الحمد لله اخيرا تقرير عن تركيا بعد الكورونا
3 أشهر جميلة بتركيا تفاصيل حلوة عن بورصة
مستمتعين وبانتظار الجزء الجديد اخت ليمونة

حمستينا عالسفر متابعين لنشوف المحطة التالية وين

يازين بورصة وتركيا .. اشتقنا والله
قضيت فيها ايام جميلة.. كل ماقول حق حد رحنا بورصة
يقول شفيها بورصة غير التلفريك والشجرة المعمرة
ويستغرب لين اقوله.. قضيت فيها ايام بدون ماروح هالاماكن ولا اكرر الاماكن الي اروحها
مب لان هالأماكن شينة لكن لأن مافي وقت من كثر الاماكن
وعلى ماقالوا الأعضاء.. اهل الكويت مميزين بتغطياتهم لبورصة

وبخصوص السفر في هالوقت .. وايد من ربعي سافروا
ومعظم الي سافروا راحوا تركيا لانها فاتحة كل شي رغم الاصابات
بالنسبة لي الوضع مايطمن.. والحالات عندنا في قطر قليلة
وتقريباً صارت حياتنا طبيعية الدوامات والمناسبات وكل شي من قبل عيد الاضحى
فاعتقد ماحان وقت السفر للحين.. خل تهدى الامور اكثر

لكن مستمتعين بتقريركم والحمدلله على سلامتكم
ونترقب الجديد ..

مسا الخير
يعطيكي العافية ليمونة حزينة
اسعدتينا بهذا التقرير فقد اشتقنا فعلا لهذا البلد الساحر
اعتقد سيكون تقرير مبدع وجميللل وغني (90) يوم = أحلى و اطول تقرير
بنتظارك

تقرير ممتع

صباح الخير بتوقيتي

انا انتم فـ صباح ومساءالخير كل من بتوقيته

عدت إليكم مع صور لمكان يحبه قلبي واتنعنش وانتعاش فيه والود ودي اقضي اسبوع فيه بس مااقدر

دايما زحمه والأكثر بنهاية الأسبوع عندهم مو عندنا إلى اهي يومي السبت والأحد الشعب التركي والسواح والمقيمين دايم يقصدون هالمكان في حب وراحه وارتباط واريحيه وهواء نقي وعلاج صحي لنا ولهم وللمرضى



خلونا نشوف الصور وتالي اهي تعلمكم عن هالمكان من هالصور...

اعتقد اغلب من سافر تركيا وذهب إلى بورصه زار هالمكان








تم الإرسال من VOG-L29 باستخدام Tapatalk



عاد كان في خوش سؤال قلته للمتابعين بالانستقرام ع هالصور


‏سؤال
لو خيروكم بـ رحله لمكان قديم أو حديث شنو بتختارون؟

بالنسبه لي بـ ختار القديم..


وفي سؤال ثاني تابع للسؤال الأول ألا وهو كان


سؤال؟
إلى يحبون رحلة و زيارة المكان القديم ليش وشنو السبب؟
.
إلى يحبون رحلة والمكان الحديث ليش فضلتوا المكان هذا عن القديم؟

مع العلم زيارتكم لهالمدينه فقط يوم واحد


انا جوابي اختياري القديم ليش فيه تراث وبساطه وتواضع وتاريخ المدينه والقرىه والمكان ويشرح نفسه بدل الكتب والروايات والقصص لهالمكان إلى كتبت عنه راحه متعه وناسه كل قديم جميل


وقديمك نديمك

وبس والله

هلا بك اختي ليمونة

بالنسبة لسؤالك عن أكثر الأماكن ميولاً
بالنسب لي الأماكن القديمة أو الشعبية
يمكن لأنها تعطينا رؤية مختلفة عن واقعنا
معظمنا عايش وسط مدن صاخبة ومباني حديثة
فالإنسان يجذبه التغيير والبساطة عما أعتاد عليه

