العبدلي في الاعياد الوطنية 2019

اولا نأسف للتأخير في تنزيل التقرير للظروف
والحين يه الشتا وحان وقت العبدلي ومزارع العبدلي
تذكرت احط لكم التقرير للاستفادة للي وده يستفيد ويتعرف على هذه المنطقه


منطقةالعبدلي في شمال الكويت وتتميز بوجود المزارع للعوائل الكويتيه
وفي مزارع افتحوها للعامة ورحنا لبعضها وأشهرها

بس الطريج بعيد والعيال ودهم يشوفون كل المزارع يعني لازم ناخذ اكثر من يوم وصادف اجازتنا للعيد الوطني تقريبا اسبوع

فحجزوا العيال بعد تتبع برامج التواصل سكن يقع ضمن مزرعه
وكان 3 غرف وصالة كبيرة وديوانيه و3 حمامات ومطبخ بسعر 450 دينار لمدة 6 أيام
من 21 فبراير الى 26

وبدا مشوار الاحتفالات بآخر يوم للدوام قبل الاجازه ولازم المدارس والوزارات يحتفلون ومنها مدرسة الزين وهذا الصبح كاشخه الزين للاحتفال









وبعد ما ردوا العيال للبيت من دواماتهم قلنا يلا حملوا اغراضكم
طبعا نص البيت اخذناه معانا من اكل وملابس والاكثر الفرش من اسنفجات وكنابل لو مآجرين لوري أحسن ههههه

المهم حملنا اغراضنا والطريج بعيد اللي يخلص يروح
واحنا اخر ناس شوفو احنا للحين بالديره والعيال اوصلوا تقريبا





صورة الطريج والمسافه من غوغل ماب






ولازم مساعدة للتعرف للموقع




طول الطريج تلاقون البر مضوي بليتات المخيمات للكويتين عطله والكل طالع للبر














والحمدلله وصلنا وطبعا المفتاح ناخذه من الحارس

وعلى ما ينزلون الاغراض ام حسين تستكشف وتصور لكم

المزرعه فيها بيت للاجار وبيت العايله راعية المزرعه

بس احنا موجودين ليعطونا راحتنا والحرس خلف المزرعه بيتهم


اول شي صورنا علم الكويت اللي من وصلنا لي رحنا واحنا نحيي العلم ونقول النشيد الوطني بقيادة الزين









زيونه مستانسه وهي تحيي لنا العلم





وهذه مزرعتنا ظلمة وهدوء صخة






المزرعه محوطه ووراها اشجار نخيل وسدر وغيره هذه صورتهم بدون فلاش






وهذه بفلاش





خفت على البنات راحوو يمشوون مع هبتهم مسوين قروب للمشي بالساعه واللي يسبق

فكانو يكملون خطواتهم بهالظلمه هههه







والليله قمره





في نطاطيه كلهم اركبوا فيها الا الجدات ما ركبنا هههه









وقعده خارجية للشوي واللي يحب يقعد بره
ثاني يوم قربناهم عند المدخل










وهذابيتنا والممر له






وهذا بيت صاحبة المزرعه مسكر









وكل شوي نصور واذا زيونه نحيي العلم









صوره بانوراميه للمكان




بعدين دخلت وصورت لكن الغرف طبعا كما استلمناه بس حطينا شراشفنا وكنابلنا ومخادنا والحمدلله ارتحنا لان البيت نظيف بس تكرمون الحمامات من النوع القديم بس نظيف
طبعا في مطبخ ما اعتقد اني صورته هههه من كثر الحوسه اللي فيه

وحتى الحمامات صورت لكم بس واحد علشان تشوفون الوضع المرحاض العربي تسند على الطوفه


الصاله









الغرفة الرئيسية









حمامها ومغاسل خارجيه
















وغرفتين نفس الحجم








وفيها وحدة تكييف للصيف



وهذه الديوانية














وبعد ما لففتكم بالبيت

صار وقت العشا وهني كنا طالبين بوكس للشوي
فيه بورغر ونقانق وبورغر دياي وشيش طاووق
والصمون وخضروات البورغر

وشوو العيال وعشا لذيذ الحمدلله























وهذه غيمتنا من الدخنه صارت هههه













بعد العشا سوالف وشرب قهوة وشاي وعصير سهرة صغيرونة وعقبها نووم





كان برد وشوفو حماده مسكين موقادر يتحرك من البرد






درجة الحرارة





ونشوفكم باليوم الثاني ان شاءالله

بسم الله الرحمن الرحيم

ما شاء الله تبارك الرحمن ..
"يا حلو الحمعت العائلية اللى تلتم فيها العيلة كبار و صغار و تصير ألفة و كسر للروتين ..

الله يجمعكم و يسعدكم أختي أم حسين .. و ينعاد عليكم كل سنة لا فاقدين و لا مفقودين...
و الله يديم أفراح و أعياد الكويت بالخير

"متابعين معاك التقرير ... تفاصيل مشوقة"

اليوم الثاني يوم 22 فبراير

القعده الصبح ترد الروح مع الهواء العليل والهدوء

ودرجة الحرارة بعد صلاة الفجر





ولازم اول شي الحين

الريوق اللذيذ طبعا ما صورت لكم الا سلة الريوق
من ابداعات ام الزين مضبطتنا









الموجود يحمل الوان علم الكويت
لبنة بالشمندر لون احمر
جبن ابيض زيتون اخضر وزيتون اسود وبعد مقدوس
وطبعا البيض على الطلب اللي يبي يطلب









المشروبات على الكيف

عصاير او شاي وحليب وقهوة


عصيري المنعش لذيذ بشكل






والبنات شاي وحليب










والحين تعالوو شوفو الهدوء صج الهدوء هني ينشاف من الصور


اول شي الافكتات للسناب باشكال ورسومات وشعارات للعيد الوطني




رحت اتمشى بالمزرعه والباجي يتريقون واللي نايم للحين

والمكان صخه




هذه زراعتهم للخضروات مسموح لنا نقطع منها













بس سمعت صوت زيونه تلعب بروحها





وقالت ماماعودة خل نروح نشوف الفيش
قلت وين فيش قالت هناك والله وودتني اثاريها رايحة مع بابا عود




مسوين حوض فيه هالسمج اعتقد زراعة بلطي









ردينا نكمل صور المزرعه مع حمد وبابا عود





ترى الاسامي للخضروات عليكم






















شايفين خيال المآته








يبيله قعده وغوري شاي وصحن جبن وخبز تنور












شوفو الهدوء
ترى الساعه 10,30






علمنا دوووم مرفوع عالي ان شاءالله












وطلعت بره من الجهة الخلفيه والا مزرعه ثانيه




















طبيعي مية مية وردة النوير اللي تزهر عندنا بالكويت ايام الربيع



















وندخل لحديقتنا












ومن الدريشه





ونتبخر ونبخر المكان





بنطلع ...تابعوا وين بنروح

الله يحفظكم

ماشاءالله
اذكر زيارتكم العام ام حسين
الله يجمعكم على المحبه دايما ويحفظكم
متابعين معاج مزارع العبدلي