السلام عليكم ورحمة الله وبركاته
ناوي ماليزيا لمدة 10 أيام زوجين فقط
ومن كثر ما قرأت تهت ولا عاد عرفت شي
والله نهت ولا عاد أجمع
أبي جزيرة أو جزيرتين بالاضافة الى كوالالمبور والأماكن اللي ممكن أزورها في كوالا
وش الأفضل من يوم أنزل في مطار كوالا لين أطلع من مطار كوالا
حددوا لي فندق أو منتجع في كل مدينة وقولوا لي وش حوله عشان أروح له
ووش الفعاليات اللي ممكن نسويها في كل مدينة باليوم والليلة
مع الأواقات المناسبة لزيارة كل فعالية
حرام ادفع لمكاتب السياحة دام الذيابة موجودين هنا
علماً بأني أول مرة أزور ماليزيا
عارف أن طلبي متعب لكم لكن منْ يقول أنا لها ؟؟؟؟؟؟

عليكم السلام

والله صعب احد يوجهك وين تروح لأن الناس تختلف وش تحب
وش الحدود عندك وكم الميزانية

مثال ( عريس ينزل يلعب في الصنواي لاجون والعروسة جالسة تتفرج عليه
في هذي الحالة اقترح انه ما يروحون افضل للألعاب المائية )

أو ما يفضلون المناطق الليلية أو الترفيهية

ميزانية الفنادق خمس نجوم أو اقل ؟

عموما اعطيك اقتراح

اكتفي انصحك بغراند حياة كوالالمبور
أو تريدرز
أو الفورسيزونز

اختار اللي يناسب ميزانيتك


لنكاوي أشوفها افضل للعرسان بس مو الكل يفضل الهدوء ( واحة واستجمام )

بينانج ميزتها حياة في الليل والنهار والألعاب والنشاطات اكثر

سيلانجور تسوق والصنواي لافون متعة

اعطينا انت وش تبغى بالتمام اخوي حتى نساعدك

رحلة موفقة وسعيدة بإذن الله
بما انكم معكم ١٠ ايام اقترح عليك الاتي
الوصول إلى ماليزيا سيلانجور ٢ ليلة ،من هنا زيارة بوتراجيا والشلالات وألعاب صن واي
بعدها اذهب الى لانكاوي ٣ ليالي
بعدها ارجع إلى كوالالمبور، منها زيارة مرتفعات جنتنج والكاميرون والأماكن السياحيه في كوالالمبور
ابحث عن الفنادق في بوكينج او اجودا، نصيحة وشاهد التعليقات واختار لي تحبه

زوجين متوسطي العمر يرغبان فالتمشي والسياحة والتسوق
ولا أحب المناطق الهادئة المملة اريد اماكن حية وفيها ناس
الميزانية معقولة وبالإمكان زيادتها وتنقيصها وهي لا تمثل مشكلة بمشيئة الله
هل تنصحني اكنسل لنكاوي من الرحلة لهدؤها ؟
بالنسبة لسيلانجور وفندق الصنوي وش فيه هالفندق وش مميزاته ؟

Koka لك رسالة على الخاص