رحـلـتـي إلـى الـمـالـديـف

غرام · 27-07-2019, 11:01 AM

السلام عليكم
.
.
.
صباح الخير علي جميع أعضاء منتدى المسافرون العرب الغالين
المنتدى اللي له حق كبير علينا
وهذا اول تقرير لي في المنتدي
واعتذر عن التاخير في كتابة التقرير
رحلتي كانت 25 -12 -2018 الى المالديف
30 – 12 – 2018 الى 7 – 1 – 2019 دبي
وكانت اجمل رحله لي انا وزوجي الغالي
رحله بدون تخطيط او جدول
فجئه قرر زوجي الغالي انه نسافر برحله قصيره بدون الأولاد
على قولته نجدد شهر العسل
طبعا انا المستشار عندي بالتخطيط لاي سفره من عشر سنوات تقريبا هو منتدي المسافرون العرب اللي له فضل كبير علينا بعد الله سبحانه وتعالي
وبعد الاطلاع على تقارير الأعضاء
قررنا نسافر المالديف خمس أيام ودبي أسبوع ويكون راس السنه 2019 بدبي
كل شي تم بسرعه
حجزنا ع طيران الامارات اللي احببببه
وحجزنا فندق من بوكينق والحمدلله توفقنا بالفندق
وهذا الفندق من بوكينق
https://www.booking.com/hotel/mv/ban...pa.ar.html?aid

وجهزت الشنط بسرررعه
واتصلت على اهلي ابلغهم انه مسافرين انا وأبو العيال
وقلتلهم العيال بخليهم عندكم
طبعا نصدمو هههههههههههه من قرار السفر المفاجئ
وقلتلهم 5 أيام المالديف
هالشي خفف عليهم شوي انه المده قصيره
وماقلتلهم علي أسبوع دبي ههههههههههههههههههههه
قلت اصدمهم اخر يوم قبل السفر من المالديف لدبي

---------------------------------------------------------------------
يوم السفر
ودينا العيال عند اهلي
وركض عالمطار
و شفت بعض الأعضاء قالو عالجزيره مافي أسواق ماعدا المطاعم التابعه للفندق
ولان مافي وقت نتسوق قبل السفر شرينا من المطار سناك وشكولاته ومكسرات
وكانت رحلتنا على دبي الفجر
وصلنا دبي ترانزيت 3 ساعات ماحسينا بالوقت
قضيناه بكوفي وتسوقنا شوي
وسيدا عالطياره انا والغالي وسوالف وضحك ووناسه ليما وصلنا مطار ماليه ماحسينا بالوقت

المطار صغير جدا لكن نظيف ومرتب والموظفين ودودين ومحترمين والابتسامه علي وجوهم

خلصنا الجوازات وعطيناهم اوراق الفيزا اللي عطونا بالطياره
كل شي تم بسرعه الحمدلله
لكن تفاجئت بوجود عوائل واطفال كثيرين بالمطار
لان اللي عرفته من الاعضاء وناس من برا المنتدي بعد قالولنا المالديف للازواج بس
طلعنا من المطار بعد استلام الشنط وسيدا ندور ع محل يبيع كروت للفون وشرينا بطاقتين لي وللغالي
وسئلنا بالمكاتب اللي برا المطار عن منتجع باندوس
ولان حجزنا المنتجع مع التوصيل من والي المطار
بسرعه حصلنا السايق ينتظرنا
وكانت الرحله تقريبا 20 دقيقه بالبوت وكانت ممتعه بعد
وهذا الغالي في البوت في طريقنا للمنتجع

جزيره في طريقنا لفندقنا

وصلنا جزيرة باندوس

وهذ موقع الفندق عالفيس بوك والانستغرام
( اللي يحب يطلع عليهم ويشوف النشاطات والعروض اللي عندهم )

والاستقبال كان منتهي الروعه
وموظفين الاستقبال استقبلونا وضيفونا شاي بارد
وهنا الغالي ينهي اجراءات استلام الفيلا

وكانت اجراءات الدخول سريعه
وكنا حاجزين فله عالشاطئ
وكانت قريبه للاستقبال لكن الموظفين مصرين يوصلونا بالسياره الخاصه بنقل نزلاء المنتجع في الجزيره

