ابــريــل 2019 ميامي - اورلاندو - لاس فيغاس - سان دييغو - بورتلاند - سيياتل - الصفحة 6

توبليرون · 20-01-2020, 01:42 AM

السباحة بالبحر ممتعه بس هوا تخرع

اما الريوق زين انك انتبهت ونبهت المسافرين للضريبه والبقشيش

اما ليتل هافانا حلوه برسوماتها والوانها الزاهيه

بانتظار الجزء القادم

قطرية كول و ali pontiac معجبون بهذا.

ali pontiac · 22-01-2020, 02:00 PM

اقتباس : المشاركة الأصلية كتبت بواسطة albarood

ما حصلت الوقت لزيارة ليتل هافانا عند زيارتي لميامي
روعة المكان

Sent from my iPhone using Tapatalk

اقتباس : المشاركة الأصلية كتبت بواسطة قطرية كول

حلو اليوم الثاني ..وزين انك انتبهت للفاتورة صراحة الأمريكان صايريين استغلاليين وجشعين

زين إنك سبحت في المحيط..يجنن بحر ميامي ورملته بيضااا..

أما ليتل هافانا فمكان جميييل ومن عدستك مبين أحلى وأحلى..

كان من ضمن مخططي الصيف الماضي زيارة ليتل هافانا بس للأسف الظروف ماسمحت ..

اللحين يوم شفت الصور وااايد تحسفت

يالله خيرها بغيرها...إن شاء الله المرة الجاية ولو إن ميامي ماعجبتني وما أنوي تكرار الزيارة ..بس من يدري شنو خاش لنا القدر..

الله يكتب لنا اللي فيه الخير..

متابعين ومتشوقين جدا للغرب الأمريكي

قطرية انه مثلج مابزور ميامي، واصلا ماكنت ابي ازورها بس لازم اسجل حضوري فيها واشوف الي كنت ابي اشوفه

قطرية و الباروود لا تتحسفون ليتل هافانا جدا عاديه صراحه ومافيها شي مميز بالنسبة لي شخصيا

قطرية كول, فارس الجبيل و توبليرون معجبون بهذا.

توبليرون · 28-01-2020, 02:21 AM

بالانتظار للجزء القادم

ali pontiacمعجبون بهذا.

باراشوت · 29-01-2020, 11:56 AM

تقرير جميل
بانتظار البقية

ali pontiac و توبليرون معجبون بهذا.

هولمز · 31-01-2020, 03:44 AM

متابعين

ويا ريت في النهاية تعطينا تقييم لكل مدينة من 10 و تقييمها بين بعض

ali pontiac و توبليرون معجبون بهذا.

ali pontiac · 01-02-2020, 09:02 PM

اليوم الثالث يوم المغادرة

الوجهه كانت الى الساحره لاس فيغاس واهيه المدينه الوحيده الي كررت لها الزياره

وصلنا مطار ميامي قبل 3 ساعات من الرحله تحسبا لزحمة المطارات و تفتيش الـ TSA المشدد و المطار وايد زحمه

سعر التذكره من ميامي الى فيغاس 97.6 دينار من غير الشنط على American Airline و استغرقت مدة الرحله تقريبا 5 ساعات

Las Vegas
اليوم الأول يوم الوصول

وصلنا واخذنا تاكسي الى الفندق

وفندقنا كان Park MGM و المعروف قبل بأسم Monte Carlo الفندق مجدد بالكامل و بموقع جدا جدا ممتاز بسعر 174 دينار لثلاث ليالي

وكنت متردد بينه وبين فندق LinQ

عقب الشيك ان طلعنا عشه خفيف وعلى طوول نوم استعداد لليوم الثاتي

يتبع

قطرية كول, Abu Muataz, توبليرون و 3 آخرون معجبون بهذا.

albarood · 01-02-2020, 09:13 PM

ماهو تفتيش ال TSA
؟

توبليرونمعجبون بهذا.

ali pontiac · 01-02-2020, 11:18 PM

Las Vegas
اليوم الثاني

اليوم الثاني صحينا بنشاط وكان البرنامج مع Dream Racing الي يتذكر تقريري الأمريكي الأول كانت لي تجربه جميله جدا مع الشركه

رابط تقرير رحلتي الأولى
V
V
V
https://www.arabtrvl.com/vb/t7919.html

بختصار تدخل الموقع اونلاين و تختار السياره الي حاب تمشيها في حلبة سباق من نوع سيارات الـ Super cars و سيارات المجهزة فقط للسباقات Race Cars

موقعهم
V
V
V
V
https://www.dreamracing.com/

من ضمن حجز السياره توفير مواصلات من و الى الحلبه وكانت نقطة التجمع في المجمع الي بفندق Aria قريب جدا من فندقنا

لو يخيروني بين اقوى فنادق فيغاس بين فندق Bellagio او Aria اختار Aria بصراحه

وصلنا المجمع و بالضبط عند نقطة التجمع الي وصفوها

ومعانه ناس ايضا بجربون سيارات على الحلبه
وصل الباص وعلى الحلبه الي صايره في Las Vegas Motor speedway

