السلام عليكم ورحمة الله وبركاته
مسساء / صباح الخير
اختي fanda والأخوة الكرام ان شاء الله ناوي السفر الى باريس نهاية الشهر القادم لمدة ثلاث أيام وطبعا لي فترة طويلة مطلع على أهم التقارير والفنادق المناسبة للسياحة والسكن
طبعا راح أطلع لندن بالقطار لمدة يومين واليوم الأخير برجع ع ستراسبورغ
يعني راح تكون بداية رحلتي كالتالي
يومين باريس
يومين لندن
يوم باريس
يوم ستراسبورغ

بالبداية ماخفيكم اني ملخبط شويتين وماني عارف احط ترتيب الرحلة كيف ؟
^^ هل هذا الجدول مناسب .. طبعا أهم شي عندي يكون ستراسبورغ أخر يوم علشان بأخذ سيارة من هناك وأكمل الجزء الثاني من رحلتي
اما الباقي عاد اشقلبها .. ايش رأيكم مناسب الجدول اللي ذكرته فووق ؟
والشي الثاني والمووهم أبغى أرتب أهم الأماكن السياحية
أنا بعد ماطلعت ع الكثير منها اخترت أهم الأماكن السياحية واللي تناسبني
وبكتبها لكم وياريت تساعدوني في اختيارها على حسب قرب بعضها من بعض

برج ايفل
شارع الشانز + قوس النصر
متحف اللوفر
ميدان الكونكورد ( المسلة المصرية )
رحلة نهرية في نعر السين
هضبة مونتمارتر
منطقة اللاديفانس
بيرسي فيلاج
ملعب نادي باريس سان جيرمان ( الأمراء ) < غير مهم اذا كان بعيد
الاوتليت < غير مهم اذا كان بعيد أيضا


طبعا مثل ماتشوفون هي تقريبا من 8 الى 10 اماكن سياحية أقدر أقصدها خلال الثلاث أيام ؟
وأبغى أستفسر عن القطار من الى لندن وأيضا القطار الى ستراسبورغ من أين ؟
وياريت لو تعطوني سعر تقريبي لمبالغها علشان اكون بالصورة


والسؤال الأخير لو تكرمتم هل لو نحط ميزانية 1000 ريال باليوم من غير السكن مناسبة ؟ لثلاث أشخاص
والسكن بالقرب من منطقة اللا ديفانس هل هي مناسبة ؟

وشاكر لكم تعاونكم مقدما

وعليكم السلام

خلنا نبدي خطوه بخطوه
اولا هل حجرت تذاكر الطيران ؟ وين الوصول و من وين العودة ؟!

ثانيا يومين لندن وفي وسط الرحله ما احسها تسوى !! يبيلك فيزا غير الشنقن ومشوار رايح راد

لاديفانس مناسبه جدا للسكن وأسعارها رخيصه مقارنه بقريب الشانز او ايفل

الميزانية !!! امممممم يعتمد عليكم ٣ كبار او معاكم طفل او ....
هل الفندق مع الافطار او لا ؟!
الميزانية تعتمد على اُسلوب حياتكم لو تزيدونها شوي افضل للاحتياط

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

مششكورة أختي وهذا العشم فيك والله

الرحلة من 29 مايو الى 12 يونيو
أول 6 أيام راح تكون بفرنسا + لندن
الوصول باريس والعودة ميونخ بأذن الله



فيزا فرنسا خلصناها ولله الحمد وفيزا لندن الأن جوازاتنا عندهم لها اسبوع وننتظرها تخلص < مخلصين أمورهم


احنا 3 كبار والأفطار للأسف أغلب الفنادق مش شاملة الأفطار

بالنسبة للميزانية احنا تقريبا حاطين 2000 باليوم فقلت 800 بتكون سكن + 200 مواصلات + 1000 مصاريف
صح كذا تقسيمتي ولا لا ؟

منطقة اللاديفانس تقريبا الخيارات فيها محدودة بس أنا اخترتها لأنه واحد من الشباب سبق وسكن فيها ويقول قريبة من الشانز
بس اقرأ من الكثير انه مترو باريس كبير ومن أي مكان تروح للي تبي .. لذلك شفت سكن مناسب جدا وبسعر حلوو
بس ماعرف المواصلات هناك سهله بتكون ؟.

