السلام عليكم و رحمة الله و بركاته ...

الصباح سعادة وشعور جميل




وفي أغلب الأحيان يكون الصباح (قهوة)


صبحكم الله بالخير

صباح الأنوار أخوي أبو مهاب ,,,
" يا اخي دائماً صباح مدمني القهوة مميز "

صباح الخير
القهوة في الطريق
لسه ما مخمخنا


واحد معلن عن منتجع بأبها
وآخرتها طلعت الليلة بـ 6000 ريال
وبعد ما حشروه يقول ما هي لكم لناس معينيين
ههههههه



تواصلت مع أكثر من مسكن وكلهم فل للأسف
السؤال ليه ما ندور مكان ونخيم فيه ببلاش
شفت شباب يتمشون بأبها واذا جاء الليل نصبوا خيمتهم

بحديقة أبو خيال وتونسوا بدون ازعاج للباقين
مع أهمية ترك المكان نظيف وهذا اللي لاحظته عليهم بصراحة


العوايل قديماً كانوا يخيمون
الآن صارت نوع من العيب للأسف
يا زين اللي عنده 4x4 ويدور له مكان زين ويخيم فيه
بدل ما يدفع الآف الريالات على شئ ما يسوى


بروح للسنيدي بالقصيم واضبط عدة التخييم
واخذ لي سيارة دفع رباعي مستعملة
والف السعودية براحتي وببلاش

يعني بالله هذا رد من مستثمر يقول:
"ما هي لكم لناس معينيين"
الناس المعينين اللى يحكي عنهم و الله لو السفر متاح حالياً
ما قبلو عليك و لا جاؤك لو أنت تعطيهم 10 الآف ريال بالليلة

و مشكلة التخييم يا أبو غسان زين بس ما يصلح للعوائل بصراحة
الجيل اللى كانوا مثل ما قلت يخيمون .. أنقرضوا خلاص
جيل الحين لازم فنادق و شقق
و لا يرضيهم يعيبون فيه !!!

طيب كيف نخليه يصلح للعوائل ؟
ليه ما تفتح شركة تأجير كرافانات ؟؟؟
أعتقد الوقت مناسب لفتح شركة كهذه حالياً
مع فتح المسار السياحي وامكانية الحصول على تصريح بسهولة

هل تستأجرون كرافانات لو طبقوا الفكرة
فقط عليهم يدربونا على قيادتها
قبل لا نجيب العيد

السلام عليكم ورحمة الله


اسعد الله جميع اوقاتكم يا اخوان


السكن في ابها مختلف ومتنوع وتختلف الاسعار على حسب المكان المستأجر فيه

شقق وفنادق ابها كثيره والزين غالي على حسب نظافة المكان وسمعته وموقعه .

اغلب الشقق من كثر الزوار والمستأجرين اصبحت مستهلكه ومع ذلك مازالت اسعارها

مرتفعه وعذرهم انه موسم سياحي واذا مااستأجرت بيستأجر غيرك!!

اللي يبي النظيف والجديد يسكن في احياء خميس مشيط ويطلع ابها

في الخميس ارخص وانظف واجدد ولكن عيبها البعد عن الاماكن السياحيه

وليست بالمسافه الطويله تقريباً 30 كيلو .