السلام عليكم جميعاً
اخواني الكرام سافرت للهند في رحلة علاجية وحبيت اشارككم التجربة اللي مريت فيها
أولا انا كنت رايح رحلة علاجية عندي مشاكل بالظهر و فقرات الرقبة و طبعاً مافي ضرر من عمل تشييك كامل على الصحة و الاسنان وزي كذا
وطبعاً عشان تقدم على الفيزا وتجيك لازم يكون عندك تقارير طبية و موافقة من المستشفى الذي يتم العلاج فيها في الهند
المهم ولا اطول عليكم انا كنت خايف من النصب والاستغلال وطبعاً كل اللي راح الهند قبل كذا عنده خبره سابقة في الأمور هذي
المهم بحثت على النت على الشركات اللي الواحد يقدر يحجز عندهم باكج كامل وبالفعل حصلت أكثر من شركة وبعد تيسير الله تسهلت الأمور أرسلت لهم التقارير و خلال يومين أرسلوا لي الموافقة من المستشفى وقدمت على الفيزا و استلمتها بعد اسبوع وتم الحجز و انطلقت على الهند
طبعاً من خلال النت وصلت انو افضل مدينة من ناحية السياحة العلاجية مدينة بنجلور و الصراحة مشهووووورة عند العرب شفت عرب وخليجيين كثير اللي رايحين للدراسة واللي رايحين للعلاج
المهم استقبلني مندوب الشركة في المطار و انطلقنا على السكن طبعاً التعاقد مع الشركة كان على خدمات كاملة بمعنى يفرون السكن و السيارة بالسائق و الترجمة و قد كان اليوم الأول كان راحة في السكن بعد رحلة حول الـ 10 ساعات مع الترانزيت
وغداً ان شاء الله نوافيكم بالجديد