وعليكم السلام ورحمة الله وبركاته
..
مدري كانك رحت او توك بس مشارك مشارك

توني راجع من يومين من دبي وكانت روحتي بالسيارة ..
سافرت عن طريق سعد الاحساء الطريق جدا ممتاز ومخدوم وحتى (((( ساهر )))) موجود

الطريق مليان (((( جمال )))) وشفت بعضها يقطع الطريق فلازم الانتباه ...

الطريق مخدوم بمحطات البنزين بس لاتعتمد على كذا واحرص تعبي من الاحساء مثلا .
- بطريق الرجعه كان البنزين عندي يوصل لبعد المنفذ ب 100 كيلو تقريبا وقلت خلاص اعبي من السعودية وتفاجات ان المحطات بعد المنفذ ولمسافة 20 كيلو تقريبا طافي الكهرب عنها وماتقدر تعبي منها وماقدرت اعبي الا من محطه تعتمد على مولدات كهرب والحمد لله وصلت لها ...

- السكن في البرشاء ممتاز من ناحية توسطه في دبي واكثر المزارات السياحة في كل الجهات تقريبا نفس المسافة عنك واذكر اخذنا شقة غرفتين وصالة ومطبخ و3 دورات مياه اكرمكم الله بحدود 400 ريال ( بدون فطور ) ومواقف مجانية . ومول الامارات نروح له مشي ( 3 دقايق مشي يمكن ) .

- من الاماكن الحلوه ( القرية العالمية ) تفتح من 4 العصر والدخول ب15 درهم للشخص .
- مدينة العاب IMG الدخول لها 300 درهم شامل الالعاب الا يمكن لعبتين وهي يقولون انها اكبر مدينة العاب مغطاة في العالم وفيها العاب تصلح للكبار والصغار والخوافين والابطال ... وتفتح من 11 الصباح واحنا خلصنا منها 4 العصر لان كانت شبه فاضية ...

- منطقة لامير من المناطق الجديدة وهي عبارة عن منطقة تسوق ومطاعم وكافيهات في مساحة مكشوفة على البحر ( موب منطقة مغطاة ) تستاهل الزيارة يمكن ( ساعتين الى ثلاث بدون وقت الاكل مثلا ) وفيها ملاهي العاب مائية.

- الجي بي ار منطقة من كم سنة طالعة بس لازالت تكبر وتزين وهي قريبة من ( عين دبي ) وفيها شاطيء حلو ...
فيه بعد قرية جميرا وسيتي ووك وول الامات (سكي دبي وهو قرية ثلجية صغيرة فيها العاب وتزلج ولعب بالثلج ) ودبي مول وبرج خليفة وعندهم سوق البحار وحلبة التزلج والاكواريوم الخ ..

دبي مليانه اسواق وتمشيات وكل فترة فيه شي جديد ...

بالتوفيق وسفر سعيد