16-07-2021, 01:35 PM
|
#11 |
خبير سفر
تاريخ التسجيل : Sep 2017 رقم العضوية : 16287 الجنس : ذكر المشاركات : 1,787
| 
 |
سعر التذاكر ١١٤٥٠ ريال لثلاثة أشخاص
الطريق من كييف إلى لفيف هاي وي تقريبا ٦٥٠ كيلو ومتوسط السرعة ١١٠ أما الطريق من لفيف إلى بوكوفيل ٢٣٠ كيلو لكنها تاخذ منك وقت بحدود أربعة ساعات متوسط السرعة ٧٠ لكن الطريق ما فيه حفر أو تكسير ومثله مثل أي طريق في أوروبا الغربية.
يوجد طيران من كييف إلى ايفانو تبعد عن بوكوفيل ١٠٠ كيلو ولكن ما لقيت سيارة في ايفانو بعد بحث طويل علشان كذا أخذت السيارة من كييف . القطار موجود وما جربته .
سألت عن الخدمات على الطرق ؟ الطرق مليانه محطات كبيره وحتى أصغر المحطات فيها فاست فوود ودورات مياه نظيفه أقول لك أنها أفضل من محطات فرنسا وايطاليا ولكنها أقل من ألمانيا وسويسرا وبالمجمل حتى للناقد لن يجد ما يعيب عليها بشيء .
بخصوص لفيف قعدنا فيها ليلة وتمشينا الصباح في السنتر هي مدينة قديمة ومبانيها جميلة ولكن ما أعرف عنها كثير كانت اقامتنا فيها فقط للراحة .
الأرياف نظيفه وفيها كل شي اعتدت تشوفه في أرياف أوروبا الغربية .
البلد جميل اذا تحب تزوره لكن انتبه يصير لك مثل ما صار معي تراهم ما يأجرون السيارات من دون رخصة دولية عكس بلدان غرب أوروبا ... أخذت السيارة بصعوبه . أحد شروط شركات التأمين أن يكون مضى على تاريخ اصدار الرخصة سنتين وهذا الشرط موجود حتى في ألمانيا وفرنسا وسويسرا ولكن هناك كانوا يكتفون بالرخصة فقط أما هنا يقول رخصتك غير مترجمه لتاريخ الاصدار وبكذا ما نقدر نعطيك السيارة .... وبعد سالفة طويله قدرت أوصل لشركة أمريكية متعاقدين مع أكثر من شركة تأمين وبعض هذي الشركات لا يشترط صدور الرخصة من سنتين وبكذا قدرت آخذ السيارة لكن هذا يحد من خياراتك ، الأفضل تاخذ رخصة دولية وفيه طريقة ثانيه بعدين اشرحها . | | . سعر التذكرة مرتفع جداً
متى تم حجز التذاكر قبل السفر؟
. حلو تمام بأن هناك طيران داخلى و قطار لكن المشكلة السيارة نعم هذه نقطة مهمة
. يعني لفيف حسب معلوماتك عنه و تمشيك فيها يكفيها من يوم إلى يومين بالكثير ما فيها شي مميز او انشطة ترفيهية؟
. بما إنك أستأجرت سيارة بسألك سؤال بعيد اشوي عن تطبيق BOLT الى نفس اوبر هل يستعمل في ابوكفيل و لفيف او لا شف او وحدت ناس تستخدمه ؟
. الارياف حسب تقييمك فيها بأنها ممتازه. تمام
. بخصوص الرخصة الدولية أنا ما اسافر خارج الخليج إلا معى رخصة دولية ضروري ( سوا طلبوه ام لا) سعرها رخيص و مدتها جيدة و السيارة أستأجرها مباشرة من الشركة لا أفضل الوسائط حتى لو كان سعرها رخيص و بخصوص بطاقة الفيزا للبنك استعمل الفيزا العادية لأن فيزا الشحن اغلب الشركات ترفضها
. الحمدلله إن امورك تسهلت و استأجرت سيارة ماهي وسيلة الدفع الى استخدمتها مع الشركة
اعتذر على كثرة الاسئلة لكن بما إنك هناك احببت أن سؤلي يمكن البحث عنه
وفي انتظار تقريرك يالغالي |
| |
17604الاعجاب
العرض الشجري
المواضيع المتشابهه 
