اصبحنا و اصبح الملك لله

اليوم الثامن والاخير في روسيــا

تاريخ 2019/8/13

اليوم يومنا الاخير و رجعتنا الى ارض الوطن بعد مدة جميلة قضيناها في ربوع روسيا ..

بما ان طيارتنا الصبح لازم نروح مبجر عن الزحمه والتفتيش ..

طلبت ياندكس بسعر 2160 روبل لان السياره فخمه BMW قلت اونسهم اخر يوم هههه



الجووو





مطار موسكو







عند الكنترول طولوا معاي و سألوني عن فيزتي الامريكية وخذوا جوازي فترة ماادري شنو يسون فيه وامي واختي طافوا من غير محد يقولهم شي ..

ماادري اشفيهم الروس علي



طيارتنا الصغيرة



سوق الحره



ماشاءالله الطيارة فل اماراتيين ..
اكثر سواح من الخليج كانوا من الامارات - السعودية - الكويت

وبسم الله توكلنا على وطرنا وودعنا موسكو



و لي اهني انهي تقريري الروسي معاكم واتمنى انه يعجبكم ويفيدكم لو بالشي البسيط ..

سامحوني على التأخير او نسيت اذكر شي ..

رايي الشخصي في الدوله :
ديرة تستحق الزيارة راقية وحلوه وتاريخية لمحبين التاريخ .. مهضوم حقها اعلاميا بسبب ماكانت اهي عليه من حكم .. في الوقت الحالي اشوفها غير ومرحبه بالسواح ..

راي امي واختي :
موسكو وايد حلوه ونرجع نزورها بس نبيها في الشتا .. بيتر زينه بس موسكو احلى ..
احنا مانحب الاثار بس عادي نرجع موسكو ..
يتعنفقون " يتشرطون"

في اماكن وايد مازرتها في بيتر او موسكو بسبب ضغط الجدول والفترة قصيرة ..

من الاماكن اللي لم تتم زيارتها :

شارع اربات - متحف الحرب الباردة وايد انصح فيه - سيرك نيكولين - تجربة الرمي في البازوكات Tank excursion and bazooka shooting

ونراكم في دول مختلفة من العالم ..

خدعتيييييني

قلتي مارحت المترو

المترو وايد حلو والتنقل فيه سهل

ذكرتيني بإختي لما ننزل السلم المتحرك تقول شبقى ونوصل الشيطان

وايد عميق كنت اخاف اطالع تحت

مطعم بوشكين راقي على اسم صاحبه الكسندر بوشكين

الشاعر والاديب الرومانسي اللي مات موته مأساويه ، عنده مجموعه من القصائد (9) تحت اسم قبسات من القران اثارت كثير من التساؤلات حوله

منها قصيدة النبي :

“مهموماً بالظمأ الروحي
كنت أجر خطاي في برية غير ذات زرع
عندما ظهر لي في مفترق الطريق
ملاك ذو أجنحة ستة
وبأصابع من نور، في مثل الحلم،
لمس حدقتي عيني،
فاتسعت الحدقتان النبويتان،
كما لو كانتا لنسر مذعور
ولمس أذني
فامتلأتا بضجة ورنين،
وسمعت رعود السماء
وتحليق الملائكة في الأعالي
وسريان زواحف البحر تحت الماء
وتبرعم الكروم الأرضية
والصق نفسه بشفتي
وانتزع لساني
وبيده اليمنى المضرجة
زرع بين شفتيّ المتجمدتين
لسان الحكمة
وشق صدري بسيفه
وانتزع قلبي الخفاق”.

وفي قصيدة “اسطنبول”

تنكرت إسطنبول للنبي،
إسطنبول لأجل ملذات الرذيلة
غيرت السيف والدعاء
تنكرت إسطنبول لعرق الجهاد
وأخذت تشرب الخمر في وقت الصلاة..

وكذلك :

أقسم بالشفع وبالوتر
وأقسم بالسيف وبمعركة الحق
وأقسم بالنجم في الصباح
وأقسم بصلاة العشاء
لا لم أودعك


اعتذر للمداخله المسترسله ، بس هذي روسيا جميله بفنها وادبها وثقافتها

وصلت لجزء بيتر لاني عدت قراءة التقرير من الأول
وايد حبيت بيتر مطر وغيم تهبل
الرحلة النهرية وايد حلوه

المطاعم الهندية هي اللي تترس البطن وتشبع عليكم بالعافية

قصر بيترهوف تحفة تاريخية يحتاج أكثر من يوم
العروض والمسرحيات عندهم من وحي الخيال
مدري من وين يجيهم كل هذا الابداع رغم قسوة النظام الشيوعي
شي عجيب كيف خرج كتاب مبدعين مثل دستوفيسكي


لايمكن موسكو بدون كرملين معلم مهم وجميل


حسيت أن الايام ما كانت كافية لاستكشاف البلد
بس هذا دافع لكم لزيارتها مرة اخرى


الله يسعدك
تقرير جداً جميل شوقنا لزيارة روسيا
و راح يكون مرجع لكل زائر


يستاهل الخمس نجوم والتثبيت

للأمانة و بدون مجاملة

أي تقرير تكتبه أبرار .. ثق أنك بتلاقي من المتعة فيه ما الله به عليم ..
أن أردت التاريخ فله أوفر النصيب من السرد
أن أردت الوصف للمكان .. فأنت ستشبع من التوصيف الشيق ..
و أن أردت المطاعم ... فأنت أمام أختيارات راقية من الصنف الفاخر ..

ختاماً .. أشكرك أختي أبرار على الأبداع المتواصل و المتدفق ...
ما شاء الله تبارك الرحمن لا قوة إلا بالله
أين ما تأخدينا في تقرير نجد فيه المتعة

سعدت بقراءة تقريرك الروسي و بأنتظارك في المحطة القادمة ..

سلامات ماتشوف شر الوالدة كلامج صحيح لازم نحط حمايه خصوصا احنا مانتعرض للشمس الا لما نسافر
المتحف وايد حلو ذكرني بمتحف فيينا
هل فيه سماعات للشرح ؟؟
الاوت ليت وايد تمدحينه هل هو ماركات عالمية والا صناعاتهم ؟
عليكم بالعافية كيكة العسل كليتوها بمسقط رأسها