الحمدلله والله الحافظ
المهم الواحد يلتزم بالتعليمات
تمام انج مظبطة ربعج بالحمايه
شوقتينا على السميت والشاي التركي
بالعافية

‏وين أجمل مسجد شافته عينكم؟.
.
.

بالنسبه لي مسجد نصير الملك في شيراز بـ إيران وبـ تركيا أكثر من مسجد عجبني اولهم أيا صوفيا تحفه معماريه ومسجد الشيخ زايد في أبوظبي ومكه المكرمه وماليزيا أكثر من مسجد...
ومساجد الله سبحانه كلها جميله لكن انا اتكلم عن الفن المعماري المبهر
.

.
.
هذا المسيد سالفته سالفه معاي بذاك اليوم كنت ضايجه ومتملله ومالي خلق نفسي وطلعت دقيت ع السايق قتله تعال اخذني هيم فيني عاد من ركبت السياره قتله ودني في كافيه أهو مطعم واهو كافيه وحزة مباراه بعد قلت منها اشوف مباراه ومنها اقعد والا الكوفي مسكينه عشان كورونا وانا خليت السايق يروح عاد تمشيت بالحاره وشفت هالمسيد وعجبتني الاضاءه صراحه وبره حاطين كراسي وشفت شيبان قاعدين ويطقطقون بتلفون اتهم عسى بس م قاعدين يغازلون بكراسي المسيد فشله المهم قزرتها اصور عاد خوش تصوير والا... عاد شرف السايق مرني واخذني وصارت مفاجأه باليوم هذا بعد عقب ماتحركت من هالمكان ورحت زافر مول وبسطت عند حلوى على وصار إلى صار [emoji18]
.
.

تم الإرسال من VOG-L29 باستخدام Tapatalk

ونكمل مشوار جوالاتنا العفويه إلى من دون تخطيط

اصحى الصبح بدري بس بالسفر ليش مادري مثل الديك

بذاك اليوم صحيت وخاطري اشرب شاي بأحد مطاعم إلى تبيع سوبورك إلى تكون مثل المشلتت المصري بالجبنه أو اللحمه والسميت وطلبت شوي من السوبر ك جبنه ولحمه واستكانة شاي تهضم الدهن والا ماهو لذيذ شايهم في تركيا مقارنة ب شاي أذربيجان لحد الان ما قت شاي بحلاوة ومخمخة شاي أذربيجان وبعده الشاي العراقي المعطر يجي خشن طبعا


وكان جو بارد والأخت الا تطلع تتريق بمكان ومطعم شعبي وأخذت رجولي ورحت مكان يمي وع الكيف منها اكل ومنها اشوف حياة طبيعه الموظفين وهم صاحين بدري رايحين الدوامات والي نازل من بيته لابس كمام مستعجل يروح للمخبز الفرن يشتري صمون عكس الخليج نشتري خبر هم صمون والي يروح البقالات يشتري فرش طماط خيار جبن وزيتونه للإفطار أملهم صحي و مفيد لأنه فرش مافيش حاقه مخزنه بالثلاجه مثلنا. هذا وانا كله اطالع واشوف ومستانس طبعا....



وفي مره المرات بعد صحيت من النوم وقت فتح المولات وأسرع سريع اركب التاكسي ابو ٥ ليره فتح العداد وع ماركا مول ستاربكس واحد موكا الله يخليك دبل شيت عشان الصحصحه


والشوربه هذي مو في بالي اشتريها لكن اشتريها وجبتها الكويت معاي واطلعت لذيذه وحبوها صراحه...



