45 يوماً في أحضان الفاتنة...امريكا...2019 - الصفحة 59

namareq · 23-03-2020, 08:30 AM

حبيت سانتا مونيكا والمشي لي شاطئ فينيسيا صج ممتع

متابعه

آخـــرفـــرصـــة, توبليرون و الايمان معجبون بهذا.

آخـــرفـــرصـــة · 25-03-2020, 08:27 AM

اقتباس : المشاركة الأصلية كتبت بواسطة قطرية كول

جميييل القروف بالليل وسوق المزارعين هل كان فاتح وقت زيارتك له وإلا يسكر بدري؟ هل يفتح يوميا وإلا أيام معينة.

جولة رااائعة يابو غسان استمتعنا بكل مافيها..

ليفت وأوبر جيد لشخص مضبط ومحدد مشاويره بس للعايلة اللي كل شوي تبي سوبرماركت واللي يبي كوفي في نص اليوم من محل في خاطره واللي جوعان ويبي ياكل ومش عاجبه شي من مطاعم المول..واللي يبي وول قرين ياخذ دوا... واللي..واللي ....طلبات العايلة ومشاويرها ماينفع لها ليفت واوبر ..بتكون تكلفتهم أكثر من الإيجار اليومي..بس للشخص الواحد جدا عملي وموفر..

متابعين أستاذي

سوق المزارعين يقفل 6 مساءً كل يوم
لكن سوق القروف والمطاعم اللي بسوق المزارعين الى 9 مساءً
وهم شغالين كل يوم
كلامك صحيح لكن أشوف الشخصين وطفل أو أقل مايحتاجوا سيارة
فقط يختاروا مكان السكن بعناية وبكذا يوفرون كثير

الله يسعدك

توبليرونمعجبون بهذا.

آخـــرفـــرصـــة · 25-03-2020, 08:30 AM

اقتباس : المشاركة الأصلية كتبت بواسطة Abu Muataz

يا سلام عليك يا أبو غسان ..

و الله رغم أني زرت كل الأماكن اللى ذكرتها في لوش أنجلوس .. بس و الله ما زال الحنين لها باقي

و على طاري ذا قروف .. أذكر زرنا سوق المزارعين اللة جنبه و دخلنا محل يبيع جميع انواع الشطة اللى في الدنيا .. و بغى ولدي يشتري من عندهم شطة نوع الظاهر لازم توقع أقرار أخلاء مسئولية و أنك بكامل قواك العقلية يوم أشتريتها
كانت صورتها عند ولدي .. صورها بالدس لأنه مكتوب لوحة بأن التصوير ممنوع

أكيد الشطة جايه من المكسيك
يخرب بيتهم المكسيكان أكلهم حار بشكل لا يصدق
وعندهم أنواع شطة ريحتها تلصق فيك
ترى فيه شطة مكسيكية بالسعودية عندنا جربها روعة
و دايم موجوده في محلات بوقا BOGA

Abu Muataz و توبليرون معجبون بهذا.

آخـــرفـــرصـــة · 25-03-2020, 08:32 AM

اقتباس : المشاركة الأصلية كتبت بواسطة q8ya metnaqla

سوق المزارعين ويستاهل الزيارة
بس القروف ما يازلي وايد لما زرته المكان وايد صغير
انا حاليا شواطئ كانكون توب عندي

بالفعل شواطئ كانكون رائعة

وان شاء الله نزورها
القروف حجمه صغير لكن المحلات اللي فيه تستاهل
التروللي اللي يدور بالمجمع مميز

قطرية كول و توبليرون معجبون بهذا.

آخـــرفـــرصـــة · 25-03-2020, 08:34 AM

اقتباس : المشاركة الأصلية كتبت بواسطة namareq

حبيت سانتا مونيكا والمشي لي شاطئ فينيسيا صج ممتع

متابعه

بالفعل المنطقة رووووعة
لدرجة اني فكرت امشيها مرتين
زيارة واحدة للمنطقة لا تكفي

توبليرونمعجبون بهذا.

آخـــرفـــرصـــة · 25-03-2020, 09:42 AM

(77)

بعد أكثر من محاولة وكلها كان المطعم عليه انتظار 45 دقيقة
قررت أروح أفطر فيه
المطعم شهير جداً وقديم اسمه Roscoe's
فروعه قليله ويقدم الوافل + الدجاج

https://www.roscoeschickenandwaffles.com/

وصل طلبي فطور على غداء Brunch

الأكل لذيذ بصراحة

ديكوره بسيط جداً كنه بيت

بس عليه زحمة دايم

سعره معقول جداً

هنا المنيو

أعطيه 8 من 10

بس لابد تجربه ان كنت في L.A

رجعنا لجادة المشاهير

ولقيت مايكل جاكسون يرقص

عشاق مايكل كثير حتى اليوم

المسرح الصيني اليوم شغال

الهوت دوغ جاهز

هذا المول ملاصق للفندق
وفيه حركة كبيرة كل يوم

الناس من هنا تتصور مع علامة هوليوود

المول دورين وفيه كافيهات ومحلات متنوعة

طلبت ليفت ورحت الفندق اقابله هناك

الفندق فيه حركة يومية
ومفضل لدى كثير من زائري L.A

namareq, قطرية كول, Abu Muataz و 6 آخرون معجبون بهذا.

