السلام عليكم ورحمة الله وبركاته

العلم وعفاكم نوينا انا والمدام نجمع الوراعين وشناطنا ونكشت لماليزيا الي يقولونها المهم كل من سمعت انه راح ماليزيا من الربع رحت نشدته وتبخصت علومه النتيجه 1/5 اذا الله اراد نبى نطير على الطيران السرلنكي امحق بدايه 😂😂
والجدول سلانجور ليلتين (سلانجور ماني مقتنع فيها كثير لا انا ولا وراعيني مانحب الطربخه في الماء واللعاب المائيه )
ثم لنكاوي ثلاث ليال
ثم بينانج ليلتين
ثم كوالا ثلاث ليال

صراحه مارتحت للسفينه او الي يسمونها فري من لنكاوي لبينانج اغيرها طيران ولا اجربها

والشي الثاني المشوار بالسياره من بينانج لكوالا بالسياره متعب ولا ممتع

ملاحضه الوراعين ثلاثه الله يصلحهم

وهل تقسيم الايام مناسب ولا لكم راي ثاني

مانستغني عن نصايحكم وملاحضاتكم واي تعديل تحبون تضيفونه