السلام عليكم

ي اخوان الله يسعدكم ناوي اسافر سويسرا بعد 10 شهور تقريبا ولدي بعض الاساله يا ليت اهل الخبره يفيدونا بتجاربهم
مع العلم هدي اول سفره لي خارج السعوديه ايضا لغتي الانجليزيه متوسطهه

1- ماهي متطلبات فيزا الشنغن وهل يلزم وجود الشخصين بنفس الوقت في السفاره ؟ وهل ممكن استخرج الفيزا عن طريق مكاتب سياحيه بدون ذهابي للسفاره ؟

2 - هل يوجد حد لحمل المال كاش في سويسرا ؟ انا راح احجز الفنادق والسواق او السياره عن طريق النت وادفعها من النت ولكن بخصوص التسوق والفعاليات والاكل حسيت انه لازم اشيل معي كاش وهل الحساب عن طريق فيزا بالخارج عليه عموله ؟

3 - بخصوص القياده ناس كثيررر يقولون استاجر سياره بنفس افضل من السواق كيف القياده هناك خصوصا اني متعود على قياده السعوديه وخايف من الانظمه الي هناك او اكون اجهل بعض انظمتهم وهل قوقل ماب يوفي الغرض ولا اخذ قارمن مع السياره؟

4- هل انسق الرحله بنفسي ؟ ولا عن طريق مكتب سياحي؟ بما اني اول سفره لي وخايف اني اجيب العيد في بعض الامور (:

مخطط رحلتي بنزل على جنيف ثم لوزرين ثم انترلاكن ثم زيورخ ومن ثم العوده لمطار جنيف والعوده للديار


اخيرا الي عنده معلومات او نصايحح يفيدنا وشكرا

مخطط الرحله 15 يوم قابل للزياده

وعليكم السلام
و أهلا بك بيننا


1
لابد من ذهابكم جميعاً للمكتب الموحد عشان البصمة
وفيزا شنغن لها بوابة خاصة مشروح فيها كل شئ بالتفصيل
وفيها ايضا تجارب الاعضاء مع التقديم


https://www.arabtrvl.com/vb/f32.html


2
لا مشكلة مع حد حمل الكاش
بس لابد يكون معاك فيزا عادية عشان حجز السيارة والفنادق
ويكون معاك بطاقة سفر مثل بطاقة المسافر من بنك الاستثمار او من بنك الانماء
وهذي تغنيك عن حمل الكاش تشتري فيها مباشرة
وتأخذ معك مبلغ كاش بسيط للاحتياط 200 فرنك مثلا


3
قوقل ماب يفي بالغرض و قيادتهم سهلة جداً و نظامية لا تشيل همها


4
رحلتك ما يحتاج لها تخطيط يا غالي
جنيف 3 - انترلاكن 6 - لوزيرن 3 - زيورخ 2 - جنيف 1

الله يعطيك العافيه شكرا لك

بس معليش انت قصدك الفيزا العاديه هذي الي هي بالدين يتم الحجز عن طريقها للفنادق والسياره

الفيزا مسبقه الدفع ( الشحن ) هذي للمشتريات اليوميه صحيح؟ طيب هل مع كل عمليه شراء من متجر او مطعم يتم خصم مبالغ زياده كرسوم ؟ وماني فاهم يعني هل هي راح تكون مشحونه بالريال السعودي ؟ ولا هي تتحول بالفرنك يا ليت توضح اكثر وتفصل ي غالي

الله يحييك


نعم الفيزا العادية اللي بالدين
وهذي تستخدمها للفنادق والسيارات لأنهم يحجزون مبلغ على البطاقة

واذا خرجت من الفندق وسلمت السيارة وكل شي سليم يرجعون المبلغ للبطاقة
والمبلغ في هذه الحالة ضمان من البنك ماهو من رصيد حسابك
بينما مسبقة الدفع يسحبها كاش من حسابك وبعد مدة يردها


اما بطاقة السفر من بنك الاستثمار هذي تشتري فيها بالفرنك السويسري
كأن معك بطاقة صراف من عندهم بحيث تحول مبلغ لمحفظة البطاقة وتصرف منه
وعمولتهم عند التحويل بسيطة جداً لكنها أفضل من حمل الكاش
أقرأ عنها هنا


https://www.saib.com.sa/ar/travel-card-ar

شكرا لك كفيتت ووفيت الله يسعدك