بعيداً عن كورونا غسل يدك وادخل شارك - الصفحة 3

آخـــرفـــرصـــة · 19-03-2020, 08:48 PM

اقتباس : المشاركة الأصلية كتبت بواسطة AL Tunaiji

أخوي الكبير أبو غسان ،أعتقد الزيادة اللي صارت في المنتدى هم من المتابعين الصامتين ، وستصل لرقم معين وتقف ، ولكن إذا أصبح المنتدى مفتوح مرة أخرى سيعود لإكتساب أعضاء جدد

الله يسعدك يا غالي
قد نقوم بفتح المنتدى لأوقات معينة من باب الاشهار
لكي يطلع الزوار على ابداعات الأعضاء
رأيك في محله وتقديراً له سنقوم بذلك الآن

AL Tunaiji, Abu Muataz, توبليرون و 2 آخرون معجبون بهذا.

أبولجيـن فهد · 20-03-2020, 12:26 AM

مازلت اقول ان اخر فرصه هو مثلي الاعلى

انا طول الله اعماركم كنت اشتغل في المانيا فتره .. اروح اتسوح واجيب معدات كبيره
والامور ماشيه والمره الثالثه او الرابعه .. ماكان في مطار فرانكفورت ( بوابه افصاح ) اجباريه
يعني تقدر تمرر اي مبلغ معك مااحد ينتبه

.. المهم رجعت وبعد اسبوعين طرا علي ارجع مره ثانيه
لقيت سياره جيده وسعرها حلو .. وكنت متفق مع الحنشل الاكراد اللي يبيعونها اني ان دفعت كاش يسوون لي خصم بحكم ان الضرائب عاليه عليهم لو حولت لحسابهم (والخصم يجيب لي تذكره وزرقه اسبوع ) لهامبورج

المهم وانا اشري هالكوت السوداء ( تقل حقت عصابات ) الكوت = الجاكيت يعني

وانا اخذ معي مبلغ فوق 20 الف يورو

واامشي لفرانكفورت .. المبلغ قسمين عشر الاف في شنطه اللابتوب بيدي وعشره وشوي بالجاكيت.. وترا معي شنطه عزبه فيها قهوة ومعلبات وحليب سائل ابو قوس

يوم اخذت شنطتي وعزبتي وناظرت ولا التفتيش قدامي اجباري بوابه مضيئه للافصاح !!!!!!
ابووووك ياصبي

وبها عساكر واقفين واللي اوربي احمر يخلونه يمر .. طبعا انا الان انتهيت وراحت الشجاعه وامنت انني انتهيت واني سوف يكلبشوني وتخيلت الخبر ياصل السعوديه فهد مسجون بالمانيا ... ياارهاب يامخدرات لاحوووول

تقدمت خطوات نحو العسكري وانا استحضر الشجاعه ( وابو لجين ابوها ) بس مانفعت .. المهم

مريت كما يمر الشجعان اللي رايحين فيها ويوم جيت موازي للعسكري وعيني تتابعه .. وعيني طالعه مع اذني قال ( اكسكيوزمي مستر ) قلت سم .. قال بليز كم هير . ويشر للطاوله المعدنيه اللي جنبه .. ومد يده بحركه سريعه واغلق المسار خلفي بالحزام ( اللي زي حق البنوك )

وهو يلتفت لي

قال بانجليزيه ركيكه ممكن تفتح الشناط .. فتحتها وانا بصراحه ربنا ( والله ماشوف) بس متماسك ..

ادري ان مابها قطع راس ولكن ابنسجن وتروح الفلوس وماادري وش يصير علي ببلد كله قوانين ..

