السلام عليكم
كل عام وانتم بخير

ان شاء الله ناوي ازور انترلاكن ولأول مره بعد شهر تقريبا وقلت باجازة هالعيد خلني اضبط الجدول للرحله
علما ان السفره بتكون لشخصين شباب
بحط لكم مخطط الرحله وياليت تفيدوني لو فيه اماكن تستحق الزياره بدال الاماكن اللي انا حاطها

اليوم الأول
الوصول لمطار جنيف واستلام السياره الساعه 11 صباحا تقريبا ثم التوجه لانترلاكن

بيكون خط السير
جنيف - قمة Glacier 3000 - انترلاكن (( لو كان فينا حيل ومعنا وقت راح نزور مطل هاردر كولم )

اليوم الثاني

انترلاكن - كهوف و شلالات سان بيتوس St Beatus - قمة نيدرهورن Niederhorn - شلالات جيس باخ Giessbach - شلال ريخن باخ ReichenbachFall - خوانق نهر الآر Aare Gorge - العوده لانترلاكن

اليوم الثالث

انترلاكن - شلالات ترومل باخ Trümmelbach Falls - وادي لوتربرونن Lauterbrunnen - قرية وينقن Wengen- قمة فيرست فلاير First Flieger Grindelwald - قرية جريندلوالد Grindelwald - انترلاكن

طبعا لضيق الوقت في هذا اليوم ممكن نلغي زيارة قرية ووينجن او قمة فيرست

اليوم الرابع

انترلاكن - بحييرة البلوسي - بحيرة الاوشن سي - قرية Kandersteg القريبة من الاوشن سي - انترلاكن ( ولو رجعنا بدري يمدي نزور مطل مطل هيمو فلوه Heimwehfluh

اليوم الخامس
بيكون يوم المغادره من انترلاكن الى زيوريخ

وبالطريق بنمر مطل لونقرين - قمة تتلس الثلجيه - التلفريك المكشوف - زيوريخ

الجدول يمكن فيه صعوبه ولكن بحكم اني ما قد زرتها ما اعرف هالشيء

اتمنى افادتي ولو مثلا فيه اشياء تغني عن اشياء ثانيه يعني مثلا ازور قمة تتلس تغنيني عن باقي القمم الثانيه ... الخ

وشكرا لكم وعذرا على الاطاله