06-12-2019, 03:33 AM
|
#1 |
مسافر جديد
تاريخ التسجيل : Oct 2019 رقم العضوية : 31750 الجنس : انثى المشاركات : 4
|  تجربتي الاولى مع الرحلات الجماعية الي اسطنبول
بسم الله الرحمن الرحيم
الحمد لله وفقنا الله تعالى الي زيارة اسطنبول للمرة الاولى مع رحلة جماعية ,, وكمان وعدتكم سابقا ساكتب تجربتي لعل احد يستفيد منها ..
حجزنا مع مكتب عطلات النور في جدة
السعر للفرد في غرفة مزدوجة 2975
التاشيرة 280
المدة خمسة أيام
شخصين 6510
اليوم الاول رحلتنا كانت الساعة 6.35 صباحا على الخطوط السعودية
وصلنا مطار اسطنبول طلعنا فوق ومشينا لحد ما وصلنا شباك تختيم الجوازات ختمنا جوازاتنا وخرجنا , وكان سواق المكتب بإنتظارنا , ودانا على الفندق , وصلنا الفندق قبل الظهر
طبعا اليوم الاول مافي جولات
اليوم الثاني نزلنا الفطور الساعه 7 وجاء الباص الساعه 7.45 وركبنا مع الباص ثم ركبنا في طريقنا بقية السياح من الفنادق الاخرى وبعد إكتمال العدد انطلقنا الي سبنجا وركبنا سيارة دباب
سعر السيارة 200 ليرة غير محسوبة في بكج الرحلة
دخلنا الغابة بالدبابات ونهاية الغابة وقفنا عند البحيرة شوية ثم رجعنا الي مكان الباص
انتقلنا بعدها الي مصنع حلقوم ثم الي مكان تغدينا فيه والغداء مشمول من الجولة ثم الي الشلالات ثم الي حديقة الحيوان واخر شي وقف الباص إستراحة عند محل كوفي اللي يبغى يشتري شي ثم رجعنا الفندق
اليوم الثالث نزلنا الفطور الساعة 7 وجاء الباص الساعة 8 ونفس اليوم اللي قبلة جمع السياح من الفنادق الاخرى الي أن اكتمل العدد ,, اليوم الثالث كانت جولتنا الي جزيرة الاميرات
طلعنا الباخرة وتحركت تقريبا الساعة 10.20 رحنا الجزيرة الاولى ونزلنا وركبنا الحنطور وكان مشمول في الرحلة ثم رجعنا الباخره وتغدينا والغداء مشمول في الرحلة ثم انطلقنا الي الجزيرة الكبيره ونزلنا قرابة ساعتين ثم رجعنا الباخره وعدنا الي المينا وركبنا الباص وايضا وقف الباص عند محلات حلقوم وعسل ثم رجعنا الفندق
اليوم الرابع نزلنا الفطور 7 صباحا وجاء الباص 8صباحا وبعد إكتمال العدد إنطلقنا إلي بورصة
رحنا الي الشجرة المعمرة ورحنا إلي التلفريك المفتوح وكان برسوم خارجة عن الرحلة ثم الي الجبل وركبنا التلفريك المغلق وكان مشمول في الرحلة ثم رحنا للغداء وكان مشمول في الرحلة وبعدها ودونا محلات حلقوم وعسل ومربى وصوابين وكريمات
وبعدها رجعونا الفندق
اليوم الخامس اخر يوم لازم نسلم الغرفة 12 ظهرا
نزلنا الفطور 7 صباحا ثم رجعنا الغرفة ولملمنا حاجاتنا وسلمنا الغرفة 11.5 وتركنا الحقايب في الاستقبال وكنت طلبت من المسؤل عن الرحلة سواق لمدة 6 ساعات من 12 الي 6 من اجل التسوق ثم الدهاب للمطار ووعدني خيرا واتفقنا على مبلغ 450 ليرة لمدة 6 ساعات بعد محاولات ..
انتظرنا في اللوبي من 11.5 الي وحدة وربع للاسف لم يلتزم بالاتفاق ثم جاء السايق واخدنا الحقايب ورحنا السوق في ميدان تقسيم ثم السوق المصري للاسف هدا اللي امدانا نروحة ثم رحنا المطار , دخلنا المطار الساعه 5.45 وكان المطر غزير ماشاء الله
خلصنا بطاقة صعود الطايرة وختمنا جوازاتنا الحمد لله ثم ريحنا في الكوفي واكلنا وشربنا الحمد لله الي أن طلع رقم البوابة في الشاشة ثم توجهنا الي البوابة الي موعد الاقلاع واقلعنا ووصلنا الحمد لله سالمين ..
إنطباعي عن الرحلات الجماعية ..
راضية الحمد لله بنسبة 85 %
اللي ما عجبني ..
اولا المحلات اللي يوقفوا عندها غير جيدة للتسوق كلها حلقوم وعسل
ثانيا مدة التوقف قصيرة جدا يقول 25 دقيقة وترجعوا الباص في بعض الاماكن
وبعض الاماكن نص ساعه وترجعوا الباص
ثانيا توفير السايق غالي جدا اربع ساعات ونص ب 450 ليرة مع إنة التوصيل للمطار مشمول في الرحلة ولكن الرحلة ليلا والخروج من الفندق ظهرا يعني فيه وقت زايد ينفع للتسوق ولكن غالي جدا السواق
ثالثا للاسف في اليوم الثالث عند عودتنا من جزيرة الاميرات كنا اخر سياح في الباص بحكم خط سير الباص وللاسف لم يوصلنا للفندق ونزلنا في الشارع ويتكلم بالتركي مانفهم علية وتواصلنا مع المسؤل وارسلوا لنا سيارة اوصلتنا الفندق .. إتفاقنا الجولات من والي الفندق ولكن اخلوا بالاتفاق في اليوم الثالث والحمد لله عدت .
ارجوا أن تستفيدوا من تقريري البسيط . |
|  |
13الاعجاب 
العرض الشجري
المواضيع المتشابهه 