وصلنا الحلبه

جزء من سياراتهم

تجربة على Simulator / محاكاة قبل النزول للحبه

طبعا كل شخص معاه سائق محترف يعطيه التعليمات

السيارة الي اختاريتها Lamborghini Aventador و خمس لفات على الحلبه مع تصوير فيديو GoPro بسعر 225 دينار الأسعار تختلف من سياره الى اخرى

تعليمات قبل الإقلاع

فيديو

تجربه ممتعه لكن المره الي قبلها جربت الفراري 458 Italia سعرها ارخص وافضل على الحلبه، السياره اخف وزنا واستجابتها وايد افضل و صوتها من داخل كان اقوى و احلى

تحذير
في لاس فيغاس في وايد شركات تأجر لك سيارات ال Supercars ولكن ما انصح فيهم بتاتا، السيارات مهملة
وشغلهم مب احترافي مثل Dream Racing ويخلونك تسوق السياره في الشارع وفي الزحمه غير لما تطلق كل العنان في الحلبه، و الطاقم متدربين وسائقين سباق محترفين مشاركين في سباقات عالميه، مؤسس الشركة الأيطالي Enrico Bertaggia الفائز في ثلاث سباقات Formula 3

بعد ماخلصنا وخلصت المجموعه الي معاي رجعنا لمنطقتنا الـ Strip قلب لاس فيغاس، ومعانه ناس نزلو فندقهم Bellagio واحنا نزلنا معاهم حق نتمشى في فيغاس

شوفو الفندق الي على اليسار Ballys كان سعره ممتاز وموقع عجيب لكن تقييمه سييئ، الزيارة الي قبلها سكنت في The Westin

ورجعنا الفندق ارتاحينا شوي، في الليل طلعنا اخذنا Uber رحنا شارع الـ Fremont الشارع صاير في المنطقة القديمة الـDowntown الي كانت قلب فيغاس في الستينات المنطقة زحمه في عطل نهاية الأسبوع وفي الليل انصح انه تنزلون عند فندق Golden Nugget Tower بأقرب مايمكن

شارع الـ Fermont عجيب وصخب و مزعج الي يحب الأكشن بيعجبه الوضع لا ينصح للعوائل يمكن الوضع كان جنوني لأنه كان في عطلة نهاية الأسبوع وفي النهار الوضع جدا جدا هدوء

و العشاء كان في اشهر مطعم برجر في فيغاس Heart Attack grill
اذا ماخاب ظني انه دخل موسوعة قينيس لأكثر سعرات حرارية في اكله
و الدفع كاش فقط

هذي مو طلبي ، الطلب حق طاوله ثانيه بس نزلوه على طاولتنه وصورته

لما تدخلون يعطونك نفس قميص عمليات المستشفيات

فيديو حق واحد يغني في توديع العزوبيه ، ولاحظو في رقم يتغير هذي ميزان الي وزنه فوق 160 كيلو ياكل بلاش

فيديو لأحمد الشقيري عن المطعم

فيديو شارع الفيرمونت

نهاية اليوم الثاني
يتبع

قطرية كول, توبليرون, مقدام و 3 آخرون معجبون بهذا.

ali pontiac · 01-02-2020, 11:20 PM

اقتباس : المشاركة الأصلية كتبت بواسطة albarood

ماهو تفتيش ال TSA
؟

Transportation Security Administration
تفتيش نقطة الجمارك دائما ازحم نقطة في المطارات الأمريكية

albarood و توبليرون معجبون بهذا.

قطرية كول · 02-02-2020, 04:00 PM

يعطيك العافية أخ علي..أشتقنا للتكملة والحمد لله أمتعتنا بجزء جديد من تقريرك عن الممتعة لاس فيقاس ..

ياريت تعطينا تقييمك عن الفندق اللي سكنته وفندق ويستن حلو بس أظنه مو على الستريب ويبي له مشي شوي..
حلوة فعالية سباق السيارات لأنها من هواياتك وزين إنك استمتعت فيها..

ما قلت لنا شنو رايك في مطعم الذبحة الصدرية؟

بانتظار ماتبقى من التقرير

ali pontiac و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الى امريكا ” لوس انجلوس ، سان فرانسيسكو ، لاس فيغاس ، سان دييغو ،	بن قوت	بوابة امريكا	872	18-04-2023 04:26 PM
الولايات المتحده ٢٠١٩ (نيويورك- اورلاندو - ميامي - البهامز - لاس فيغاس - لوس انجلوس)	ek201	بوابة امريكا	66	16-04-2022 03:59 PM
اورلاندو ميامي 15 يوم في يناير هل هي مناسبة	ابو راشد 2010	بوابة امريكا	3	23-09-2019 05:20 AM
ديزني لاند اورلاندو + يونيفيرسال استديو اورلاندو	abo.battal	بوابة امريكا	4	23-09-2019 05:14 AM
الذهاب الى سان دييغو ولاس فيغاس !	اريج منصور	بوابة امريكا	3	31-07-2016 09:47 AM