بسألك عن البحرين كيف أهل المنامة عادهم يذكروني (2019 ) - الصفحة 5

هاوية الاسفار · 07-12-2019, 10:27 PM

السلام عليكم

صباح و مساء الخير على الجميع

اعذروني على التأخير الغير مقصود لكن هالسفره بصراحة طلعت من عيوننا

من رجعنا من البحرين و احنا واحد ورا الثاني تعب و مرض و مستشفيات الله يشافي الجميع يا رب

نكمل معاكم اليوم الثاني في البحرين

الخميس

10 /10 / 2019

صحينا و تجهزنا عشان نطلع نتريق و هذا القصر مقابل الفندق

توكلنا على الله الساعة 10 و توجهنا لباب البحرين في المنامة

قعدنا نلف و نلف بالسياره و توهقت السياره كبيرة و المواقف ضيجه و الشوارع بعد

صغيره ما عندهم مساحه كافية بس الحلو في اللفلفه حصلت محلات المجوهرات

اللي كنت ادورها و اللي كنا نشتري من عندهم قبل

و اكتشفنا السوق بعد اللي كنا لازم نمره في اوقات زيارتنا للبحرين سواء صيف أو شتاء

الحمدلله لقينا موقف وايد حلو بس مشينا شوي لين مول البحرين

و اخترنا مطعم نصيف

صور الملوك قديما

عندهم اكشاك للبيع

أول الواصلين ( الكرك ) شاي بالحليب

طلبنا الفطور التقليدي

عباره عن بلاليط و فول و فلافل و بيض و طماط ( شكشوكه ) نخي ( حمص )

طلبنا صحن حلوم مشوي

طلبنا صاج بالزعتر و اللبنه و كان مع الريوق خبز ايراني و صاج بالمهياوه

الكرك كان لذيذ جدا

لكن الريوق كان عادي و أقل من العادي الفلافل قاسيه و البلاليط طعمها مش و لا بد

تقييمس 7 / 10

السعر مناسب جدا

عندنا أقل من ساعه لأنهم بيسكرون الساعة وحده الظهر دخلنا كم محل بس ما حبيت التشكيلات

و بعدها طلعنا و توجهنا لمجمع العالي

توبليرون, مسقط الخير, q8ya metnaqla و 2 آخرون معجبون بهذا.

هاوية الاسفار · 07-12-2019, 11:09 PM

العنوه كلها لمحل غايا للشنط اتابعهم على الانستقرام تقريبا من سنتين

لكن مشكلتي ما أحب أطلب اون لاين لازم أشوف الشي بنفسي

أكيد تشريت و ما خليت في خاطري

و بعدها تمشينا شوي و انتقلنا لمجمع السيف

كنا شبعانين و قلنا بنأخر الغدا بس بعدين العيال قالوا نبغي ناكل سويت

قلنا يالله خل نحلي و نتقهوى و اخترنا مادو التركي

طلبنا بقلاوة بالفستق

بقلاوة بالآيسكريم

كيكة الحليب التركية مشهوره عندهم بس نسيت اسمها

و لازم تركش كوفي

و كوفي بارد للشباب

بعدها تمشينا و تشرينا و خذت ملابس لليهال لقيت تنزيلات ضخمه عندهم

و صلينا الظهر و العصر في المجمع

رجعنا لمجمع العالي لأن السيارة واقفه عند المجمع

طلعنا و مريت مجمع اللولو قبل كان فيه محل اسمه الغريب للجلابيات و كنا لازم ناخذ

منه في كل زيارة و جلابياتهم حلوه و بارده بس للأسف المحل سكر و المجمع صار كئيب

رجعنا الفندق قلنا نريح و بعدها نطلع نتعشى

صلينا المغرب و العشا و بعدها توجهنا لمطعم فيلا ماماز

و هذا تكرمون مدخل الحمام

الضيافة تمر و قهوة

الليتات بالجدور المقلوبة

المعابيج و الليمون

توبليرون, مسقط الخير, q8ya metnaqla و 2 آخرون معجبون بهذا.