وهنا الغالي ينتظر السياره

وهذي السياره

وهذي فلتنا الجميله

الفيلا جميله جدا وفيها جاكوزي بالهواء الطلق
عيبها الوحيد التواليت خلف الفيلا زجاجي جميل لكن بدون سقف للاسف وانا اخاف من الحشرات والزواحف
طبعا زوجي هو اللي تعذب من هالسالفه
كل شوي اقوله شيك عالتواليت فيه حشرات والا لا ههههههههههههههههه
-------------------------------------------------------------------------------
بالنسبه للوجبات حجزنا الفندق مع جميع الوجبات وانا اشوف انه وجبتين كافيه
وكان الاكل متنوع وجيد ويرضي جميع الاذواق

وهذا فطور الغالي ربي يحفظه

بالنسبه لنا كنا نفطر ونتعشي
لان وقت الغداء نكون حجزنا رحله عن طريق المنتجع
والمنتجع فيه مكتب خاص للرحلات وكل يوم في جدول لجميع الرحلات وتختار اللي يناسبك

وهذا مكتبهم

وهذي لوحه خارج المكتب فيها جميع الرحلات اليوميه واوقاتها

وفي سوبرماركت عباره عن طابقين
الاول سناك وبسكويتات وخفايف وعصيرات وايسكريم
الطابق الثاني في ملابس سباحه وبحر

هذي صورتها

وفي محل لبيع المجوهرات لكن ماصورته للاسف

وحجزنا رحله لمشاهدة الدلافين
ورحلة صيد
ورحله الغواصه وكانت من ماليه الرحله ومدتها ساعه تقريبا وحجزنا فيها وكانت تجربه حلوه النزول لقاع البحر
وهنا الغالي ينتظر البوت اللي راح يوصلنا لماليه لركوب الغواصه

ومن النشاطات بالمنتجع ( الغوص , وركوب الجتسكي , البنانا , البرشوت , مساج , صيد السمك , وزيارة لبعض الجزر القريبه )

وهذي صور من الشاطئ الخاص بالجزيره وفيه الفلل اللي داخل البحر

وفي كوفي بالليل ويكون فيه حفله غنائيه وجوها رومانسي

وهذا منظر الفلل بالليل في طريق العوده للفيلا

وهذا جزء من الجزيره مسوينه للتصوير

وهنا الغالي يستمتع بالجو الحلو عالشاطئ

وصل البوت الجميل والنظيف وقدمو لنا ماي وعصير في طريقنا للغواصه

وحجزنا رحله صيد وكانت حلوووه وممتعه
وحجزنا وجبة عشاء خاص عالشاطئ وضبطولنا طاوله وشموع و ورد وكان عشاء رومااانسي وطبعا طلبنا سي فود

يوجد سحالي بالجزيره سببتلي رعب بعض الاحيان رغم انها ماتقرب صوبنا وكانت على الاشجار بس انا عندي فوبيا من الحشرات والزواحف

اتمني يكون التقرير خفيف عليكم ومفيد ولو قليل
واسفه على حجم الصور لانه كل صوره حجمها مختلف
والتصوير كان بكاميرا موبايل

سفير جوجل, alradadi, q8ya metnaqla و 3 آخرون معجبون بهذا.

alradadi · 27-07-2019, 12:39 PM

عليكم السلام

ما شاء الله تقرير خفيف وظريف وطرح وسرد جميل الله يعطيك العافيه والله يحفظ لك زوجك والاولاد

ماذكرتي لنا كيف كانت الاسعار في لمنتجع والرحلة بشكل عام ؟؟؟؟؟ ما هي السلبيات التي شاهدتيها هناك

الباسم 2020, توبليرون و فيصل معجبون بهذا.

سفير جوجل · 27-07-2019, 01:07 PM

تقرير خفيف وحلو
بس يا ليت لو توضحين قيمة التذاكر والسكن

فيصل و توبليرون معجبون بهذا.

غرام · 27-07-2019, 03:12 PM

اقتباس : المشاركة الأصلية كتبت بواسطة alradadi

عليكم السلام

ما شاء الله تقرير خفيف وظريف وطرح وسرد جميل الله يعطيك العافيه والله يحفظ لك زوجك والاولاد

ماذكرتي لنا كيف كانت الاسعار في لمنتجع والرحلة بشكل عام ؟؟؟؟؟ ما هي السلبيات التي شاهدتيها هناك

امين يارب ويحفظلك غاليك

التذاكر ٧٠٠٠ الاف انا وزوجي

السعوديه ----- المالديف ٥ ليالي
المالديف ------- دبي ٧ ليالي
دبي -------- السعوديه

المنتجع حجزنا فيه فله شاطئيه شامله جميع الوجبات لمدة ٥ ليالي بمبلغ ١٤٧٠٠ ريال + ٤٣٠٠ رسوم وضرائب المجموع كله ١٩ الف ريال

