سياحة عائلية في صيف كالفورنيا ولا س فيقاس يوليو واغسطس 2019 - الصفحة 2

um-anood · 21-08-2019, 08:09 AM

الصورة منقوله لكن علشان تعيشون الجو معانا ..

آخـــرفـــرصـــة, الفراهيدي و توبليرون معجبون بهذا.

um-anood · 21-08-2019, 08:10 AM

منقوله .

توبليرونمعجبون بهذا.

آخـــرفـــرصـــة · 21-08-2019, 08:39 AM

اقتباس : المشاركة الأصلية كتبت بواسطة um-anood

الصورة منقوله لكن علشان تعيشون الجو معانا ..

الصورة ظاهرة شكراً لك

توبليرونمعجبون بهذا.

um-anood · 21-08-2019, 09:50 AM

االسلام عليكم هذي المره الثالثه اللي اكتب ويروح الكلام

للرحلة الثانيه طلعنا من لوس انجلس ل سان دييغو الطريق ممتع جدا وخذ تقريبا ساعتين .

حجزت فندق عن طريق بوكنق بحط لكم اسمه واللنك

Ramada by wyndham San Diego north hotel & conferencecenter

https://www.wyndhamhotels.com/ramada...&iata=00093796

الفندق يعني .. مافي شي يذكر لعايلة.. بسيط جدا (طبعا خذوا بالكم اني اول مره اروح لها وما نعرف شو الاماكن الحلوه فيسان دييغو ولانها مدينه قريبه من المكسيك وسوالف المهاجرين والمشاكل عندهم كنت احاول الاقي شي في امان مراقبه وبعيد عن الهوم لس وغيره ...

الحمدلله الفندق كان مسور وفيه كاميرات

حوالي الفندق كله مطاعم والسوبرماكت كبير Walmart

[IMG]file:///C:/Users/AD1000~1/AppData/Local/Temp/1/msohtmlclip1/01/clip_image002.jpg[/IMG]

حوالي الفندق كله مطاعم صينية .. ومحلات سيارات ..ومشتريات ..لقينا في نفس المنطقة مطعمين عربي/او تقول حلال

الاول مطعم سمسم

https://www.eatsimsim.com/

[IMG]file:///C:/Users/AD1000~1/AppData/Local/Temp/1/msohtmlclip1/01/clip_image004.jpg[/IMG]

المطعم الثاني مطعم علاء الدين ..

https://aladdincafe.com/photos/gallery/photogallery/

[IMG]file:///C:/Users/AD1000~1/AppData/Local/Temp/1/msohtmlclip1/01/clip_image006.jpg[/IMG]

انانقلت لكم الصور من موقع المطاعم نفسها علشان تقدرون تدخلون وتشوفون طبعا المطاعماللي قريبه من الفندق ولما اقول قريب في امريكا يعني لازم سياره قريب 5 دقايق عشردقايق قريب وبعد هم يوصلون علي ما اظن ولكن احنا رحنا لهم .

الحين بقول لكم الاماكن اللي رحت لها عندهم في سان دييغو

رحناالبحر عندهم وعندهم طبعا سان دييغو مشهوه بالشواطئ الجميلة لكن نصيحة شخصية لاتروحون شاطي الكلاب لانه عندهم واحد .. احنا رحنا واحد حلو ونظيف وعائلي واولادي انبسطوا كثير فيه

بحط لكم لنك فيه كل الشواطيئ بسان دييغو .. طبعا بتلاقون بسان دييغو مواقف اسمها park and rideيعني وقف السيارة واركب السيكل نحن نسميه او العجل .. يعني وفي اماكن ياجرون لك
انا انصح اللي يحب يروح البحر خاصه من جماعتنا يروح الصبح ولاتنسون السجاده المظله الاكل واهم شي (السن بلوك واقي الشمس علشان ما نتحرقون.. ولاتنسون تاخذو اغراض الحمام .. طبعا احنا حممنا الاولاد علي فكره الشور عندهم خارجي... الحمدلله الاولاد بس تحمموا ولبسناهم خارج الحمامات اعزكم الله لانه ما احب ادخل حماماتهم الا اذا مضطره او بمكان اكون متاكده انه نظيف وبعد معاي عدة النظافة(الماي.. الكلينكس المبلول .. وديتول المطهر )

احنا رحنا ال mission beach فيه طبعا مطاعم حواليه ومحلات وحلو للتمشي مع الاطفال والجو كان مناسب قعدنا تقريبا من9 الصبح للساعة 11 لما بدا الجو يسخن هربنا ..

https://www.tripadvisor.com/Attracti...alifornia.html

San Diego SeaWorld
https://seaworld.com/san-diego/

المكان حلو والعروض جميلة جدا عجبني مناسب للاطفال واللجميع وفيه عروض مكن تدخلون الموقع وتشوفون العروض اللي فيه وتوقيت كلعرض طبعا هي فاتحه من الصبح للساعه 10 بالليل يعني هذا المكان يبي له يوم تكونفاضي احنا طبعا لقيناه جنب الشاطي طلعنا من البحر لبسنا غيرنا .... ودخلنا المكاندفعنا للمواقف اللي قدام الحديقة لانها بفلوس ..وحسب المكان اذا تحب قريب المدخلتدفع اكثر ..