وكنت قبلها بشهر موقع تعهد بالسفاره بالعلم بسالفه نقل الاموال اكثر من عشر الاف .. المهم قال وهو يركز على عيوني كم معك كاش قلت عشر الاف قال اكيد قلت اكيدين وأأشر الى شنطه اللابتوب قلت هنا .. وافتحها قدامه والفلوس بظرف .. طلعها وفرها كأنها يعدها قال ماغيرها قلت ابدا .. ( كذبت ) لكن الدنيا مياله ..
( وربك يعمي الخواجه ) قال افتح العزبه .. وانا افتحها وهو يطلع الحليب وعلبه جبن قال ليش جايبها قلت هذي فطور خفيف فانا لا احب التجديد .. اشر للجدار .. خلفي وانا ادوخ احسبها شي زي الاشاعه قلت بيشوف اللي جوا الجاكيت ( الفلوس) وانا التفت بارتباك قال اقرا التعليمات على اللوحه ..واقرا واذا مكتوب ممنوع اي مشتقات الحليب ( وانا تجيني ذهانه العالم كلها )

قلت يبو لجين فرصتك انطح الصياح بالصياح لارحمت وشتت تركيزه عن الجاكيت وانا اتشجع والتفت قلت لا ماتاخذها لانها ياسيدي مفضله لدي وفطوري التقليدي وارجوك اتركني و و و قال بشموخ الالمان ( القانون كذا ) لاو از لاو ..

قلت يفداك حليب بقر الدنيا كلها ( بسري) المهم جادلته قليلا وتاسف وقال سارميها امامك .. قلت امر الله .. ويرميها جنبه قال تفضل .. يوم قال تفضل والله تقل مبشر بمليون .. وانا اقوم اسكر عزبتي وشنطه لابتوبي .. وماحسبت بالنجاه ..
واعبر المطار كالفشقه ( منطلقا )
وانا اردد المثل البدوي الشهير ( العمر ياشامان )

ومن بكره عند الاكراد بالمعرض وفالينها واشرب عندهم كوفي

وانا جايب الفلوس كاش زيي زي اي خارج عن القانون .. حسيت بشعور العصابات بالافلام يوم يجي الفان وينزلون ويفتحون الشنطه وبها الفلوس وصوت خشن ( لت مي سي ذا موني )

توبليرون, طوق الياسمين, آخـــرفـــرصـــة و 4 آخرون معجبون بهذا.

أبولجيـن فهد · 20-03-2020, 12:39 AM

ومره في اخر يومين بدورتموند بالمانيا كنت مخلص اوراق معداتي للشحن وخلاص ابمشي
لفرانكفورت واطير منها المهم ضيعت محفظتي ومامعي معي بجيبي
الا حول 200 يورو ..والجواز .. بلشت بعمري صدق
قلت الحمد لله ان جوازي معي والا رحت فيها .. وكنت مسوي تشيك اوت من
الفندق وابمشي.. لافيزا ولا بطاقات صراف ولا شي .. لولا الله
ثم هالـ 200 اللي بمخباتي كان نمت جوعان

اتصلت على صديق بالسعوديه وقلت يافلان افزع لي .. يااخي اعتبرني اثيوبي على كفالتك

وحول لي 5000 ريال ولادخلت السعوديه اعلمك بالعلوم ..
وبعد الاتصال رحت للشرطه ودخلت للقسم والدخول لحاله مرعب .. ورا قزازه لين سمح لي ادخل .. كان قدامي عايله بهم بلا .. شافني اجنبي جابوا واحد يتكلم انجليزي ياحيالله سلم الله قلت يافلان انا فقدت محفظتي وفيها كل اثباتاتي واببلغ عنها .. ( احسب اجراءاتهم زي عندنا ) قالت انت تعرضت لسرقه قلت حاشالله .. ابدا ابدا .. قال اجل وش جاي تسوي عندي هنيا ..

قلت في بلادي يسوون بلاغ بالشرطه لاخلاء المسئولية قال مالنا دخل بالمفقودات ( بدون بلاغ سرقه ) شكرته وطلعت ورحت لفندق رخيص فيه عجوز حليله والظاهر ماعندها الا انا ونمت ويوم اصبحت ولوسترن يونيون واخذ الحواله وتليت الموتر وعلى فرانكفورت

انتهت مغامرتنا في كوكب النكبات

توبليرون, طوق الياسمين, آخـــرفـــرصـــة و 3 آخرون معجبون بهذا.

