السلام عليكم
حصلت مكتب يطلع لي سعر الفيزا الالمانيه ب 800 ريال شامل تامين السفر للشخص الواحد ويكون معاك في السفاره ويخلص اوراقك حتي تستلم جوازاتك بالتاشيره
طبعا المسافرون انا وزوجتي فقط

انا لاحظت ان التقديم عن طريق الموقع من تعبئة النماذج وتحديد موعد في السفاره ليس بالشي الصعب واقدر اسويه وتامين السفر لشص مايتعدا 60 ريال واقدر اسوية بنفسي

بس سوالي كم تكلف رسوم التاشيره للشخص الواحد من سداد عن طريق الموقع وحتي رسوم السفاره
اذا فرق كبير عن 800 ريال اللي راح ادفعها للشخص قدمت بنفسي اما اذا الفرق شي بسيط 100 او 200 ريال عالشخصين ماتفرق منها تمشي بشي مضمون ويكون شخص فاهم معاك في السفاره يخلص امورك وخصوصا ان ماعندي غير يوم واحد اسافر فيه للسفاره واخلص اموري لان اقرب سفاره لي االي بجده

فحاب اعرف كم سعر التاشيره كامله للشخص الواحد اذا انا سويتها بنفسي

كلفني الشخصين 670 ريال + حجز طيران وهمي ترجمة كرت عائلة 50 ريال اخوي تاكد اذا انت موظف من شركة تامين يمكن يعطوك ورقة للسفارة تامين بوبا فيها فرق 940 يا حبيبي انت سوها

و عليكم السلام و رحمة الله و بركاته ..


اخوي ضبط أوراقك بنفسك صدقني بتتفاجأ انك وفرت المبلغ لأن وجود موظف المكتب معك ماله لازمه أبد إذا أوراقك كامله و مافيه أي مشاكل ..

أنا مشيت على خطوات الشباب في مواضيعهم و ضبطت أموري اللهم لك الحمد بدون مكاتب أو تعب

وعليكم السلام
اول شي اذا انت حاجز فنادق وتذاكر طيران وحجزك مؤكد ومدفوع وقدمت تعريف بالراتب وكشف حساب فيه مبلغ حلو لا يقل عن 30 الف ريال لاغلب السفارات هذي الشروط وتسوي التامين بالنسبة رسوم التاشيرة 337 ريال للشخص ورسوم الحجز 78 ريال تقريبا للشخص الواحد اما اذا ما تبي تحجز حتى تصدر التاشيرة فالافضل لك مكتب يسوي لك الحجوزات والاوراق وتخلص امورك وهذا اللي انا سويته والحمد لله اليوم وصل الجواز وبكره يستلمه المكتب ويرسله لي