بعدها ذهبنا للمطعم التركي ( الاتركا )

شاي .. بقلاوه بالايسكريم




ونحن نمخمخ بالشاي التركي .. كان شاغلنا موضوع التاكسي اللي بيودينا المطار الساعة الثالثة فجراً !! لأن رحلتنا لجوهانسبرغ للأسف توقيتها سئ !! تقلع الساعة السادسة صباحاً .. وبعدها رحلتنا لجده الساعه 11.30 الصباح ..

من يومين واحنا نحاول نزبط كم تاكسي يجينا الثالثة فجراً .. لكنهم يترددون !!

سواقنا عبدالفتاح سيارته صغيره !! ولا تكفينا مع الشنط !!

واجرى كم اتصال .. ولا لقي سواق فاضي !! أو معاه سياره كبيره !!

( اوبر) مانظمنه !! يمكن نحصل سياره ذلك الوقت !! ويمكن ما نحصل !!

وحتى خدمة المواعيد اللي موجودة في اوبر .. يمكن يسحب علينا ولا يجي !!

ليه .. أنا أقول اوبر مانظمنه ؟؟ لأن اليومين الماضيه أكثر من سائق اوبر طنشنا !! وسحب علينا في كذا مشوار !!

نبغى شئ أكيد ومضمون ..

طلبنا مساعدة مدير المطعم التركي ( أردني الجنسية ) .. أجرى اكثر من اتصال بكذا سائق .. ولكن .. اللي مارد !! واللي رفض !!

بدا القلق يدب فينا !! والتجهم على أشكالنا !!

معقوله مانحصل لا تاكسي !! ولا اوبر !! الساعة ثلاثة الفجر !!

معقوله الرحله تروح علينا !!

أخر أمل .. كان التاكسي الأخير اللي حيودينا من المطعم التركي إلى الشقه .. نحاول نقنعه .. ونزوده في الفلوس .. المشكله هل يلتزم بالحضور في الساعه الثالثه فجراً !!

طلبت اوبر .. وذهبت أمام المطعم لكي أحدد موقعي

وفجأة .. أموت انا في فجأة

اسمع صوت يناديني .. نجم .. نجم

صوت ما أعرفه !!

التفت .. وإذ ثلاثة أشخاص .. جالسين على اخر طاوله

قام واحد منهم .. وقال بالعربي / ما عرفتني ؟؟

أنا مذهول .. مين في جنوب افريقيا يعرفني ؟؟؟



قال / أنا أحمد ..

استمريت في الذهول !! أحمد مين ؟؟ يعني ايه ؟

الصراحه متفاجئ تماماً ؟؟ ماني عارف ايش أقول للرجل !!

قال / أنا أحمد السواق .. اللي اتفقت معايا من السعوديه ..

ياشييييييييييييييخ ينصر دين أمك

ياليتنا طلبنا مليووووون دولاررررر

أنت طلعت لنا من فين ..

وهاتك يابووووس وأحضان



احمد استغرب من الاستقبال المبهر !!

جاء أبوحمزه أبونمر .. ايش فيه ؟

قلت لهم وانا فرحان / هذا أحمد السواق

وهاتك يابووووس واحضان ثاني منهم



حالة الاستغراب والذهول انتقلت مني إليه

تم الاتفاق معه على 400 راند .. ولله الحمد فرجت .. وارتاحت أعصابنا

وسبحان الله .. اللي جاب أحمد السواق في هذا المكان والزمان بالتحديد ..





رجعنا الشقه .. قفلنا الشنط .. نمنا ثلاث ساعات ..

في مطار كيب تاون .. برضوا دفعت 250 راند ( سعر ثابت ) حموله زائده لشنطتي ( إذا طلعت البوردنق عن طريق النت حتدفع 150 راند فقط )

وصلنا جوهانسبيرغ .. ولقينا مندوب المحميه أمامنا ومعاه ( الأمانه )

كرتون فلين مثلج .. فيه حوالي عشرين كيلو لحم غزال

بدينا الرحله بغزال .. وختمناها بغزال

كانت رحله بمجملها .. ممتعه جميله متنوعه ..

الجو كان خرااااافي ( شهر مارس ) .. غيوم وبراااااد لطيف

ساعد كثيراً في حلاوة الرحله ..

تم بحمد الله .

برنامج اليوم الخامس والأخير //

الواجهةالبحريه ( فطور , غداء , عشاء )

فوود ماركت ( نفس الشئ .. فطور , غداء , عشاء )

مول فيكتوريا اند الفريد ( تسوق )

سفينة القراصنة ( عرض سياحي )

جزيرة روبن (مركب ينطلق من الواجهة البحريه لزيارة سجن مانديلا .. مارحناها )

متحف الألماس ( مارحناه .. حق نسوان )

المطعم التركي ( الاتركا )

إن شاء الله التقرير أعجبكم


وأي سؤال أخوكم حاضر


تفضلوا

اكيد عجبنا التقرير

جدا ممتع

الووتر فرنت وايد حلوه ما ينمل منها فيها كل الاكشن

سبحان الله اللي سخر لكم احمد بهالمكان بهالتوقيت

شكرا لمشاركتنا هالتقرير المميز

بانتظار رحلاتك القادمه

ابدعت يانجم واستمتعنا معاكم وااايد

عليكم بالعافيه المطاعم و الاسواق
الواجهة البحرية و القعدات فيها عالم ثاني
الحديقة عجيبه وايد حلوه
ههههههه الحمدلله صار من نصيبكم السايق احمد ..

قواك الله على هالتقرير الغزالي الممتع

قواك الله يانجم السياحة بهالتقرير الافريقي الممتع
اخر شي الجولات والواجهة البحريه والمطاعم وناسه اجواء ممتعه والاكل كله جمييل
واحمد الله جابه بالوقت المناسب
الحمدلله على سلامتكم وسلامتكم من الكورونا
كفيت ووفيت بارك الله فيك

شكر كبيرررررر لإدارة المنتدى على تقدير التقرير

ومنحه خمس نجووووم

وتثبيته ضمن التقارير المميزه



والحمدلله أولاً وأخيراً على توفيقه

والهدف خدمة المنتدى وأعضائه وزواره

واحنا دائماً في خدمة هذا المنتدى الأول في عالم السفر والسياحه