نصيحة احجزوا اون لاين ... احنا وقفنا بالدورويوم وصلنا عند موظفة الحجز كانت محترمه وساعدتنا قالت احجزوا وانتو واقفين الحينلانه اليوم عندنا خصم بيطلع عليكم فرق 100 دولار تقريبا بين الحجز عندي و online booking

بقول شي طبعا هذا لقيته بكذا مكان اروح لهلما اوقف علي الكونتر اذا كان عندهم خصم لو 10 دولار بالنت علي طول يخبرونكويعطونك الخيار .. مش مثل بعض الاماكن عندنا يعرف عندهم خصم وما يقولك علشان تدفع اكثر ..هههههه

رحنا طبعا LEGOLAND

https://www.legoland.com/california/

لقيناها بعيدة عنا تقريبا 45 او ساعه طبعارحنا عجبتني كثير وحلوه .. عجبتني فيها طبعا العاب مائية يعني حضروا اغراض السباحهواللعب للاولاد وفيها بعد العاب وعروض .. وهذي بعد يبا لها يوم كامل لانها تسكربعد الساعه 8 يعني الواحد لازم يروح من وقت علشان يلعب ويخلص كل الالعاب .. عندهمعروض طبعا تدخل الالعاب المائية يوم والليقو لاند الالعاب يوم..ولكن انا مثل ماقلت لكم ما كان عندي وقت .. فدخلنا نفس اليوم وما طلعنا الا يوم قالوا خلاص بنسكر..

بعد شي جميل لازم اذكره الموظفه قالت لناعندنا عرض بالموقع اذا انت من اهل سان دييغو طبعا قلنا لها لا واذا ممكن تعملينلنا خصم ... قالت بشوف وكانت مودبة جدا .. وقالت خلاص ... الاولاد دخولهم مجاني بس اخذت منا انا وزوجي الدخول والاولاد دخول مجاني (طبعا في امريكا .. الدخول لسن 3 سنوات مجاني .)

((اللي احب اقوله .. في اي مكان لا تخجل او تخجلين انك تسالي ..اذا عندهم عروض اوخصومات .. لانه بامريكا الموضوع عادي ومحترمين جدا ويقدرون خاصه اذا كنت سائح و للاطفال خصوصا ))

وعندهم بعد بالليقو لاند اكوريوم بس احنا مادخلنا ولا دفعنا له لانه كنا رحنا قبلها بيوم الالعاب المائية وشفنا الحيوانات البحرية والعروض في السي وورلد مال

um-anood · 21-08-2019, 10:25 AM

الاسواق طبعا ..

انا كان باقي لي يوم .... في سان دييغو .. كان لازم اروح الاسواق ...

رحنا ال fashion vally , و Las Americas Premium Outletsâ€¬ و San Diego Factory Outlet Center
طبعا انا بقول شي احنا أجلنا التسوق لاخر ايام لانه كانا نتنقل ونروح من مكان للثاني فقلنا نخليه للاخير.. ومع ذلك بعد كان لابد نروح ونتسوق عادات وتقاليد

انا بقول شي بالنسبة لسان دييغو .. ما رحنا كل الاماكن لانه كنا نتنقل كثير وكان بالنسبة لي مهم اروح الاماكن اللي ما راحنا لها قبل
انا بحط لكم رابط ممكن تدخلون عليه ... وتشوفون ... طبعا تقييمي اشوف انه سان دييغو كبيرة وممكن تقعدون فيها اكثر 10 ايام او اسبوع علي الاقل علشان تغطون كل الاماكن..
ولا تنسون اذا تطولون بامريكا.. تحسبون المصاريف والاماكن .. خاصه اذا تتنقلون من مكان لمكان

https://www.tripadvisor.com/Tourism-...Vacations.html

والسياره خذوها اكبر الحجم علشان توسع الاغراض خاصه اذا مثل حالتي في كل مدينه السوق واشتري منها.. يعني احنا عانينا من السياره صغرت مع الوقت ههههههههههه

زين بس اتذكر شي بعد بحط لكم... وبقولكم .. باقي الرحله
من سان دييغو ل لاس فيقاس...
لاس فيقاس ل لوس انجلس ...
من لوس انجلس ل سان فرانسيسكو

..وللحديث بقية .... استقبل تعليقاتكم بكل شكر ..

آخـــرفـــرصـــة, ابو حسن 9 و توبليرون معجبون بهذا.

آخـــرفـــرصـــة · 21-08-2019, 12:00 PM

السيارة تصغر مع الوقت هههههه
سواقة الفانات ما هي سهلة ترى

مخططكم جميل
سان دييغو مدينة مكسيكية بقوة
و كاليفورنيا عموماً المكسيكان فيها كثير
وهم شعب طيب وبسيط بس حنا أخذنا عنه فكرة خطأ

بانتظارك

الفراهيدي و توبليرون معجبون بهذا.

توبليرون · 25-08-2019, 01:16 AM

الحمدلله على سلامتكم
و يعطيج العافيه
نقاط جميله اختصرتي فيها الرحله مع المعلومات والنصايح
بس الصور تقدرين تحملينهم من الجوال للتقرير مباشره
عن طريق برنامج التابلتك سهل جداا وهذا شرح للطريقه

https://www.arabtrvl.com/vb/t7369.html

ومنوره المنتدى تابعي

آخـــرفـــرصـــةمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي إلى ماليزيا 17 يوليو 2019-31 يوليو 2019	آخر الأشياء	بوابة ماليزيا	53	05-11-2019 11:44 PM
استفسار بخصوص الاجواء في يوليو واغسطس	HMJ5	بوابة سويسرا	4	24-05-2019 08:47 AM
سياحة عائلية في اورلاندو الأمريكية	أبو سعود Q8	بوابة امريكا	186	05-05-2019 03:28 PM
رحلة عائلية الى الفلبين في شهر يوليو (7)	ابو الفيصل	بوابة الفلبين	4	18-06-2018 09:41 AM
ناوي على الفلبين.. سياحة عائلية.. واحتاج توجيهاتكم..؟	abumohmd	بوابة الفلبين	6	18-04-2017 07:30 PM