هاوية الاسفار · 07-12-2019, 11:31 PM

طلباتنا
سلطة جرجير بالرمان و كانت لذيذه

فتوش بجبنة الفيتا لذيذه

ورق عنب بالزعفران لذيذ جدا جدا

طلبنا نوعين عيش باللحم

و أنا طلبت عيش و دياي نسيت اسمه يمكن تهجين بس بعد لذيذ

و الحلو طلبنا مهلبيه لذييييييييييذه جدا جدا
لكن طلبنا البه كانت مره اعتقد السكر محروق زياده

و الفاتوره

بصراحه السعر وايد غالي هالمره تشاركنا في الدفع

و هذي منتجات للبيع

طلعنا و توجهنا لسوق الذهب و هالمره نزلت أنا و اختي و خليت ولد اختي ياخذ السياره

لأنه خميس و زحمه ما لقينا مواقف و العيال رقدوا في السياره

الحمدلله لقيت اللي أبغيه بس طلبت منهم خاتم للطقم و قال باجر يجهز

طبعا طلعنا آخر ناس و سكروا علينا الليتات و الباب الخلفي طلعنا جدام من الباب الرئيسي

و مشينا لين ورا السوق المسافة قصيرة و دخلنا كم محل على دربنا ما نيوز احنا الحريم

تمشينا شوي في المنامة و شارع المعارض نسترجع الذكريات و بعدها رجعنا الفندق للنوم

و انتهى يومنا و نشوفكم في اليوم الثالث

دمتم بود

توبليرون, مسقط الخير, q8ya metnaqla و 2 آخرون معجبون بهذا.

توبليرون · 08-12-2019, 01:23 AM

بالعافيه الريوق
في عمارة مواقف قريبه من باب البحرين بس الدخول بهالشارع ضيق

العالي حلو وهادي
السيف لابد منه بكل سفره نحبه
اما فيلا ماماز شوقتيني ما اشبع منه السعر غالي لان كل منتجاتها طبيعيه وصحيه
بالعافيه عليكم الاطباق اللذيذه
وملبوس العافيه كل ما تشريتو مستمتعين معاكم

مسقط الخير, هاوية الاسفار و الايمان معجبون بهذا.

هاوية الاسفار · 08-12-2019, 08:31 PM

اقتباس : المشاركة الأصلية كتبت بواسطة توبليرون

بالعافيه الريوق
في عمارة مواقف قريبه من باب البحرين بس الدخول بهالشارع ضيق

العالي حلو وهادي
السيف لابد منه بكل سفره نحبه
اما فيلا ماماز شوقتيني ما اشبع منه السعر غالي لان كل منتجاتها طبيعيه وصحيه
بالعافيه عليكم الاطباق اللذيذه
وملبوس العافيه كل ما تشريتو مستمتعين معاكم

الله يعافيج
هيه العماره شفتها بس خفت ادخل السياره كبيره و المواقف صغيره وايد
مشكوره عل المتابعة

توبليرونمعجبون بهذا.

ابو بدر4 · 09-12-2019, 03:06 PM

يعطيك العافيه و الف شكر علي التقرير المفصل الي يلامس الحواس و يشجع للنقزه للبحرين
ابدعتي و الف شكر

توبليرون و هاوية الاسفار معجبون بهذا.

هاوية الاسفار · 09-12-2019, 09:33 PM

اقتباس : المشاركة الأصلية كتبت بواسطة ابو بدر4

يعطيك العافيه و الف شكر علي التقرير المفصل الي يلامس الحواس و يشجع للنقزه للبحرين
ابدعتي و الف شكر

الله يعافيك
الشكر موصول لك ما قصرت عل المتابعه

توبليرونمعجبون بهذا.

q8ya metnaqla · 10-12-2019, 08:23 AM

ما شاء الله ابدعتي ام علي
عليكم بالعافيه السفره الخفيفه الحلوه
البحرين اتهبل
على كثر زياراتي لها ما رحت سوق المنامه وباب البحرين ان شاء الله الزيارة اليايه اروح له ..

تسلم الايادي ومتابعين معاكم

هاوية الاسفار, توبليرون و الايمان معجبون بهذا.

آخر مواضيع q8ya metnaqla

- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو
- مركاز العرب المسافرون 11
- إندونيسيا استفسارات

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

هاوية الاسفار · 10-12-2019, 08:48 PM

اقتباس : المشاركة الأصلية كتبت بواسطة q8ya metnaqla

ما شاء الله ابدعتي ام علي
عليكم بالعافيه السفره الخفيفه الحلوه
البحرين اتهبل
على كثر زياراتي لها ما رحت سوق المنامه وباب البحرين ان شاء الله الزيارة اليايه اروح له ..

