رحلة فبراير: كاليفورنيا و الطريق اللي وترني !!

Tareq3030 · 04-03-2020, 11:12 AM

الحلقة الرابعة .... اذا ما خاب ظني

في اليوم الرابع من وصولنا قررنا نروح لسان دييجو و تحديدا الZOO بما ان التقارير تقول انه من افضل الZoo اللي في امريكا.

صحينا الصباح و قررنا نفطر في الشهير IHOP و كان الفطور كالعادة لذيذ .

خلصنا فطور و مسكنا خط الجميلة سان دييجو.. طريق جميل و واسع عكس طريق امس الله ياخذه و البحر تشوفه من الجهة اليسرى .. يعني طاقة ايجابية مع المناظر الرائعة

وصلنا لحديقة الحيوانات.. شرينا التذاكر لاربعة اشخاص ثلاث بالغين و طفل و كان السعر النهائي 200 دولار.

دخلنا الحديقة و مسكنا الخريطة و بدينا بالذهاب لرؤية الحيوانات و هنا كانت صدمة ثانية.

نص الحيوانات ما شفناها ما ادري هم نايميين ولا ماخذين اجازه.. النمر كان معطينا ظهره و الدب الابيض شكله فيه كورونا ما يتحرك.. تكفى يا دب قوم اغطس بالمويه .. ولا حياة لمن تنادي.. فجأه شفنا الفيل و كانوا يسوون له بديكير في رجله.. مشينا و مشينا و مشينا و كل اللي شفناه كالاتي:

1- ظهر النمر
2- دب ابيض ما يتحرك
3- فيل يسوي بديكير
4- بط
5- عصافير
6- جمل
7- خنزير

للاسف اكثر الحيوانات ما طلعت و هنا كانت بالنسبة لنا صدمة بسيطة

قررنا نطلع من الحديقة و اتجهنا للجميله little italy

مكان جميل كله محلات و مطاعم ايطالية تمشينا فيه و قررنا نتغدا في احد المطاعم و كان جدا سيئ بس خفنا نقول شي لا يطلعون مافيا.

كملنا تمشي بعدها توجهنا الى فاشن فالي مول و بصراحه مول جدا جميل تمشينا فيه و تقهوينا و من اجمل المولات المفتوحة اللي رحت لها

بعدها قررنا نرجع لارفاين في تمام الساعه السابعه مساءا

كانت رحلة بالنسبة لي شبه موفقه.

سأعود اليكم ....

ali pontiac, قطرية كول, q8ya metnaqla و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برنامج رحلة سياحية الى امريكا / كاليفورنيا	مستر بيتو	بوابة امريكا	8	21-11-2019 12:37 AM
رحلة شهر عسل (فبراير 2018 )	Thamer6766	بوابة ماليزيا	17	01-01-2019 03:43 PM
املج و أم الملك في رحلة قصيرة فبراير 2017	آخـــرفـــرصـــة	بوابة السعودية	74	27-06-2018 02:09 AM
الطريق الساحلى فى كاليفورنيا 1 Pacific Coast Highway	BoAziz2001	بوابة امريكا	24	16-08-2016 07:59 AM