(25)

الشاطئ ممتع والوقت يمر سريعاً في شيكاقو
مثل نسمة عابرة من بحيرة ميتشقان الجميلة

أسير عائداً الى الماقنفسيت مايل الجميل
و أول ما قابلني محل لوي فيتو




كل الماركات موجودة هنا




دخلت محل مون بلا قلت يمكن شي يعجبني
لقيت شنطة يد قلت لو حول 60 دولار حلوة
ويطلع سعرها فوق 2000 دولار يخرب بيتكم
عدلت وقفتي ومشيت عدل لباب الخروج



هذي الحديقة الصغيرة على شارع شيكاقو
وفيها رسومات جميلة على الحيوانات



يقف امام الحديقة العربات للي يحب يأخذ لفة



داخل الحديقة كنيسة أثرية















شيكاقو افنيو يعد من الشوارع المهمة
يتقاطع مع شارع ميتشقان

هنا محل هوت دوغ شهير
وقلت لكم أن شيكاقو مشهوره فيها



الشارع عليه محلات قديمة و مساحاتها صغيرة



وهذا مثل محل البيك عندنا
موجود بمعظم المدن الامريكية



دخلت للمحل اطلب منه تيك اوي



سلطة سيزر مع برقر دجاج
اعطيه 5 من 10



لقطات اخيرة من شيكاقو












قشيت أغراضي و توجهت للمطار
والتأخير يطاردني بكل رحلة لدرجة أني تعودت عليه
وصرت أتعرف على اللي ينتظرون مثلي

هنا تعرفت على معلمة ناقشه كتابة عربية على يدها " معلم "
قالت لي ايش معناها ولما أخبرتها فرحت أن المعنى صحيح
كانت من اتلانتا و دعتني لزيارة المدينة على أمل أن أغير رأيي عنها

سجل عندك وحده من محبين واشنطن 😄
الفندق ممتاز وموقعه وايد حلو
الصور وايد حلوه
الله ذكرتني في رحلتي بوغسان من احلى الرحلات
برت والريوق فيه عجيب بس فروع إنجلترا احلى وايد
الترووووللي ايام البرد ديسمبر
وايد حلوه المحطة والمول
الله يوفقه غسان ونشوفه متخرج من الجامعة
ليش التأخير هذا كله وليش ما اشتكيتوا ؟

ممتاز شرح cvv2

شركة Lyft عجيبه وأسعارها احلى من أوبر

سنسناتي وأخيرا يا بوغسان
حلوه الإطلالة من الشقه والشقة وايد حلوه وسعرها حلو

سنسي وايد فيها شبه من كليفلاند بس سنسي احلى
المطعم الأول اللي كليتوا فيه موجود في كليفلاند كلينا فيه وايد لذيذ
الله يا بوغسان شعور ذكرى الغربه حلو وايد وبنفس الوقت محزن لانك تتذكر ايام حلوه عشتها وودك ترجع
حدايقهم وايد حلوه
الجسر نفس الشي جسر بروكلين لما مشيت عليه حسيت فيه اهتزاز
عليكم بالعافيه المطاعم اللذيذه
والله تحسفت ما سمعت كلامك و زرت سنسي وفي مدينة ألعاب بعد والمباراة كنت تقولي روحي بس للاسف ما رحت
يمكن لان مالنا نفس واحنا في العلاج
ان شاءالله اعوضها بزيارات ثانية
واااي هذي الطياره الخايسه طرت عليها من كليفلاند إلى نيويورك حيل تعيسه مع حجمها
ههههه سالفة الموقف ذكرتني بسالفتي لما لقيت الكراج مقفول بس أنت العكس ساحبينها ههههه
ووصلنا شيكاغو السكن موقعه حلو والمفروض تعطيه تقييم اقل من 4 بعد عشان يتعلم
ياحلوها شيكاغو الكل يمدحها إلينوي حفظنا الدرس
اخييه هالمترو يبيله عندنا في الكويت
البورصه مهمه عندي هههههههه
واو عجيبه اللقطات عند النهر والمباني روعه
ههههههههه خلنا في الأحلام واليخوت ليش بو 10 دولار
المكسيكان قلة لان كالي ديرتهم وأمريكا خذتها منهم
وااايد حلوه شيكاغو وان شاءالله بتكون في الزيارة اليايه
ما كليت في مطعم مايكل بوغسان ؟
الشاطئ وايد حلو والأنشطة حواليه روعه وناسه مافي ملل تحس اليوم كله مشغول
Chick fillet من المطاعم المحببه على قروب كليفلاند هههههه
طحنا فيه طيحه وملك شيك مالهم لذيذ
ماادري ليش ما أعجبك بوغسان ؟

الحمدلله كملت التقرير معاك وآسفين على الانقطاع

شيكاغو جلست فيها يومين وللاسف احس ماعطيتها حقها لاني اضطريت اول ما وصلتها اروح وسكانسون عند قريبي ولما رجعت لها جاني اتصال من اقارب زوجتي ورحت على طول لمتشغان وبعدها ديترويت ولما رجعت كان باقي يومين على طيارة نيويورك


واصل.... راح ابقى معك للاخر

تمشيات حلوة بشيكاغو يابو غسان
ضحكتني بمونتربلان چنك بوحسين
معلمة يحليها وين ناقشة على ايدها
المطعم يمكن انت لانك اخذته تيك اوي برد
مطاعم الوجبات السريعه حلاته تاكل بنفس المطعم حار بحار احسن
اذا برد مو شي

منتظرين معاك الطيارة المتآخرة