طوق الياسمين · 20-03-2020, 12:51 AM

اقتباس : المشاركة الأصلية كتبت بواسطة AL Tunaiji

ما أقصد السفر حاليا لأنه صعب وحتى لو في دولة سلمت من الوباء ففي السفر خطورة بحكم الإختلاط في الطائرات والمطارات

ولكن أقصد أن نستفيد من هذه الأزمة كخبرة ومعرفة أكثر عن كفائة الدول وما هي الدول الأكثر أمانا وكفائة في حالة حدوث أوبئة أو كوارث في المستقبل لا قدر الله

مثلا تايوان وسنغفورة إتخذت إجراءات عاجلة وفعالة من البداية لمواجهة البواء ونجحت في ذلك

كوريا الجنوبية تأخرت في إتخاذ بعض القرارات مما زاد من إنتشار الوباء فيها

دول أوروبية عظمي لم تتخذ الخطوات المناسبة للبواء وحاليا تعاني منه وتواجه صعوبة في إحتوائه

دول أخرى للأسف أنكرت وجود الوباء بها أو تسترت أو أخفت الأرقام الحقيقة بعد ذلك وهذه الدول ليست محل ثقة للسفر لها

إذا الدول الأكثر أمانا في رأي ليست التي تقل فيها نسبة الجرائم فقط ولكن أيضا التي تستطيع السيطرة واحتواء الكوارث إن حدثت

والله خير حافضا

أما بخصوص استغلال الفرصة للقراءة فهي مفيدة لمرحلة ما بعد الوباء

يعني لو عندك سفرة بيوليو وين راح تروح

توبليرون, آخـــرفـــرصـــة و الفراهيدي معجبون بهذا.

طوق الياسمين · 20-03-2020, 12:56 AM

اقتباس : المشاركة الأصلية كتبت بواسطة توبليرون

بسم الله الرحمن الرحيم

برفع شعار منو معاي فيه

نفس ضيفني واضيفك
انا بقول
تابعني اتابعك

يا اعضاء نكتب تقارير ومافي متابعة
الا جم واحد ينعدون على اصابع اليد الواحده
وين حماسنا مثل قبل نتابع التقارير ونتناقش ونضحك

الله المستعان
انا من اليوم

تابعني واتابعك

ام حسين
من باب الذوق والادب ان الواحد يتفاعل مع الاشخاص اللي يتفاعلون معاه
فإنتي صادقة

ولكن اذا ماتابعوني صح بتحز بخاطري لكن عادي الدنيا تمشي فيهم او بدونهم

انتي شخص فعال جدا جدا ماشاءالله عشان كذا نفسك الكل يكون زيك

وبخصوص التقارير انا شخصياً مااكتب تقارير مو بخل او اهمال لا والله

بس افيد غيري بالردود في الاستفسارات قد مااقدر

روقي ام حسين وشاركي بالموضوع هذا وانا بمسك عصى للي مايتفاعل

توبليرون, Abu Muataz, AL Tunaiji و 3 آخرون معجبون بهذا.

طوق الياسمين · 20-03-2020, 12:57 AM

اقتباس : المشاركة الأصلية كتبت بواسطة بن قوت

معك حق ام حسين
ولازلت اقول لازم نفتح سناب المنتدي
للترويج ومتابعت المنتدي
الأكثر من الزوار ياخذ المعلومة وخلاص ماعاد يرجع الي في السفرة القادمة

تم الإرسال من SM-N960F باستخدام Tapatalk

سناب المنتدى كان مفعل لكن بصراحة ماحبيته كثير
المنتدى افضل بمراحل
تسلم على وجهة نظرك

توبليرون, آخـــرفـــرصـــة و الفراهيدي معجبون بهذا.

توبليرون · 20-03-2020, 01:00 AM

مقترح بو معتز تمام حلوو وكمان تاخذ ايدهم على تحميل الصور اللي انا اعتبره هو اللي موقف كتابة التقاير وايد يستصعبونه
وانا معاك اقول اللي عنده مكان سياحي جديد في اي سفره يحط عنه مو لازم تقرير يومي

والله انا مو علشاني انا عادي عندي المهم اوثق سفراتي وروحاتي هني بالمنتدى كمرجع لي وتسليه معاكم

بس في اعضاء لي راسلتهم وقلت لهم ليش ما تكمل تقريرك قال مافي متابعه وانا اتعب ومحد يشارك

بس وهذا للتوضيح لا اقصد احد معين ولا موضوع شخصي يا احلى اعضاء

وسلامتكم

طوق الياسمين, Abu Muataz, AL Tunaiji و 2 آخرون معجبون بهذا.