آخـــرفـــرصـــة · 25-03-2020, 09:42 AM

(78)

زيارتنا اليوم راح تكون لمرصد قريفيث
والحقيقة أني ماني مغرم بالمراصد وعلم الجيولوجيا
لكني سمعت أن اطلالتها رهيبة على المدينة
فـ بالتالي نضرب عصفورين بحجر واحد

المرصد مطل على علامة هوليوود
ان كنت مهتم بتصويرها

عليه اقبال كبير
أكثر مما توقعت

مطل على المدينة بشكل جميل
و الاجواء فيه منعشة

المدخل الرئيسي

اطلالة جداً رائعة

الساحة أمام المرصد

اطلالات من كل جانب

فيه كوفي شوب ممكن تأخذ سناك أو قهوة

فيه ناس ممكن تشوفوهم بالصورة
هذول وقفوا تحت وطالعين على رجولهم
يا ساتر شئ متعب

المرصد فيه مشكلتين لازم الواحد ينتبه لها
1
ان كنت محظوظ وجيت بدري ولقيت موقف فالساعة 10 دولار
اللي تشوفوهم يمشون اما ما لقيوا موقف أو شافوا ان السعر غالي
2
الشبكة ضعيفة هنا
لذا لما جيت اطلب ليفت من هنا واجهت صعوبة كبيرة
كثير منهم يرفض ولابد تقعد تبحث عن منطقة فيها ارسال
لكن بالاخير كان فيه ليفت طالع وافق على الطلب ونزلني معاه

namareq, قطرية كول, Abu Muataz و 6 آخرون معجبون بهذا.

قطرية كول · 25-03-2020, 03:59 PM

جميل شكله المطعم وذكرني بمطعم كراكر باريل مع بعض الفارق في الأكل كما يبدو لي من الصور وتقييمك للممطعم...وما ادري ليه كراكر ما يفتح في الغرب

جميلة مطلات جريفث ولكن مشكلة قلة الباركنات وغلاءها ليش إن شاء الله؟ عندهم أراضي مساحات كبيرة وفاضية ..سووا باركنات للناس وقللوا الأسعار للنصف..

متابعين جولاتك الجميلة بو غسان..

بن قوت, آخـــرفـــرصـــة, توبليرون و 1 آخرون معجبون بهذا.

آخـــرفـــرصـــة · 26-03-2020, 08:18 AM

اقتباس : المشاركة الأصلية كتبت بواسطة قطرية كول

جميل شكله المطعم وذكرني بمطعم كراكر باريل مع بعض الفارق في الأكل كما يبدو لي من الصور وتقييمك للممطعم...وما ادري ليه كراكر ما يفتح في الغرب

جميلة مطلات جريفث ولكن مشكلة قلة الباركنات وغلاءها ليش إن شاء الله؟ عندهم أراضي مساحات كبيرة وفاضية ..سووا باركنات للناس وقللوا الأسعار للنصف..

متابعين جولاتك الجميلة بو غسان..

جايين على كراكر باريل لا تستعجلين هههههه
كل منطقة لها مطاعمها الخاصة وأعتقد أذواق الناس تختلف حسب المنطقة
حتى الوافل هاوس ما شفته كثير هنا رغم انتشاره في الوسط

لا أنصح بمطل جريفث خاصة لو كان ويكند
المواقف غالية والدنيا زحمة

الله يسعدك

قطرية كول و توبليرون معجبون بهذا.

آخـــرفـــرصـــة · 26-03-2020, 08:22 AM

(79)

توجهت بعدها الى استديوهات الأخوان وارنر
حقيقةً لم أكن متحمساً للزيارة
لكنها تحولت لأفضل معلم زرته في امريكا

عند الاستقبال صار أمر مضحك نوعاً ما
اثنين وراي (زوج و زوجته) سألوني ان كان بامكانهم التقدم علي
قلت لهم بكل سرور ماعندي أي مشكلة
المضحك أنه مافيه أحد معانا على الكاونتر غير أنا وهم
طلعنا بنفس القروب فصاروا كل شوي يبتسمون لي
حاولوا يعوضون عن الدلاخة هذي
كل ما دخلنا ستيج يقولوا خليك ورانا وصور براحتك هههههه
طبعاً التصوير ممنوع ولا فيه ذاك الشئ اللي تصوره
اضطريت كل مرة أمثل أني أصور

بدايةً من بروشورات المسلسلات والأفلام الجميلة

واستقبال Ellen لنا عبر الفيديو

هذي العربة اللي تنقلك لكل مكان

ما كنت متخيل كيف يتم تصوير الأفلام لين أخذت هذي الرحلة
مع استفسارات اللي معانا كونت فكرة كاملة

كل ما مرينا على موقع
تقول المرشدة هنا تم تصوير الفيلم كذا وتشرح اللقطة

هنا سألها واحد ما أشوف مسكات الابواب ولا الاضاءة
قالت هذي تتغير حسب الموضة الدارجة
ومنها تقدر الناس تعرف بأي تاريخ تقريبي صورنا

موقع فندق يتم تغييره حسب الطلب
عبر قسم الفن art section

هنا يتم المونتاج

هنا ستيج معزول تماماً
ويتم فيه تصوير المقاطع ومن ثم تركيبها

هنا موقع تصوير آخر

كل موقع تذكر استخدم بأي فيلم

وهنا صالة عرض للملابس
اللي استخدمت بالافلام

namareq, قطرية كول, ali pontiac و 5 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيزا امريكا خطوة بخطوة 2019	آخـــرفـــرصـــة	فيزا امريكا	221	18-05-2023 08:59 AM
تجربتي تاشيرة امريكا 15-01-2019 كمقيم	melganainy	فيزا امريكا	15	21-09-2019 08:14 PM
18 يوماً في أحضان تركيا ,, أغسطس 2015	العقرب	تركيا	130	04-06-2017 10:17 AM