السلام عليكم ورحمة الله وبركاته
والى تفاصيل التفاصيل على طول دايركت :-
اليوم عدت من اسطنبول بعد قضاء 7 ايام فيها ويومين بورصة
بصراحة كانت رحلة جميلة ولله الحمد ولم ارى الا كل شيء جميل
كانت درجة الحرارة من 15 الى 10 .
سكنت في منطقة سيركجي في فندق امباير سويت بصراحة تعامل ولا اروع من موظفي الاستقبال
اخذو الفلوس بعد التشك اوت وما كلمني على الفلوس نهائي الى بعد الخروج وكان السعر نفسة اللي حجزت بالبوكينق
فندق ولا اروع من جميع النواحي واشكر الاستاذ اللي استفدت منه كثير الاخ (( نواف )) ربي يسعده ويسلمه من كل شر
وحجزت سيارة من مكتب rentage موقعه في نفس فندق سيلان انتركونتينتال اسطنبول
تعامل راقي وحجزت عن طريق بطاقة فيزا مسبقة الدفع وبعد ما سلمت السيارة بيومين ردولي مبلغ التأمين على الفيزا رهيبين بصراحة .. طبعا ماحجزت الا بعد استشارة المسافرون العرب ولقيت الجواب من اكثر من عضوا الله يسعدهم جميع ..
روحت بورصة وحجزت في فندق هوليدي ان ايش اقول بس فندق رائع وتعامل اروع طاقم العمل في الفندق ذا بالذات رائع
تخيلو بعد ماطلعت جبل اولداغ توسخت السيارة لانو كان في ترميم في الطريق جيت الفندق قلت ابغى مغسلة اخذو مني السيارة طبعا بعد ماسلمت المفتاح للستقبال وغسلوها لي في اقل من نص ساعة وجابوها لي بمبلغ 25 ليرة خدمات 5 نجوم .. اشكر الاخ (( نواف )) يارب يسعدك استفدت منك كثير ولاهو قصور في باقي الاعضاء .
وبعد ماقضيت احلى يومين في بورصة رجعت اسطنبول وكانت المرة هذي في فندق رمادا سنتر بجانب مترو عثمان بي .. فندق كانت فيه جميع الخدمات خاصة خدمات السبا عندهم طاقم شرق اسيوي لا احكيلكم بس رائعين .
تنقلاتي في اسطنبول موصلات عامة ترام مترو وباصات بصراحة كانت تجربة رائعة وحبيت انقلكم تجربتي .. خصوصا بعد ماستفدت من هذا المنتدى الراقي والرائع .. واحب اشكر جميع الاعضاء بدون استثناء لاني قريت كثير مواضيع واستفدت بكثر قرائتي للمواضيع .