طوق الياسمين · 20-03-2020, 01:14 AM

اقتباس : المشاركة الأصلية كتبت بواسطة الايمان

انا معاج يا ام حسين
فعلا محد يتابع التقارير وهالشي سوالنا احباط ليش نكتب ونتعب ومحد يشارك
حتى بعض الاعضاء يسافرون ويحطون في حساباتهم السناب والانستغرام واذا رجعوا مايسوون تقارير

امون
انا ماانزل تقارير فعلاً لكن مايكون عندي معلومة جديدة
لكن اي معلومة او شي اقدر افيد فيه ارد بالاستفسارات واساعد قد مااقدر

توبليرون, آخـــرفـــرصـــة و الفراهيدي معجبون بهذا.

طوق الياسمين · 20-03-2020, 01:16 AM

اقتباس : المشاركة الأصلية كتبت بواسطة توبليرون

لا يابو نواف السناب والانستغرام
وحتى اهني يدشوون ويسالون عن المعلومة ولا يحطون حتى شكر او تقرير عن سفرتهم
ناس تاخذ وما تعطي
وطبعا لظروفهم بس على الاقل مكان جديد رحتو له علموا الاعضاء عنه بصورة ومعلومة
ودامنا قاعدين خل نتعاون ونرجع منتدانا للمراكز الاولى في المتابعه

فعلاً سناب وانستقرام المنتدى مو ذاك الزود

المنتدى هو الاصل

واعضاء المنتدى كلهم فيهم الخير والبركة

وعلى راسهم انتي وابو غسان ولا يهونون البقية

توبليرون, آخـــرفـــرصـــة و الفراهيدي معجبون بهذا.

طوق الياسمين · 20-03-2020, 01:17 AM

اقتباس : المشاركة الأصلية كتبت بواسطة Abu Muataz

السلام عليكم و رحمة الله و بركاته ...

أتفق معاك و أضم صوتي لأقتراحك ..

بالفعل مؤخراً بدأنا نفتقد للحماس من الأعضاء فيما يتعلق بالتقارير و لا نعلم ما السبب ..
و لكن الأمل لا يزال موجود بعودة النشاط ..

من خلال قرأتي لكلامك عن التقارير التى لم نعد نراها كالسابق .. تبادر إلى ذهني أقتراح بسيط قد يساعد الكثيرين في مشاركتنا تجاربهم
و الأقتراح هو أنشاء قسم تحت مسمى "تقارير قصيرة" .. بحيث يستطيع العضو طرح و مشاركة جزء من رحلته بنشر زيارة معينة من أحدى أيام رحلته .. لأن في أعتقادي الكثير من الأعضاء
يستثقل كتابة التقرير أما لأنشغاله أو أعتقاده بأنه مطالب بذكر تفاصيل الرحلة و التي في الغالب تكون متعددة الأماكن و بعض الأحيان الدول ..
"المقترح قابل للتطوير و الأضافة و النقد"

تقبلوا تحياتي ..

المقترح بطل بطل بطل
تسلم ابو معتز على الفكرة الفنانة

توبليرون, Abu Muataz و آخـــرفـــرصـــة معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كورونا😔	محمدونا	اوروبا	8	10-03-2020 09:04 AM
بعيداً عن الإشــاعات .. حالات مرض كورونا الجديد في العالم	eman79	البوابة العامة	6	05-03-2020 09:46 AM
شاهد أسوان.. جوهرة السياحة المدفونة بعيداً عن الأضواء	MOBARKI	بوابة مصر	35	03-06-2019 01:32 AM
شارك بصوره	شارلوك هولمز	عام	90	27-11-2015 02:13 PM