السلام عليكم ورحمة الله وبركاته
كل عام وانتم بخير

حجزت على جورجيا ان شاء الله ب اوقست لمدة 10 ايام, بنزل في مطار باتومي وبرجع من مطار تبليسي, طبعاً رايح لحالي

وعندي بعض الإستفسارات الله يعطيكم العافية,

1- وش افضل اماكن السكن في باتومي و تبليسي ؟ لأني بحجز هاليومين من بوكينق ومو عارف وين اختار منطقة السكن. ( يهمني المكان يكون مو صاد, وقريب من المطاعم واماكن التمشية )

2- وش افضل الاماكن اللي ممكن زيارتها في تبليسي وباتومي ( داخل المدن) , اسواق, فعاليات والعاب, شوارع حيّة ومطاعم ...الخ

3- طالع من باتومي لتبليسي بالقطار ان شاء الله وطالع لي خيارين يوم جيت احجز بموقع حجز التذاكر حقت القطار واحد مكتوب Tbilisi-Pass والثاني Tbilisi-Cross , وش الفرق بينهم ؟

4- هل تنصحون ازور مدينة ثالثة ؟ اذا ايه وش المدينة ووش افضل وقت اطلع لها وانا بباتومي ولا وانا بتبليسي ؟ وكيف اروح لها قطار ولا بتاكسي ولا كيف, وكم اسعار التكاسي من مدينة لمدينة. ( يفضل تكون مدينة مو بعيدة مرة من تبليسي او باتومي )

افكر في جبال القوقاز واتوقع انانوري بتكون على الطريق ؟ ف شرايكم استأجر سيارة ولا اروح بتاكسي

وأي توصيات أخرى مانستغني عنكم.

وآسف على الإطالة.