تسلم الايادي ومتابعين معاكم

الله يعافيج و يسلمج
لو كنتي مهتمه للذهب أكيد كنتي بتزورين باب البحرين
و سوق المنامة فيه كل شي ثياب الكترونيات بهارات مواعين شامل كل شي
اذا حابه تزورين السوق سيري في الشتاء أكيد بتستمتعين اكثر
شكرا عل المتابعة

توبليرون, q8ya metnaqla و الايمان معجبون بهذا.

هاوية الاسفار · 11-12-2019, 11:20 PM

صباح و مساء الخير على الجميع

اليوم الثالث

الجمعه

11 / 10 / 2019

صحينا و تجهزنا و من أمس فاتحين قوقل و ندور مطاعم

أختي ما حبت ريوق أمس تقول ما تقدر على الفول و الخبز و الاكلات الشعبية من الصبح

قلت أوكي اختاري المطعم و أنا جاهزه على راحتج

و هاي سيارتنا نسيت أصورها لكم أول يوم

اخترنا مطعم ليلو أعتقد فرنسي و كان ورا فندقنا بس لفينا كم لفه و حصلناه

كابوتشينو للشباب

حاولت أصور ديكورات المطعم بس ما قدرت من الزحمه و المكان صغير

أنا و عيالي طلبنا شاي حليب

العيال طلبوا فرينش توست بالكراميل بس ما خلصوا حتى نصه كان كبير وايد

طلبي أومليت بالخضار و جبن الفيتا

ولد أختي طلب أفوكادو توست بالبيض و اللبنه

و أختي طلبت كرواسون بالبيض و المشروم

الحمدلله شبعنا و الأكل كان لذيذ بس يبغيله مشاركة لأنه الكميه كبيره يبغيله ناس أكيله و يخلصون أطباقهم

أو انهم يقللون الكمية و يسوون ميديم و لارج

و الفاتوره حلوه و السعر مناسب

و يوم طلعنا اكتشفت انه في طابق ثاني

طلعنا و ما ندري وين نسير السوق مسكر و اليوم الجمعه و بعد شوي الصلاة

قلنا نسير سيتي سنتر نتمشى و نلعب اليهال و بالمره نتسوق

خلصنا و طلعنا باتجاه المنامه و بالضبط القضيبيه و الحوره نسترجع الذكريات

وصلنا سعد الدين كان من أشهر محلات الفطاير و الحلويات في المنطقة

بس للأسف ما لقينا عنده شي يذكر كله بالطلب و حتى المكان صار كئيب سبحان الله

دخلنا السكيك و كنت امشي بالحسره الشارع ضيق و أخبر ولد أختي كنا ساكنين هني

و هناك بيت فلان و هذاك بيت فلان انصدم من اللي شافه قال معقوله كنتوا ساكنين هني

و راويناه المدارس اللي درسوا فيهم اللي نعرفهم بس اللي يضحك يقول حسيت أني في مصر

و شوي يقول لا احنا في البرازيل قلناله بالعكس كانت من أحلى الايام و الذكريات

و الحين انتقلوا لمناطق يديده و فلل كبيره و مساحات واسعه

بعدها رجعنا الفندق العيال يدورون المسبح خليتهم ينزلون عن خاطرهم

و تذكرت أصور الفطاير اللي خذناهم تصبيره لين الغدا لأنه شبعانين

توبليرون, q8ya metnaqla, الايمان و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أين تذهب في البحرين في 2019	أم ريمه	بوابة البحرين	40	10-05-2024 04:04 PM
حبيبتي البحرين 2019	توبليرون	بوابة البحرين	87	02-12-2021 10:22 PM
فندق كمبنسكي البحرين ـ وحالياً فندق ويستن البحرين	Bu Rashid	بوابة البحرين	28	14-08-2019 09:21 PM
البحرين 2018 .. ماهو الجديد في البحرين	اسمر وغالي	بوابة البحرين	7	31-03-2019 08:07 AM
دليل فنادق البحرين و شقق البحرين رقم الهاتف و الايميل	عامر	بوابة البحرين	23	06-10-2018 12:55 AM