حبيبتي البحرين 2019



هالسنة الظروف ما سمحت بسفرة كبيرة
وقضينا الصيف بالكويت بين بحر وشاليه وسينمات وتسوق

ولما وصلت الاجازة للبنات على النهاية قررنا نوديهم يومين للبحرين
تغيير قبل الدوام

وطلعنا فجر يوم الاربعاء 28 / 8
صلينا ومشينا الساعه 4,35





الوان الشروق تهبل




والجوو يبي له مكيف بارد الحمدلله على كل النعم



من بعد منطقة علي صباح السالم ( ام الهيمان ) سابقا يبدى الطريج يلوع الجبد من التحويلات وصار الطريج بدل نص ساعة صار ساعة مع سياقة بوحسين بعد








واخيراا وصلنا النويصيب





الجمارك الكويتية خرجنا الجوازات بسرعة وطلعنا





ووصلنا الى منفذ الخفجي




والجوازات والجمارك اخذوا منا 110 ريال تأمين للسيارة لمدة اسبوع هذه اقل مدة






وخلصنا الساعة 5.45






وقلنا خلاص ناخذ من اول مطعم ريوق اخذنا سندويشات فلافل وسندويشات جبن وشاي حليب




السندويشات على بساطتها بس لذيذة وما صورتها




وتوكلنا على الله ومشينا





وحتى الشارع اغلبه في تعديل ومنصفين الشارع قسمين بعض المرات ما نقدر نمر من السيارات جدامنا الا بعد التنصيف ويرجع الشارع عادي





بعض الاراضي يبين اثر الامطار فيها








طول الطريج نشوف الجمال





اعتقد تجهيز لموسم البر





عجبتني الالوان من بعيد طلع ملابس الجمال








الشارع مكسر ومحفر وخاصة جهة اليمين مسار الشاحنات






وبين اتجاه البحرين




ومداخل الدمام





وبحيرات الامطار والشارع المحفر من الشاحنات يبين واضح مزعج بالمشي عليه









نخيل الصحراء







ومزارع




ووصلنا الخبر والطريج لجسر الملك فهد



تحية وتقدير




وهني مدخل الجسر



أقول حق بوحسين عندك للجسر يبون 25 ريال قال ماعندي
قلت له تدفع بالكي نت بوغسان يقول كل مكان يأخذ بالكي نت او الفيزا

والا يوم نوصل قال الموظف لا يبه لازم كاش

قلنا اشلون الحين ماعندنا حتى كويتي ماعندنا ههههه لا بوحسين ولا البنات ولا انا

والا يقول عطني بطاقتك المدنية وأشر لنا على أجهزة السحب بداية الجسر بعد مكاتب الدخول اسحب وتعال اخذ بطاقتك

وهني وقفنا راح بوحسين سحب ووده الفلوس وياب بطاقته المدنية معاه




هناك مكان كشك دخول الجسر





ودخلنا الجسر تقريبا بعد اربع ساعات


























وبينت الجمارك











وخرجنا من السعوديه وكانت موظفة سعودية بالجوازات داخل الكبينة
وكان في بنات وايد بعد لابسين كارينه الجمارك
شي حلوو




ودخلنا حدود البحرين على الجسر

الجمارك في البحرين لتأمين السيارة اخذوا لثلاثة أيام تقريبا 7 دنانير او اقل بشويه مو متذكرة
والشارع بعد مقسمينه بس للشاحنات جهة والسيارات الصغيره جهة






















ووصلنا لآخر الجسر







ونخلص الجزء الاول وهو جزء الطريق

نلقاكم في الجزء القادم باذن الله

و أنا مع أبو محمد متابع لابداعك يا أم حسين
صور الطريق جلوة
بس صحيح لازم مكيف بارد ولا صعب الواحد يتحمل


زين بس اللي خلاكم تسحبون ولا رجعتوا دربكم
غريبة ما عندهم سحب الكتروني
حتى المحطات الآن الزموهم بالبطاقات
بس يبدو ما وصلتهم التعليمات


الله يسعده أبو حسين
ما هو مقصر كل ما قلتوا مشينا قال يالله

ياحلو البحرين و طاريها


الحمدلله على السلامه
واااي التحويلات لوعت جبدي وانا رايحه نويصيب ضيم


ومتابعين معاج البحرين يا ام حسين

ما شاء الله ام حسين رحلة في البحرين، في كل دول متقدم طريق خاص شاحنات لا في الخليج ، متابعين معكم رحلة وبداية مشوقة حقيقة تبشر بتقرير من العيار الثقيل. 

الحمد لله ع السلامة ...

يازين البحرين برفقتك يا أم حسين .. تعطينها حقها بالكامل ..

والله 4 ساعات انتظار في الجسر طويلة ..

رغم إن التاريخ خارج موسم الإجازات الرسمية ...

سمعت عن تطبيق موجود يعطيك تفاصيل حركة مرور الجسر ..

ويعلمك كم راح تستغرق إجراءاتك ..

بانتظار البحرين وجولاتها ...