انا للأمانه ماكنت اتوقع اني يوم من الايام بسافر مصر !!

لأسباب كثيره لعل اهمها بعض المصريين الموجودين عندنا في

المملكة وتصرفاتهم اللي كلها نصب وكذب واحتيال !!

كنت اقول يكذبون علينا وينصبون علينا وحنا في ديرتهم فما بالك

وانت اللي في ديرتهم!!!

بعضهم يعاملك وانت في بلدك وكأنك تمبل ماتفهم ويستعبط ويقول

انه عارف وفاهم في جميع الامور وهالشي بحد ذاته يرفع الضغط .

ولكن.... وتحت ضغط العائلة ورغبة لإرضائهم حجزت قبل ثلاث سنتين

ونزلنا لمصر وكان الانطباع هو نفس الانطباع من اول مانزلت في المطار

الى ان وصلنا الفندق ،،، طول الطريق وانا ارى بنايات متهالكة ومكاتب

حكومية غير مؤهلة للعمل !! والناس الغلابه اللي تطلب الله متواجدين من

بعد الخروج من منطقه المطار الى ان تصل الى وجهتك !!

بعد يومين بدأت النظره تتغير الى الافضل ،،،بدأت اتأقلم مع الشعب

المصري المغلوب على امره والذي اضطر انه يعمل في كل المجالات من

تنظيف الشوارع الى مجالات الهندسة وتقنية المعلومات .

الاجواء كانت روعة ،، النيل ومراكبه اروع ،، الشعب المبتسم رغم مرارة

الدنيا ،، الاحياء الجديدة والمولات الحديثة ،، الاهرامات والمتاحف ،،

حدائقهم العامه ،،، الاجواء الصاخبه وزحمة الناس البسيطه ،، الحسين

وازقته ومقاهيه المتناثره هنا وهناك ،،،

تغير البغض الى حب وكررت الزياره في السنة اللي بعدها وسوف اكرر

الزياره للمره الثالثه والرابعه والخامسه