السلام عليكم ورحمة الله وبركاته
اسف على التاخر في التقرير كانت رحلتي إلى باكو عن طريق خطوط ناس واحلى ما في الرحلة أنها مباشرة لكن للاسف تأخرت حوالي ساعتين ونص المهم وصلنا على
خير وكانت أكبر مشكلة سويتها التخطيط الفااااااشل حيث الذهاب من المطار إلى قابلا هنا وقعت المشكلات وليست مشكلة وبالنسبة للي يهمكم مشكلة السواق
أولا: رحت أسأل عن الذهاب من المطار إلى قابلا
من تكسي المطار قالو لي 180 منت غالي جدا طلبت اوبر مدري ب   70منت أو أكثر أو أقل بشي بسيط المهم دق علي وطلعت برى المطار واسأل شخص عن اوبر
طلع راعي تكسي وبدون مقدمات قال الشرطة تمنع اوبر في المطار المهم اغلق جوالي أثناء اتصال أوبر وقال الشرطة ممكن تدخل معهم في مشاكل اخذ العربية الي فيها امتعتي أثناء النقاش اجتمع الشرطة ولا ادري وش قالهم بالظبط وش الي صار بالظبط؟ وليه كان يناقشهم؟
المهم رحت معه وركب اغراضي بالشنطة حسيت اني ماني مرتاح معه يوم ركبت قلت كم السعر تعرفون كلام بعض السواقين أي شي قلت عطني الاتفاق قال 200 منت قلت ليش المطار ما اخذ أكثر من 180 ليه انت 200 قال هم على عدد الشنط قلت ماريح ادفع أكثر من تكسي المطار بعدين قال 20  ما نات يعني المبلغ بسيط قلت لا ماريح ادفع ووافق هههههههههه خدعت نفس سعر المطار مع رجل تكسي خارج المطار فقط ركبت مع أحد ثاني وكان المفروض ياخذ 140الى 150 ههههههه خدعه ما بعدها خدعه وأنا أحس انك تقدر تلقى سعر اخر ونسيت اول شي قاله يوم اركب معه أنه يبي يغير السيارة المهم قالي انه يبين يووصلني لسيارة ثانية يوصلك لوجهتك قلت الاتفاق بيني وبينك !!!!!!! ماهو مع شخص غريب قال لي لو هو يوصلك قلت ليش الكلام كذا بعدين قال عطني 100قلت تعبي ب 100  قال لا وتنزل مع السيارة الثانية عشان يوصلك قلت اقول رجعن المطار ولك حقك حق المطار وفكن قال لا الرجال يبي يوصلك وأخذ شناطي ونزلها مع الرجال أثناء النقاش حسيت أني ممكن أسرق ويأخذ مني كل شي وبعدها أبلش أنا وعيالي وش يصير علي والله ورطة وأخذ 100  وقلت قله ترى باق 80وقاله وقلت للرجال الي يبي يوصلني حتى يدري اني ماخذت له حق قال السواق ايه ادري المهم طلع محترم وصلني لقابلا يوم دورت على هل أنه ممنوع فيه شخص يقول اوبر يدخل كل العاصمة باكو يعني مافيه ممنوع ولا كلام م فاضي ومن أراد يتأكد يسأل بالتويتر باقي وجهات النظر بالتقرير الثاني والبعد عن المشاكل

شكراً على التنبيه

حق وواجب
لا شكر عليه

افضل
الواحد لمن بينتقل من مطار لمدينة اخرى يستاجر من البوكنج او شركة سياحية
ولكن فيه تطبيق ممتاز في اذربيجان اسمه BOLT راح تستفيد منه

والله يوفق الجميع

شكرا لك على التنبيه
بالفعل اسعار التكسي من المطار لاي وجهة دائما ما تكوت غالية
من داخل المدينة ولأي سيارة من الشارع او الفندق الاسعار للشهر الماضي هي
جولة كاملة الى قوبا 120-140 مانات
توصيل من باكو الى غابالا او العكس بحدود 90 مانات
واذا كان المسافرون عدد 2 مثلا بالامكان استخدام الباصات للتنقل بين المدن سهلة جدا ومتوفرة
مثلا من باكو الى غابالا التذكرة 7.6 مانات فقط

-