف تايلند بالمرة
مالكم بالطويلة
انا ابرفق جدول مبسط سويته ( وابكتبه ) لايام الرحلة وابي نصيحتكم كناس خبرة هل الايام مناسبة ؟

الخطة كالتالي
28 اغسطس الوصول الى مانيلا
ابجلس فيها 3 ايام ومن ثم بـ 31 ابنتقل لبوراكاي
ابجلس فيها 4 ايام وارجع لمانيلا بتاريخ 4 سبتمبر
ابجلس بمانيلا يومين واغادر الى بانكوك بتاريخ 7
ابجلس ببنانكوك يومين واروح لبوكيت بتاريخ 10
ابجلس 3 ايام وارجع لبانكوك بتاريخ 13
ابجلس يومين واغادر لمانيلا بتاريخ 16
ابجلس يوم بمانيلا واغادر البلاد بتاريخ 17

يمكن تشوفون الرحلات كثيرة لكن انا ماشوف ان هذي بتسبب لي مشكلة خصوصا اني لحالي والهدف مع الاستجمام والتسوق ايضا الاستكشاف

هل تقسيم الايام مناسب ؟
هل الافضل احجز من الان لبوراكاي او احجز من هناك عن طريق مكتب لاني سمعت انه ارخص ؟
هل الافضل جلب دولارات او الريال مايفرق او اخلي الفلوس بالفيزا ؟
هل تنصحون بفنادق او مناطق معينة للسكن ؟

turki2333 · 15-07-2019, 12:25 AM

ونسيت اسال كم فيه مطار دولي بمانيلا ؟

JAKALL · 15-07-2019, 08:37 AM

وعليك السلام ورحمة الله

ياهلا ومرحبا في قسم السفر الى الفلبين

صباح الخير

الجدول ممتلئ ماشاءالله عموما اقترح عليك ترجع من بانكوك ع ابوظبي او دبي او الكويت وبعدين الرياض بدل

ماترجع ثاني مانيلا

بالنسبة لاختيار الجزر بوكيت وبوراكاي الاثنين جزيرتين بحر وشاطئ اقترح عليك تزور منطقة مختلفه

وعندك خيارات مثل بوهول ف الفلبين او شانغ ماي في تايلند

بالنسبة لحجز التذاكر سويها كلها اونلاين وبدري يكون احسن وارخص من المكاتب

تاكد انك تضيف شنطة وقت الحجز اذا معاك شنط كبيرة

بالنسبة للصرف اذا حصلت الريال مقابل 13 بيسو اصرف من هنا

وخذ معاك كاش اضافي (ريال او دولار ماتفرق كثير) والفيزا كذلك للاحتياط

بالنسبة للسكن ارشحلك منطقة مكاتي منطقة راقية وكلها سياح ومولات ومطاعم

بالنسبة للسكن بوراكاي منطقة ستيشن 2 وموقعها ف الوسط

مانيلا فيها 4 مطارات لازم تتاكد من التذكره من اي تيرمنال 1 او 2 او 3 او 4 بعض شركات الطيران تقلع من تيرمنال مختلف لكن العادة الدولي تكون من تيرمنال 1

اي استفسارات اخرى حاضرين ان شاءالله

تحياتي

turki2333 · 15-07-2019, 02:52 PM

ياسلام عليك فعلا فايتتني فكرة اني اروح من تايلند دايركت ليش ارجع

وبالنسبة للجزر انت ادرى لكن انا ودي اشوف الثنتين بحكم انهن يمكن اشهر جزيرتين بالعالم حتى

turki2333 · 15-07-2019, 02:57 PM

turki2333 · 15-07-2019, 03:23 PM

الطيران الفلبيني زين ؟

JAKALL · 16-07-2019, 08:24 AM

الطيران الفلبيني زي السعودي الفرق ف حجم الكراسي والطائرات الداخليه طبعا دائما اصغر

الطيران الداخلي كله قابل للتاخير وهذا يحصل ف كل دول العالم

تحياتي

علي القيم · 16-07-2019, 04:52 PM

مانيلاه مافيه ماتستحق تقعد فيها واجد قلل الايام

علي القيم · 16-07-2019, 04:57 PM

انا توني راجع من فلبين نصيحتي اليك اداء حاب توفر وتشوف اماكن ثانية اليوم الثالث اطلع من مانيلاه بي الباص الي انجليس ستي مطار كلارك اقعد اليك يوم بعدها اطلع الي بوراكاي بيطلع عليك ارخص من الخروج من مطار مانيلاه

تقدر تطلع من مطار كليبو في بوراكاي على تايلند 500 ريال اير اسيا

حق الرجوع الي الفلبين مايحتاج تروح مانيلاه انزل في سيبو من بانكوك طيران مباشر

برنامجك كل مطارات و نفس المكان ترجع خل خطك ون ويه

turki2333 · 18-07-2019, 09:30 AM

انجليس سيتي هذي وش تتميز به ؟
وين يقع مطار سيبو هذا ؟ باي مدينة يعني
واذا تشوف ان التقسيم مو مناسب اقترح علي تقسيم انسب ولك انت وغيرك جزل الشكر وخالص الدعاء

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقسيم الايام	مرتاح أحبك	بوابة ماليزيا	7	21-02-2019 04:04 PM
تقسيم الأيام	أسماء	تركيا	6	23-05-2017 10:21 AM
تقسيم المبلغ	ابن الشرقية 96	اوروبا	6	06-07-2015 02:45 PM
فنادق تقسيم	memo	تركيا	6	08-06-2015 02:54 PM
يوم من الرعب أنا وعائلتي في تقسيم (\| أحداث تقسيم 6-2014 )	ابا رواء	تركيا	18	16-02-2015 01:51 AM