السلام عليكم ورحمة الله وبركاته
أخواني وأخواتي أعضاء المنتدى الكرام

الله يعطيكم ألف عافية على كل اقتراح و مساعدة من الأعضاء جميعاً
ولله الحمد استفدت من المنتدى كثير

اريد مساعدتكم وترتيب رحلة الى ماليزيا 12 يوم بمافيها يوم الذهاب و العودة برفقة زوجي واولادي الثلاثة نهاية هذا الشهر

* وين افضل الاماكن وكم محتاجين نجلس فيهن؟ وين تنصحوني اروح عشان نستمتع مع الاولاد
* وتنصحوني اروح بروحي او بجروب سياحي؟ وين اوفر؟
* الاحظ فرق كبير في اسعار الفنادق ايش اهم شي اعرف قبل لا احجز الفندق؟
* هل تنصحوني احجز من الحين تذاكر والفنادق كامل او خطوة بخطوة؟

وعليكم السلام

المدة قصيرة فلازم تستغلوا الوقت قدر الإمكان

اغلب البرامج بتكون استراحة يومين في سلانجور ( منطقة قريبة عالمطار فيها الألعاب المائية ) بس بما انه المدة قصيرة اذا كان طيرانكم الدولي مباشر فبنصحكم تتابعوا برحلة داخلية لمدة ساعة الى لنكاوي مباشرة لإستغلال الوقت وتخفيف التنقلات

أفضل الأماكن :

لنكاوي خلي المدة فيها 3 ليالي

يوم للقرية الشرقية و التل فريك رح تستمتعوا مع الأولاد
يوم لرحلة المنجروف
يوم للتمتع بالفندق و رحلات خفيفة


بينانج :

هضبة بينانج و حديقة الفراشات و باص الهيب هوب

كوالالمبور :

حديقة الحيوانات ممتعة جدا

وبنصحك بالسفر لحالك ماليزيا سهلة ومو محتاجه جروب سياحي

بالنسبة للفنادق خليها تكون منتجعات اربع نجوم اقل شي بلنكاوي و بينانج للإستمتاع بالبحر وبخدمات الفندق
اما كوالالمبور المهم يكون المكان قريب على البرجين و شارع العرب

اشكركم جميعاً ايش رايكم بهذا الجدول للرحلة 12 يوم
المدينه الاولى : سلانجور
مده الاقامه : 2 ليله

المدينه الثانيه : جزيره لنكاوي
مده الاقامه : 3 ليله

المدينه الثالثه : جزيره بيننج
مده الاقامه : 3 ليله

المدينه الرابعه : كوالالمبور
مده الاقامه : 3 ليله

ايش رايكم وين تقترحو اروح في كل منطقة
وبخصوص زيارة الاماكن والحجوزات الداخليه بالطائرة او باص او سيارة او الفيري
في مكاتب تنسيق او كيف الطريقة الافضل

سلام عليكم..
بما إني بماليزيا وباقي لي كم يوم وارجع ، بعطيك بعض التفاصيل المهمة..

- مدة الرحلة ممتاازة وكافية جدا..
- سيلانجور مدة الاقامة فيها يومين حلو..
يعني اول ماتوصلين من المطار دايركت على سيلانجور..
وسيلانجور هي كلها عبارة عن المنتجع الي اسمه سن واي لاقون.. بتنبسطون وخصوصا الاطفال والمناظر الجميلة ويبغاله يوم كامل هالمنتجع.
بعدها طيران داخلي من كوالالمبور الى لنكاوي.. طبعا سيلانجور تعتبر بكوالالمبور .لنكاوي هي الي فيها اغلب الفعاليات ، فانصحك باربع ايام فيها واهم الاماكن فيها
طبعا فندق ذا ويستن شي جميل جدا للامانه وانا سكنت فيه
بلنكاوي..
الاماكن/ اهم شي رحلة المنكروف.. هذا قارب يوديكم على عدة اماكن انا مثلا اخترت ساعة وحده.. رحت فيها لكهف الخفافيش وبعده مشاهده السمك والسلطعون وكائنات غريبه.. وبعده رحت اطعام الصقور مدري النسور..هذا بكج الساعه..
في رحلة اسمها ال Mtv يعطونكم دبابات اربع كفرات كل دباب عادي فيه شخصين تمرون على اماكن جميله وتتصورون فيها، واخذت البكج الي مدته ساعه وطبعا فيه كافيهات ومطاعم تقليديه لين اخر شي توصل للشلالاات.
فيه بعد سكاي كب. هذي الي فيها التلفريك فوق وطبعا فيها مطاعم وكافيهات..
فيه بعد عندك السوق الليلي تقليدي جدا للناس البسطاء يفتح 7 ويسكر 10 اسمه نايت ماركت.. وفيه شارع اسمه تشيننغ شارع حيوي يبيع كل شي وحلوه التمشية فيه..
بعدها طيران داخلي من لنكاوي لكوالالمبور .وانا سكنت بالجي دبليو ماريوت واحس اني بوسط الرياض كلهم عرب لدرجة ان الفندق المطعم الي فيه عربي..
اهم الاماكن بكوالالمبور
السوق الصيني طبعا، بتقشون منه قش..
المنارتين..
شارع العرب والتمشية فيه ، طبعا هو تحت فندق الماريوت
عالم تحت الماء ..

الاشياء المهمة الي بنصحك فيها
1/ ماليزيا يتعاملون بتطبيق اسمه قراب..grab ..هذا زي اوبر او كريم ولافيه نصب وسهل.. يحدد وين موقعك ويسالك وين بتروح ويعطيك السعر مباشره اذا وافقت علطول تطلب ويجيك بثواني..
2/ انا اخذت معي مبلغ كاش ومبلغ بالفيزا.. وللاسف احتجت اني اسحب من بطاقتي العاديه لان الكاش خلص.. اغلب الاماكن الي رحت لها يقولون نبي كاش بس..ماعدا الفنادق..
طبعا ما انصحكم تاخذون اي شي من الفندق لانه دبل الدبل لامويه ولا عصير ولا سناكات ، اذا تبون روحوا 7/11 سوبر ماركت بكل انحاء العالم او coc هذا سوبر ماركت ثاني..
الاسواق والامور الثانيه عاد منتي مقصره فيها ، تحياتي

ابعدي عن الفيري لأنها قديمة و سيئة جدا جدا

نصيحة خليك عالطيران

حبايبنا بسالك لنكاوي فعاليتها الى الساعه كم