بسم الله الرحمن الرحيم

‏

‏اليوم العاشر 23 يونيو

اصبحنا واصبح الملك لله لا اله الا الله محمد رسول الله

‏الاماكن المراد زيارتها :

‏ السباحة
يقتح يوميا من 7 ص الى 8 م
‏ المتحف التفاعلي
يفتح يوميا من 10 ص - 6 م
‏ متحف العجائب
تفتح يوميا من 10 ص الى 6 م
‏ الجورني بلازا
يفتح يوميا من 10 ص - 11 م


‏

استيقظنا اليوم على نغمات المطر كانت الساعة 8:30 تجهزنا ونزلنا الافطار وبعدها مشينا الى الادفنشر زون وكان زحمة فيه قروب طلاب مدرسة سالنا موظفة الاستقبال عن امكانيه اللعب قالت القروب باقي له ساعة قلنا تمام دخلنا البزورة وانا وام حسن نتشاور بالجدول واتفقنا ان نكمل الرحلة بماليزيا فقط لان مافي وقت لاستخراج فيزا سنغافورة وخفنا تتاخر وكمان ابدا مالقينا فنادق في سنغافوره تناسبنا رحت سالت الاستقبال لو بحجز خمس ايام كم التكلفة قالت مافي الا ثلاث ايام تتوفر غرفتبن متصلة بتكلف 6700 رنجت [emoji850]
























‏

بعد الادفنشر زون خرجنا واتغدينا في صب واي وبالطريق شفت مغسلة ملابس مكتوب يوجد صرف عملة دخلته وسالت بكم وكان سعر الصرف ممتاز قلت له العصر امرك ورجعنا للفندق للنوم قبلها مريت الاستقبل وسالتهم عن التمديد قالوا فل الغرف العائلية في غرف بجناح الراسا بتكلفنا غرفتين خمس ايام 9000 رنجت [emoji15] المهم طلعنا الغرفة ولقيناها زي ماهي ماتنظفت وكنا تعبانين كلمناهم ليه ماتنظفت الغرفة قالوا الحين نجي ننظف قلت العصر الحين بننام قالوا طيب









‏

نمنا وصحينا على 4:30 اكلوا البزورة خفايف ونزلوا مع امهم المسبح وانا مريت الاستقبال وكلمتهم على تنظيف الغرفة وان ذا ثالث يوم ارجع الظهر والغرفة مااتنظفت وان في ريحة بممر الغرفة ورحت اصرف ووديت الغسيل المغسلة وعملت جولة على فندق الهاردروك قالوا ماعندهم الا بعد اسبوع وفعلا كان في زي الاحتفال وزحمة زحمة وبارك رويال قالوا بس يومين الفندق فل والباي فيو صراحة كان فيه بس ماعجبني المكان اخذت لفه على المنطقة ورجعت مريت الاستقبال وطلبت منهم لو يقدروا يكلموا الخطوط الماليزية بتغير اتجاه الرحلة وكم بيكلف قالت لي اروح اكلم مكتب حجوزات الطيران يكون بالجهة اليمين وانت داخل المنتجع وماقصر الموظف تواصل معاهم هاتفياعشان تعديل التذاكر والحمد لله قدرت اعدلها بخسارة مبلغ اتجاه واحد قرابه 400 رنجت وورجعت للاسترخاء عند المسبح طلبت من البار عصبر جوز الهند قاعد الموظف يستهبل يقول مو حلال واتناقشت معاه وطنشنا ولاكني موجود طنشت لان كنت مشغول ورحت اشتريت كوفي وقعدت اتامل غروب الشمس عند البحر






‏

الساعة 7 طلعنا الغرفة وزي ماهي مااتنظفت والممر نفس الريحة لبسنا وعدت كلمتهم وقالوا طيب بينظفوا بس اليوم انشغلوا وتعتذر وكذا قلت طيب انا بخرج للعشاء ورحنا للهاردورك واتعشينا ورجعنا وكان لذيذ بس زحمة كأن كل السياح فيه وماقدرت اصور الصور من النت










‏

رجعنا للفندق الساعة 10 والوضع كما هو هنا انا انفجرت لان كنت تعبان وطلبت مدير الفندق ماعادينفع ثلاث ايام كل مااجي الغرفة لاتنظف ولاترتب الا بعد طلوع الروح والريحة اللي بالممر كلمتهم كذا يوم ولافي فايده قالوا نعتذر قلت جيبوا المدير جاء المدير شرحت له الوضع من اول مادخلت الفندق وان انا ثلاث ايام وهم بنفس الوضع ارجع الظهر والغرفة ماخلصت وفوقها كمان الغرفة عائلية حتى روب استحمام مافي الاثنين وبالحجز مكتوب لاربع شخاص وشرحت له على تاخير الدخول وعلى ريحة الممر قلت له انتم حتى التامين اخذتوا اعلى سعر ولارضيتوا تتنازلوا من حقي كنزيل القى اهتمام مقابل مع ادفع وبلغته بتصرف عامل البار عند المسبح وقت طلبت عصير جوز هند قال لا مو حلال ويضحك ويستهبل علي واعتذر وكذا وراح فتح لنا غرفة مقابله للمسبح بحناح راسا عشان ننتظر لين يتم التنظيف وجابوا لنا عصيرات واعطوا البزورة هدايا تعويض عن التقصير ووقلي بيرفع الشكوى وبكل ماحصل على الادارة بالصباح وانتهى يومنا على خير

‏

‏تقيمي لصب واي
20/18
طعم وسعر وجودة بس بعتبر سعره مرتفع

‏ تقيمي لكافيه الهارروك
20/20
ممتاز وطعم وسعره متوسط فقط ماعحبني الازعاج ممكن لان انا احب اكل بجو اهدى شوي كان مره المكان صاخب

‏تقيمي للمغسلة والصرف
20/20
ممتاز جدا جدا من ناحية الصرف والغسيل وصاحبها انسان خلوق ومحترم

‏


‏مصاريف اليوم العاشر

غداء صب واي = 88 رنجت
ادفنشر زون لساعتين = 72 رنجت
عشاء الهاردروك = 180 رنجت
جراب من الى الفندق = 20 رنجت
غسيل وكوي ملابس = 30 رنجت
المجموع = 390 رنجت

‏

‏في حفظ الرحمن

ابو حسن و ام حسن


أرسلت بواسطة iPhone بإستخدام Tapatalk[/B][/SIZE][/COLOR][/FONT]