اهلا ً اهلاً ..
بدايةً احنا للأمانه مقررين على المالديف 7 ايام و سنغافوره 7 ايام
لكن ماعندي معلومات كفايه بالنسبه للمواصلات كيف نرتبها وهل نحجز عن طريق مكتب ولا كيف ؟؟؟
وهل يضبط معانا نجمع بين البلدين بكل اريحيه ولا لا

موشايله هم السكن كثر المواصلات والتذاكر

ووش الفرق بين مطارات المالديف ؟ يعني كيف اعرف اي مطار انزل؟
تجاربكم الفيلل الشاطئيه او فوق البحر؟؟
اطرحو لنا افضل الفنادق ...

شكراً ماقصرت يعطيك الف عافيه 😍

مبروووووك والله يتمم عليكم
اول شي بالنسبة للمالديف 4 ايام كافيه
ثاني شي المالديف يفضل حجز باكج كامل من مكتب يشمل السكن والمواصلات من وإلى المنتجع ان كان قارب او طائرة مائية ويشمل المبلغ الضرايب و الاكل بحدود وجبتين في اليوم تختار انا ريوق وعشا او ريوق وغدا او الثلاث ..
نوع السكن تقدر ليلتين فيلا شاطئية وليلتين فوق البحر ..

تطلع على الطيران السنغافوري إلى سنغافورة والمده زينه لها فيها وايد منتجعات وفنادق حلوه

ان شاءالله افدناك بالشي البسيط

وأتمنى تقرا هالموضوع

https://www.arabtrvl.com/vb/t44486.html

مبروك والله يتمللك على خير ان شاء الله

بالنسبه للمالديف فانا اتفق مع الاخوان انه المالديف حدها 3 ليالي او اربع ايام ،، ماراح تحصل نشاطات كثيرة وبشكل عام النشاطات تكون غالية بعض الشي .. سنغافورة تعتبر ارخص نسبيا في الفنادق وفي الاكل..
تقدر تلقي نظرة على رحلتي للمالديف في البوست التالي:

https://www.arabtrvl.com/vb/t46039.html

بالنسبة لسنغافورة انصحك بفندق The Westin فندق جميل وراقي من تجربة شخصية مع العائلة .
سنغافورة فيها نشاطات عدة ومراكز تجارية ، راح تنبسط ان شاء الله .
انصحك بزيارة جزيرة سانتوزا في سنغافورة ، مليئة بالنشاطات والملاهي والمنتجعات.

عيب سنغافورة الوحيد الطقس الذي يميل للرطوبة العاليه والحراره.

اتمنى لك شهر عسل موفق باذن الله.

مع تحياتي شريط السفر ،، Traveltape

مبروك مقدما والله يوفق بينكم بالخير
من وجهة نظري أنصحك المالديف اكثر شي 4 ايام
وتستبدلي سنغافورة بماليزيا
سنغافورة صغيرة وحدها 3 او 4 ايام
ماليزيا افضل سياحيا ومناطق متعدده جزر ومرتفعات واسواق
الجدول اللي انصحك فيه
11 ليلة ماليزيا و 4 المالديف
مع ان ماليزيا حقها اقل شي 16 يوم وتستاهل اكثر.
واي استفسار عن ماليزيا انا جاهز.