العاصفة ** جنى **

الايمان · 12-04-2015, 10:10 AM

العرب المسافرون الأردن
صباح / مساء البرد والثلج

مثل ماانتو عارفين كانت لي زيارة للأردن بشهر فبراير زيارة سياحية وعلاجية للوالدة

كانت في تحذيرات بالتلفزيون الأردني والدفاع المدني بوجود عاصفة اسمها جنى ولازم نأخذ الاحتياطات وشراء الأغراض الرئيسية وعدم الخروج من المنزل خصوصا بمنطقتنا الجبيهة لأنها عالية وكمية الثلوج كثيفة

حياكم الله معاي بتقريري الثلجي

كانت بداية وصول العاصفة جنى بالليل عبارة عن رعد وبرق وأمطار ماشاءالله شي روعه

ولما صحينا الصبح شفنا هالمنظر الراااائع

شيكت على البلكونه شفت هالمنظر

نقل مباشر للتلفزيون الاردني ومازالت التحذيرات مستمرة من العاصفة

وأحلى كابتشينو بالثلج

شيكت على درجات الحرارة من الموبايل

الدرجة في عمان

والدرجة في الجبيهة

اتخذنا قرارنا وقلنا لازم نطلع نستمتع بالاجواء خصوصا ان عندنا جيب فور ويل

والله الحافظ

الايمان · 12-04-2015, 10:33 AM

لبسنا ملابس ثقيله وجاكيتات ضد الامطار وبوتات وقفازات واستعدينا للطلعه والمغامرة بالثلج
كنت خايفه اذا شافونا الدفاع المدني يرجعونا لكن الحمدلله مرينا عليهم ومحد سألنا

الشوارع فااااضيه مافيها أحد

بدت الدنيا تظلم شكل جنى بترجع مرة ثانيه هههههه
قلنا نروح نتغدا لان من الصبح بس على الكابتشينو

اللي ساكن بالجبيهة أكيد يعرف مطعم زهور الشفا
مطعم مشاوي ولحوم بلديه يقطع الجزء اللي تبيه من الخروف ويشويه

المطعم كان فاضي الظاهر محد طالع من البيت الا انا وزوجي

المنيو

MOBARKI · 12-04-2015, 10:34 AM

موضوع ثلجي رائع

صور رائعة جدا الثلج والاجواء تحمس الواحد

بالذات حنا في الخليج مانشوف الثلج الا بالصور و التلفزيون

منتظرين المغامرة

يعطيك العافية

الايمانمعجبون بهذا.

الايمان · 12-04-2015, 10:44 AM

وبما أن المطعم فاضي
اخترنا طاوله مطله على الشارع عشان نستمتع بالثلج

عطانا الجرسون جرس اذا احتجنا شي نرن عليه

وصول الطلبات

سلطة جرجير والحمص والمخلل أحلى وألذ شي

والخبر الحااااار بالبرد شي خيال

هذا الجزء اللي اخترته من الخروف الريش

الايمان · 12-04-2015, 10:57 AM

بعد هالوجبة الدسمة اللذيذه
قلنا لازم نحلي
وقررنا نروح لمعلم من معالم الاردن اللي كل سائح بالاردن لازم يزوره

أكيد عرفتوه

والحمدلله لقيناه فاتح
وجوله بالداخل

انا مو من عشاق هالجزء
رحت لجزئي المفضل

هذا الطبق اهداء لابرار مشرفة بوابه الكويت

أتمنى يعجبكم تقريري الثلجي
والقاكم بتقارير اخرى

نانا ابو عابد · 12-04-2015, 11:19 AM

ماشاء الله ...

يسعد صباحك صديقتي العزيزة

اجواء رووعة وجولات حلوة بهيك باجواء تفتح النفس .. المشاوي البلدية ممتازة خصوصا فرش ولا يوجد إلا زبون واحد فكأنكم في البيت
اما حبيبة بالبرد وتكون الكنافة حارة ياسلام .. بوقتها تمام

رغم ان الثلج وصل اعلى معدل له هذه العاصفة بالذات إلا ان الاستعدادات الحكومية وحتى القطاع الخاص ساهم في التقليل من مخاطرها قدر الامكان .. وتم تلافي اغلب المشاكل الي حدثت المرات السابقة والحمدلله...

سبحان الله .. خلال العاصفة الثلجية تقبل الناس على الشراء واستهلاك المواد الغذائية بالذات..

عليكم بالعافية وان شاء الله ربنا يحفظكم وتعيدوها مرات ومرات...

MOBARKI · 12-04-2015, 11:45 AM

المطعم رايق وياسلام احلى مشاهدة للثلج

هنا و عافية الكنافة شكلها مغري صحتين

بصراحة اتحمست لزيارة الادرن والف سلامه ع الوالدة الله يقومها بالصحة والعافية

تسلم يدك بنتظار جديدك الاردني

الايمان · 12-04-2015, 12:51 PM

اقتباس : المشاركة الأصلية كتبت بواسطة MOBARKI

موضوع ثلجي رائع

صور رائعة جدا الثلج والاجواء تحمس الواحد

بالذات حنا في الخليج مانشوف الثلج الا بالصور و التلفزيون

منتظرين المغامرة

يعطيك العافية

يازين الثلج يامباركي
الدنيا تصير بيضاء شي روعه مو متعودين عليه بالخليج
خصوصا هالايام بالكويت الجو غبااااار
تابع التقرير معاي وشوف وين رحنا

هاوية الاسفار · 12-04-2015, 01:13 PM

ما شاء الله تبارك الرحمن
روووووووووعة منظر الثلج الله يكتب لنا زيارة للأردن مع انه كل مرة ارفض بتاتا اسافر لها في الصيف بس شتاها يجنن
حلويات حبيبة ما نستغني عنها بس للأسف موقعهم عندنا في المرقبات و الحين الشوارع مزدحمة ما نقدر نطلع من بعد العصر لين العشاء
و أكيد مع هالاجواء حتى لو الشوارع مسكرة لازم الواحد يطّلع و يستأنس في هالجو لأنه ما يتحصل عندنا
تسلمين

توبليرون · 13-04-2015, 01:16 AM

رووعه الثلج
استبردت ويعت اشلون الحين
صج هالعاصفة كانت الاخبار تذكرها اهي واللي قبلها هدى ههه خوات
الحمدلله انكم ما قعدتوا بمكانكم والا چان ما استانستوا
عليكم بالعافيه الأجواء والأكل والكنافة اللي كل مرة تشوقونا عليها
ربي يسعدكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الخطوط السعودية تعفي متضرري العاصفة الرملية من رسوم التذاكر	وليد عنبه	البوابة السياحية	4	06-05-2015 11:32 PM