صينية الريوق الفطار هذي كانت ب مطعم البلديه إلى فى بورصه قريب من ديكالدرم والمستشفى وع مدح الشعب المحب ل تركيا رحت وسعرها حلو والله ومكان مرتب ونظيف وخدمه ممتازه وعندهم جلسات داخليه وخارجيه وعندهم منيو تطلبون جان تبون بيض والا فطاير والا سوبورك اي المشلتت حقهم وموفرين العاب للأطفال ومحاطه بأشجار وطبيعه حلوه

لكن كزياره مرات عديده انا بالنسبه لي مااكررها أكثر من مره ليش ماادري وعندهم طبعا غداء وعشاء وعندهم مطاعم بكل تركيا وبكل منطقه أكثر من فرع وفي بورصه حتى عندهم مطعم بحري وعندهم مطعم النسوان تبع البلديه




تم الإرسال من VOG-L29 باستخدام Tapatalk

بالعافيه كل ما اكلتي وشربتي
خووش صور

‏اللهمَّ أَذِقْنَا حَلَاوَةَ جَبْرِ الخَاطِر



كان يوم جميل جدا لي لاني احب البحر وشوفته. مكان نظيف وبعيد عن ازعاج المدينه ونسبة السواح فيه خفيفه


وشوية كافيهات ومطاعم وجم محل ملابس. انتيكات. وتذكارات وجمعية صغيرونه ومرسى السفن وفيه قوارب صيد وصيادين ولو تبتعد مسافة ٦كيلو بتشوفون سوق ومحلات ومطاعم وحياة أهل

( اردك / Erdek )



التصوير كان بتاريخ ١٧/١٠/٢٠٢٠ ٤:١٢م







تم الإرسال من VOG-L29 باستخدام Tapatalk

سؤال..
اتق شر من فضفضت إليه
( مع أو ضد) هالمقوله



مجموعة صور لهالمكان إلى يبعد عن بورصه تقريبا ساعه ونص بس ماتحس بهالمسافه لأنه الدرب جميل وممتع في صور حق اول ماوصلت المنطقه أو القريه أو المدينه صوت البحر وكان يمينه شارع رئيسي داخلي شارع رايح راد وتمد عينك جدام في طواحن جنهم ملوت هولندا عاد قلت اشرب فنجال قهوتي بالمكان الحلو ك ذكرى بحر ورصيف سيارات واقفه تتونس بمنظر البحر والموج وبين ناس تصور مثلي وناس تاكل. تشرب وتالي حركت وصلت ل لمكان إلى يحبه قلبي




وصيف بيكون مولع المكان بالسواح والشعب نفسه يروح لهالمكان للسباحه والصيد وينفع بالريف والربيع لكن بالشتا راح تنحرمون بس من السباحه مكان يستحق الزياره واستكشافه


فيه مرسى للبواخر وفيه مطعم بالبحر نظام المطعم بالاخره لكنها واقفه بأول الشاطئ وسعره زين المنيو ومقابل الشاطئ في مادو حبيب العالم وكذا كافيه ومطعم لاتحاتون يصلح للشيبان وكبار السن وحتى الكراسي المتحركه وكذلك للشباب والعرسان والأطفال وفي فنادق وبوتيكات جان تبون مقابل الشاطئ وبره شوي من المرسى والبحر حياه أخرى مزدحمه من محلات وبقالات وبيوت وفنادق ومستشفى ووووو





erdek


أعجبتني وزرتها مرتين بسفره وحده من كثر ماتولعت فيها وين في ريحة زفرة بحر وصوت موج البحر تلقوني موجوده جني قطوو يدور ع سمجه...


تحبون البحر والا اكل البحر؟



أنا أحب البحر واكل البحر بس بعدوني عن الأخطبوط وبعض السميكات إلى تخرع وفي هذا الي لونه اسود يطلع صبغ بعد وخثاق يابوي مااحبهم والا الباجي اتلذذذذ فيهم لو شهر اكل كل يوم اكل بحري عادي عندي


يقولون يرفع الكولسترول بس طنش تعش احرقه بالمشي والشاي والقهوه...


وكان الله غفور رحيم وسلامتكم وتعيشون










تم الإرسال من VOG-L29 باستخدام Tapatalk

خوش منطقه مبين عليها

متاااااااابع