Hotel Residence Europe, Clichy, France - Booking.com;

^^ هذا رابط الفندق اختي .. هل موقعه ممتاز مثل سعره
بالنسبة للندن ممكن نخلي باريس اول ثلاث أيام وبعدها يومين لندن واليوم الأخير السادس نخليه عودة الى باريس من ثم الى ستراسبورغ
لأنه ستراسبورغ حاط براسي راح تكون محطة تقريبا للراحة ماتفرق معايا حتى لو أوصلها 3 المساء

دام انتوا شباب فتقدرون تتحكمون في ميزانيتكم يوم فلوها ويوم كرواسون عالماشي بس بعد الافضل يكون عندكم مبلغ احتياط للظروف
لاديفانس الى الشانز 7 دقايق وميزتها انه فيها خط المترو الاصفر رقم 1 والي هو خط مباشر الى معظم الاماكن السياحيه واهمها الشانز و اللوفر وفيها خط الرير الاحمر المباشر الى ديزني

في رحلات قطار من لندن الى ستراسبورغ مع توقف محدود في باريس ممكن يكون افضل من المبيت يوم في باريس بدون فايده

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

أختي بالنسبة لصرفيتنا راح تكون متوسطة من كل الجوانب
والمبلغ الاحياطي لاتحاتينه كلمت الشباب وقلت لهم كل واحد يشيل معاه أقل شي 5 الأف
يعني ان شاء الله أقل شي راح تكون معانا 15 ألف احتياط
بس أنا وضعت ميزانية 2000 باليوم علشان يكون براسي مبلغ يومي امشي عليه أفضل لأنه مبلغ القطة بيكون معايا



بالنسبة للقطار الله يبشرك بالجنة هوا أنا أبغاها كذا أفضل بس كنت خايف واحنا راجعين من لندن ماننزل بنفس محطة القطار اللي بتودينا ع ستراسبورغ
يعني كذا بثبتها .. 3 أيام باريس ~ يومين لندن ~ يوم ستراسبورغ
لأني خلاص حجزت أول ثلاث أيام بباريس ع نفس الفندق اللي حطيت رابطه فووق

نبلش اللحين بالأماكن السياحية .. بعرف كيف راح يكون ترتيبها بالأيام
وايش أفضل بطاقة للمواصلات العامة خلال ثلاث أيام ومن وين بيكون محطة قطار لندن
الله يسعدك والله اني بقروشك شووي رغم اني حاولت الم اكبر عدد ممكن من المعلومات وماراح أسأل الا بآخر شي ولكن ضعت بصراحة

بعد اذن مشرفتنا
افضل شيء بما انكم شباب وبتحللون البطاقه هي باريس فيزت من زون 1-3 طبعا ما توديك لفرساي وديزني

ياليت تحددون ايامك تصادف ويكند ام لا
جرب تسكنون في ibis لاديفانس
جرب تسكن خلف قوس النصر فيه غرف ثلاثيه من رويال ماقده بس لازم تعرف ان فنادق باريس الغرف ضيقه حبتين او خذوا شقه غرفع نوم والصاله الاريكه تصير سرير

فرساي وديزني مانبغى نروح لها وأيضا الاوتليت نلغيه لأني على حسب ماقرأت انه خارج باريس ونخليه بميونخ عند العودة أفضل
طيب هالبطاقة راح تكون شاملة كل المواصلات ولكل الأماكن المذكورة ولا لا ؟


بالنسبة لـ ابيس لا ديفانس لقيت ثنين .. واحد لاتوجد حجوزات والثاني للأسف مرره ضيق وواحد من الأسرة جاية فوق المزدوج زي نظام الهوستلات
علشان تكونون بالصورة الشباب اللي معايا أكثر شي يهمهم بالفندق الجلسات اللي تحت او مسابح وسونا وجاكوزي وهيك يعني طبعا بالأضافة الى النظافة
لذلك الفندق اللي ذكرته لكم تتوفر فيه هالأشياء ويعتبر رخيص



بالنسبة لـ أيام وصولنا راح توافق ويكند للأسف ( جمعة + سبت + أحد )

ايه البطاقه تشمل ركوب كل المواصلات وبدون تحديد

لا فنادق اقتصاديه

أوت لت باريس احلى من ميونخ
اذا كنت بتزور سالزبورغ من ميونخ في أوت لت قبل الوصول سالزبورغ حلو

بخصوص الفندق والقعدات .....انته رايح باريس كل مكان كوفي شوب وقعده احلى من الثانية أبدا ما راح تحتاج شي في الفندق غير سرير مريح وحمام نظيف الله يعزك و الاهم محطة مترو قريبه على خط سهل بدون تبديلات




fanda@arabtrvl

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

^^ اقتنعت بكلامكم وطعت شوركم وبتوكل ع الله
وحجزت في فندق ابيس قريب من محطة مترو لا ديفانس


بالنسبة للأوت لت بنخليه بميونخ علشان يتكون نهاية الرحلة ومن الأفضل نخلي التسوق أخر شي .. هذه الفكرة بس
جدولنا بالنمسا لسى ماظبطناه ولكن بالغالب راح يكون مابين زيلامسي أو سالزبورغ
واذا فيه امكانية راح نروح اوت لت سالزبورغ ان شاء الله




اممم ممكن نضيف حديقة بولونيا والحي اللاتيني اذا فيه امكانية