السلام عليكم

اخوي مقدام اشكرك جزيل الشكر على تجاوبك
رحلتي ان شاء الله تعالى من 2 اغسطس الى 17 اغسطس القادم
وحاولت الاقي فنادق في انترلاكن بس مالقيت الا غير مسترد القيمة
واضطريت احجز من 2 الى يوم 7 في فندق BASLERTOR Summer Pool Hotel في مدينة لوزيرن
أول ما انزل مطار جنيف بإذن الله تعالى باخذ سيارة واطلع على لوزيرن ..
هل هي بعيدة عن جنيف ؟ وهل الطريق سهل الى هناك لأني أول مرة اروح وهل عندها مواقف قريبة؟
وبعدها بروح ان شاء الله الى مدينة رست بالمانيا 5 ايام ثم العودة والسكن في القرى الفرنسية 4 ايام قرب جنيف حسب مخططك اللي ذكرت لي
ولكن الى الان ما حجزت في رست والقرى الفرنسية اذا تعرفون فنادق حلوة ومناسبة ما استغني عن مشورتكم..
يا ليت تفيدوني عنها جزاكم الله خير ورحم الله والديكم

تحياتي

]

الله يخلي لك اعيالك وان شاءالله تكون احلى سفره كولمار قريبه من فرايبورغ تقريبا نص ساعه شي كذا ناسيه بالضبط بس مستحيل اكثر من ساعه مدينه فرنسيه عجييييبه راح تحبها حدها حلوووه والسكن في فرايبورغ افضل علشان الحياه بالليل اطول ممكن تتمشون في السنتر وتستانسون ،،، انصحك في يوم تتعشون في مطعم هندي هناك اسمه بنجاب عجيب وسعره يجنن وتقدر انت واعيالك تسوقون سياكل مثل ماسوينا احنا قمة الانبساط

بس اوصل البيت بشيك لك ان شاءالله

لوزيرن حلوة وحولها الكثير من الاماكن السياحية بالاضافة الى انترلاكن الي ممكن تزورونها من لوزيرن
والطريق من جنيف الى لوزيرن سريع والمسافة تقريبا ساعتين ونصف الى 3 ساعات

هذي بعض الخيارات للسكن في انترلاكن وحولها شوفوا اذا ناسبتكم وللعلم الحجز فيها لازم يبدأ بالسبت ولمدة اسبوع
بس ممكن تحجزونها من يوم السبت وتسوون تشيك ان يوم الاحد معى ابلاغهم بذلك

هذي شقة بالقرب من انترلاكن وسعرها 6850 درهم
والحجز فيها يبدا السبت
Booking.com: ط´ظ‚ظ‚ Apt Des Alpes Wilderswil - ظˆظٹظ„ط¯ط±ط³ظˆظٹظ„, ط³ظˆظٹط³ط±ط§

وهذي شقة قرب لوزيرن وممكن تحجزونها من يوم الاحد لمدة 6 ايام او 5
https://www.airbnb.com/rooms/625557?...uests=4&s=SIV3

وهذي في انترلاكن وممكن تحجزونها 6 ايام
https://www.airbnb.com/rooms/4539611...uests=4&s=RuzM

وهذي في وادي لورتبنبن
https://www.airbnb.com/rooms/1095687...uests=4&s=KSfc

شوف اللي يناسبك منهم او تبقى على خيار الفندق اللي اخترته في لوزيرن

صبحكم الله بالرضا والعافية

سؤالي لو تكرمتوا هل اذا اخذت سيارة من مطار جنيف الى لوزيرن مباشرة فيه تعب على الصغار ؟ لأني ما اعرف الطريق واخاف اتوه واتعبهم بعد الرحلة

اخوي مقدام انت قلت لي في اخر الايام اذا رجعت لجنيف اسكن في القرى الفرنسية .. وش تنصحني بقرية حلوة او فندق معروف هناك
الله يوفقكم جميعا ويجزاكم عنا خير الجزاء..

وحبيت اسألكم بعد عن السيارة ابستاجر كل ايام الرحلة ان شاء الله تعالى من مطار جنيف واروح فيها كل الاماكن اللي حجزتها من لوزيرن الى المانيا الى جنيف مرة ثانية وارجعها للمطار عند العودة وش رأيكم هل هذا افضل ؟
تحياتي