السلام عليكم ورحمة الله وبركاته ..

ابنقل لكم تجربتي بإستخراجي لفيزا سياحيه في ظل الظروف الراهنه , طبعاً هذي ثالث مره استخرج فيزا سياحية بحكم عشقي للسفر لامريكا ..

في بداية السنه جتني فكره اقدم على الفيزا بحكم ان فيزتي الحاليه منتهيه خصوصاً اني سمعت ان المواعيد بعيده جداً .

دخلت احجز موعد بعد ما عبيت النموذج ولقيت اقرب موعد في شهر 6 لكني واجهتني مشكلة في سداد رسوم التأشيره مع بنك سامبا واخرت حجزي للموعد بعد ما حليت المشكلة ودخلت لقيت موعد في بداية شهر 3 وانصدمت رغم علمي بأن السفارة ما تعالج طلبات الفيز السياحيه لكن قلت في وقتها لكل حادث حديث .

الحمد لله قبل الموعد بكم يوم طلع خبر من السفارة بالسعودية عن عودة معاجلة الفيز السياحية ورحت المقابلة وكانت السفاره شبه فاضية انهيت الاجراءات بسرعه والمقابله كانت خفيفه قال لي القنصل بحكم زيارتك المتكرره لامريكا لا احتاج لان اسئلك اسئله كثيره سؤالين وبعدها قالي تم قبول طلبك .

والحمد لله اليوم استلمت الفيزا .. والله يكتب لنا سفره قريبه

وشكراً