والمالديف مايبيلها رحله طويله لان النشاطات كلها بحريه وممكن بثلاث ايام تخلصهم
هي للي يبي استجمام واسترخاء بس
طبعا ابو العيال مستانس من المالديف لا مولات ولا شوبنق
لان حنا الحريم نموووت عالشوبنق
وبالنسبه لاسعار الرحلات مناسبه جدا
ماعدا الغواصه خذيناها الشخص ١٢٠ دولار شامله التوصيل وتذكرة الغواصه
واشوف مبلغ ٢٢٠ دولار كثير عالغواصه
رغم كانت تجربه حلوه الغوص لقاع البحر وشفنا مخلوقات الله الغريبه غير الاسماك

فيصل, alradadi, توبليرون و 1 آخرون معجبون بهذا.

غرام · 27-07-2019, 03:19 PM

اقتباس : المشاركة الأصلية كتبت بواسطة سفير جوجل

تقرير خفيف وحلو
بس يا ليت لو توضحين قيمة التذاكر والسكن

التذاكر 7000 الاف ريال
السكن 19000 الف ريال شامل الرسوم والضرائب
وفي سكن بنفس الفندق ارخص ونفس الفيلا بدون وجبات او وجبه وحده
يفرق بالسعر كثير
ومثل ماقلت من قبل وجبتين كافيه
والبعض ياخذون معاهم معلبات وخفايف

سفير جوجل, توبليرون و فيصل معجبون بهذا.

ماجد القطري · 27-07-2019, 07:20 PM

ما شاء الله تبارك الرحمن
رحلة حلوه الله يحفظكم جميعا
بالنسبة للبحر فيه موج وفكرتي عن المالديف ان بحرها هادي وصافي

تم الإرسال من SM-N950F باستخدام Tapatalk

الايمان, فيصل و توبليرون معجبون بهذا.

غرام · 27-07-2019, 08:05 PM

اقتباس : المشاركة الأصلية كتبت بواسطة ماجد القطري

ما شاء الله تبارك الرحمن
رحلة حلوه الله يحفظكم جميعا
بالنسبة للبحر فيه موج وفكرتي عن المالديف ان بحرها هادي وصافي

تم الإرسال من SM-N950F باستخدام Tapatalk

امين اخوي ويحفظك ويحفظ غاليك

اي في موج لكن حلو وهادي

توبليرونمعجبون بهذا.

الايمان · 28-07-2019, 11:31 AM

الله يهنيكم ويسعدكم يارب
تقرير خفيف وسريع لكن اذا ممكن تزوديننا بالصور للفندق

فيصل و توبليرون معجبون بهذا.

غرام · 28-07-2019, 02:01 PM

اقتباس : المشاركة الأصلية كتبت بواسطة الايمان

الله يهنيكم ويسعدكم يارب
تقرير خفيف وسريع لكن اذا ممكن تزوديننا بالصور للفندق

امين يارب ويسعدك اخوي
هذي صور من موقع بوكينق واضحه للفيلا اللي حجزناها

الفيلا مقابله للشاطئ مباشره

وتتكون من طابقين الفيلا
الطابق الارضي عباره عن صاله جلوس وفيها درج للطابق الثاني وباب يوصلك للمنطقه الخلفيه للفيلا
وموجود فيها التواليت ومنطقه للشاور والجاكوزي ( تعتبر حديقه صغيره للفيلا )

وهذا الطابق الثاني فيه السرير ومنطقه جلوس بواجهه زجاجيه مطله علي الشاطئ مباشره

وهذي المنطقه الخلفيه للفيلا
فيها مغاسل ومقابلها التواليت الزجاجي وخلفها الشاور
ومبين الجاكوزي بالحديقه الخلفيه للفيلا وفي بعد شاور خارجي مقابل الجاكوزي

وهذا الجاكوزي ومبين الباب الداخلي بالفيلا اللي يوصلنا للحديقه

وكان ودي نحجز فيلا مع مسبح خاص
لكن للاسف ما كانت متوفره وقت رحلتنا
لانها رحله مفاجئه والتوقيت قريب من راس السنه

اتمنى اكون افدتك بهالمعلومات عن الفيلا

فيصل, توبليرون, q8ya metnaqla و 1 آخرون معجبون بهذا.

الايمان · 28-07-2019, 03:59 PM

ماشاء الله وايد حلوه الفيلا

Sent from my SM-G965F using Tapatalk

فيصل و توبليرون معجبون بهذا.