السلام عليكم ورحمة الله وبركاته

لما لهذا المنتدى من فضل كبير علي في امدادي بمعلومات، فمن واجبي ان اكتب لكم عن تجربتي في اصدار التأشيرة البريطانية

فالبداية هذي الفيزا رقم 20 في اخر 15 سنة مابين سياحة ودراسة.
بصراحة اذهلني التقدم الي صاير في موضوع الطلبات والمواعبد

بعطيكم ملخص بسيط
المكان: الرياض
الجنسية: سعودي
مدة الفيزا: سنتين
عدد الاشخاص: أنا و المدام

طبعاً ماراح اتكلم عن خطوات تعبئة الابلكيشن لأنو الاخوان ماقصروا في مواضيع اخرى شرحوا شرح وافي

الطلبات
1- الجواز الاساسي
2- الابليكيشن مطبوع
3- الموعد مطبوع
4- تعريف بالراتب (لأن الطلب حق سنتين، لو 6 شهور مايحتاج حسب افادة الموظف)
5- كشف حساب آخر 3 شهور (لأن الطلب حق سنتين، لو 6 شهور مايحتاج حسب افادة الموظف)

الخطوات
1- تم تعبئة الابلكيشن
2- حجز الموعد ( والميزه صار فيه اوقات بالليل والسعر للواحد حدود 500 ريال)
2- رحت الموعد يوم الاحد 23-2
3- جتني رسالة يوم الاربعاء 26-2 (مو مصدق السرعة)

بشكل عام بذكر الايجابيات والسلبيات
الايجابيات:
1- الفيزا تم استخراجها في 3 ايام بس مع العلم بأني ماحجزت مستعجل، وهذي رجعتنا للأيام الخوالي قبل 2010 حيث كانت الفيزا البريطانية معروف عنها سرعة التسليم من يوم ليومين بالكثير.
2- توافر المواعيد بالليل، صح ان مبلغها غالي ويأخذ على كل فرد مبلغ منفصل، لاكن بالنسبة لي فكتني من زحمة الرياض وزحمة المركز
السلبيات:
1- غالي غالي غالي، الفيزا البريطانية بصراحة غالية جداً يعني مو معقول تأخذ على السنة الواحدة حدود 1000 ألف ريال!! سنتين= 2000 و خمس سنين= حدود 5000
2- مكتب التأشيرات لازالوا آله لجني المال، مو معقولة تسوي سكان للاوراق بمبلغ يزيد عن 120 للابلكيشن الواحد! عشان كذا حملوها اونلاين واللاونج بخمسمية والموعد المميز كذلك ب500
3- المواعيد العادية تواريخها بعيدة شوي.

تحياتي لكم ياحلوين