مساء/صباح الخير اينما كنتم

اليوم ريوقنا مع السفيرات في مول 360 في منطقة الزهرا (جنوب السره )، طبعا ثنتين من السفيرات طلعوا من دواماتهم عشان الريوق امون ومنال اما ام حسين متقاعده ما تحاتي الحمدلله و محسوبتكم عندها اعفاء عشان كورونا
ناخذ معلومات عن المطعم

اسم المطعم : لنش روم lunch room " شيف كويتي اسمه أحمد البدر " ونفسه اهو صاحب مطعم هبره
نوع الاكل : منوع ووصفات الشيف نفسه
الاكل: 10/9.5
الخدمه: 10/10
المكان : 10/10
السعر : 10/10

مكان المطعم : له فرعين الفرع الاول في منطقة شرق عقب برج الحمرا يكون اهو في برج T21 و الفرع الثاني في مول 360 واحنا رحنا المول..

الاكل حلو بس نقصته لان الفرنش توست كان حالي زيادة
المكان حلو وتوهم مفتتحين التوسعه اليديده في 360 وايد حلوه فيها فندق حياة ريجنسي متصل مع المول و واكاديمية راندال للتنس وملاعب تنس ونادي رياضي ..

يلا نروح نتمشى و نتريق في زمن كورونا