صورة المحار أو الميديا مشهورة جداً بتركيا
بصراحة تحمست أجربها ولكن ما عجبتني
يمكن لأني جربتها وأنا غير متقبل فكرتها
ولكن تبقى أكلة معروفة والكثير من السياح يحبها

متابعين جديدك باستمرار

حلوة صور مودانيا وساحلها
انا رحت البازار الي فيها وكان مغلق
صاير خلاف >< البياعين مع البلدية ماتفقوا على يوم يناسبهم
ورجعنا بسرعة ماعطيت المكان حقه
كنا يايين من اسطنبول ونبي نروح بورصة بسرعة
لكن لنا زيارات ثانية ان شاء الله بنخصص له وقت اطول
وبخصوص السؤال: الثنين حلوين ومب ندمان لو زرت اي واحد منهم
الحديث يعكس تطور البلد وتحضرها وميزته اكيد المشي فيه سهل ومريح
القديم يعكس تمسك البلد بإرثه الثقافي مناسب حق الي يحبون التراث والتاريخ والثقافة او يحبون التصوير وعبق الماضي
بس يمكن المشي يكون شوي صعب صعود نزول وارض مب معبدة
صعب يمشي فيها قاري اليهال او لو معاك كبار في السن
مثل القرية العثمانية في بورصة والقرى القديمة بشكل عام

يمكن لو مع عائلة واطفال او اصدقاء وايد اختار الحديث
لو بروحي او مع صديقين بالكثير باختار القديم

نكمل معاكم موضوعنا وليالينا في تركيا الجميله وتحديدا بورصه بما اني لازلت فيها اتصفح صور وذكريات.....


هالمره خلوني اوريكم شارع حيوي في بورصه شارع توماج بزي طول اليوم


بين كل جم يوم أمره وبعد حبيت الحياه فيه لكن كمعيشه لا طبعا زحمه وايد جنسيات مختلفه لهالمكان ومااشوف انه أمان للبنت أو لعائلته فيها بنات يبون ينزلون ويصعدون ع كيفهم وقت مايبون فأشوف مافي أمان وبعد ماراح ياخذون راحتهم بأي وقت يعني انا بمكان إلى ساكنه فيه عادي اطلع الفجر وعادي نص الليل وعادي العصر والمغربي أمان مافي احد بيتحرش أو يضايق مو عشان اني موحلوه والا عجوز والا مكرشه لا عشان انا بمكان كله أهل بورصه مافي احد غريب ولا في مهاجرين. ووووو يمكن انا بس الغريبه عليهم وطبعا أهم عندهم عاده الأتراك يتطقسون إلى داش وطالع منهم أكثر من مره وبيحفظون الشخص ويعرفون انه غريب مومنهم وكثر ماشافوني اعرفوني وحفظو ويهي السمح الجميل وصارو يبتسمون ويسلمون على ويعزموني بس مافتحت على باب للأمانه اني ادخل واطلع عليهم



المهم اشغلتكم بقرقتي إلى فوق هذا الشارع كثير يحبونه الخليجيين مو للسكن لا التمشي والتسوق وكل شي فيه ترا كلش ما اقصد ( altıparmak )

محلات ملابس أطفال ولادي بناتي عجايز شيبان عاطل موظف كاجول سبورت أمير شيخ بيبي كل شي من هالملابس بتحصلونه فيه ومحلات تبيع مكسرات. بقلاوه وقهوه وحلقوم وكافيهات حلوه وشاي ع المزاج التركي مو الكويتي لأنه شايهم مايناسبنا كلش ماي وشاي بس طعم مافيش موش زي السيلاني والاذربيجاني والاسباني

وغير مطاعم الشاورما طب وتخير والكفته والمشويات والمحاور



مجموعه كبيره للصور وصادف مره كنت هناك بمناسبه عظيمه عندهم


( heykel )


بحطلكم صوره حطيتها باالستوري بالواتس اب تعبر عن شعوري




تم الإرسال من VOG-L29 باستخدام Tapatalk