السلام عليكم
حابين نسافر في الصيف شهر جون او جولاي لاوروبا واول سفرة لنا لاوروبا وحابين المناطق النمسا وفرنسا اش ممكن نضيف معاهم ؟؟؟
مع العلم نحنا عائله انا وزوجي وطفلتين 7 سنوات و 4 سنوات
وحابين لو في مجال نخلي رحلتنا اسبوعين بين النمسا وفرنسا و....
واسبوع او خمس ايام كروز شفت في كروز يبدا من برشلونه وفي من ايطاليا اش افضل وانا حابه رحله الكروز اخر شي تحون
اهم شي مناطق تناسب اطفالي وينبسطو فيها ياريت جدول للرحله ونصايحكم وانا من جده افضل خط طيران دايركت من فين ابدأ وفين ارجع
شكرا لكم جميعا

ولا رد!!!!

السلام عليكم و رحمة الله و بركاته ...

حياك الله أختي .. معانا بالمنتدى و أبشري أن شاء الله بنحاول قدر المستطاع المساعدة في ترتيب الجدول المناسب لكم ...

أول شئ من خلال المقترح المبدئي اللى طرحتيه من حيث رغبتكم في زيارة النمسا و فرنسا ..
طبعاً لابد تحطين في بالك بعد المسافة ما بين الدوليتن و يفضل يكون ترتيبك في دول متقاربة مبدائياً بحيث تكون المسافة فيها سهولة التنقل بالسيارة ... لأن المسافة بالسيارة حوالي 1000 كيلو تقطع في 10 ساعات لذا
ممكن تخلون الرحلة ما بين المانيا و النمسا و أيطاليا و سويسرا ... كرحلة أولى إلى أوروبا .

يمكن تأخذون الطيران مباشر من جدة إلى ميونج و تخلون العودة منها أو من جنيف أو من ميلان او روما في أيطاليا ...

فيما يتعلق برحلات الكروز .. أن شاء الله الأخوان اللى جربوها يفيدونا .. مع أني أفضل أن تستبعدونها في هالرحلة و تخلونها في رحلة أفضل يكون لديكم متسع من الوقت يساعد أكثر من أسبوعين ...

بالتوفيق ...

شكرا على ردك اخوي
بس انا حابه اضيف فرنسا عشان ديزني لاند وماعندي مشكله اروح طيران او قطار من النمسا لفرنسا
انا رحلتي تقريبا 3 اسابيع ف عشان كدا حبيت اسبوعين تنقلات والثالث كروز ف ايش تنصحني؟؟؟ الغي الكروز
والطيران اروح لميونخ وارجع منها مو صعبه؟
ولا اروح مثلا من ميونخ واتجول بالسياره المناطق القريبه وبعدين اخلي اخر محطه فرنسا وارجع جده منها؟؟؟
معليه لو ممكن ترتيب الجدول بالايام للمناطق اكون شاكره لك

وعليكم السلام ورحمة الله وبركاته

ماقصر اخونا ابومعتز

وعندكم للرحلة ثلاث اسابيع
وترغبون في ديزني
الوصول باريس والعودة ميلان ( اذا تبون كروز )
باريس 3 ليالي
ديزني ليلتين
طيران داخلي ميونخ
ميونخ ليلتين
زيلامسي 4 ليالي
فينيسيا ليلتين
ميلان 3 ليالي

ثم الكروز في ميلان افضل من برشلونه حسب الجدول

وهذا موضوع فيه جدول جاهز
النمسا المانيا باريس
افضل من السابق اذا تكنسلون الكروز افضل
وفيه مدينتين ملاهي كبار يوربا بارك وديزني والذهاب لباريس بالسيارة او القطار لأنه قريبة
https://www.arabtrvl.com/vb/t153.html

مشكور عالرد
طيب استحملوني شوي عندي خطة مبدأيه لو لغيت الكروز وخليت السفره20 ليله
افضل ابدأ من وين؟؟
ميونخ عشان دايركت من جده؟؟؟
ونستأجر سيارة من ميونخ ؟؟؟
ولو بدأنا ميونخ كيف الترتيب يكون
وبعدين نسلم السياره ونحجز ل باريس طيران او قطار مثلا
كم يوم يكفي باريس
وديزني لاند يكفي يوم ولا يومين مع العلم معايا اطفال وحابه انهم ينبسطو

السلام عليكم و رحمة بركاته ..

طبعاً كل الخيارات مفتوحة المهم تحديد المناطق و ممكن وصولكم يكون باريس و منها تزورون ملاهي ديزني .. و بعدها تحجزون بالقطار إلى أنترلاكن سويسرا المسافة أعتقد 5 ساعات ...
يمكن تضيفون أيطاليا و النمسا في الرحلة و أخر شئ ألمانيا و تخلون رجعتكم منها يعني
جدة - باريس - ميونخ - جدة "مثلاً" و التنقلات الداخلية تكون ما بين القطار + السيارة
و تستأجرون سيارة في سويسرا و تسلمونها في مطار ميونخ يوم العودة .. طبعاً ايجار السيارة بيكون من الشركات المعروفة و لابد من الحجز المبكر بعد البحث عن الأفضل من ناحية الأسعار .. بالإضافة لمراعاة أن هناك رسوم أضافية لتسليم السيارة في نقطة غير نقطة الأستلام ..

علشان نرتب الأيام و التنقلات حبذا لو أعطيتنا فكرة عن الترتيب المبدائي من ناحية خط السير
هل: باريس -أنترلاكن -ميلانو - فنيسيا- زيلامسي - ميونخ مناسب ... مع العلم بأن التنقل فيما بين تلك المدن او في نفس المسار فيه الكثير من الفعاليات يمكن مشاهدتها و بعض المناطق الجميلة في أيطاليا و النمسا مثل القمم الثلجية في النمسا و الشلالات و البحيرات
المنطقة من سويسرا إلى ألمانيا جميلة جداً
و الطبيعة فيها خلابة ...

موضوع الكروز .. بصراحة مالي فيه تجربة و لكن أفضل تأجيله لرحلة ثانية ...

بالتوفيق ....

طيب انا دايم اقرا زياره زيلامسي او انترلاكن وحده تغني عن الثانية؟؟
يعني فكرتي نبدأ ميونخ نستأجر سياره قارمش بادن بادن
بعدين زيلامسي و سالبزروغ واذا في مناطق ثانيه
وبعدين نسلم السياره وطيران او قطار ل باريس
ومن باريس لارض الوطن
هل الترتيب كويس؟؟