تقرير آخر سفره الى كاليفورنيا ديسمبر 2019 (قبل الكورونا) - الصفحة 6

آخـــرفـــرصـــة · 09-06-2021, 12:51 PM

أهنيك على سلاسة السرد
وطريقتك في وصف الرحلة
جداً مشوقة

حكاية مع قفل الشقة بس عسى تم تصليحه
زين لقيتوا تذاكر بنفس اليوم لكوبرفيلد لأن عادةً مستحيل
نوم العافية باين من التعب والارهاق
والفلوس تعوض أهم شئ راحتكم

متابعين الابداع
شوقتنا لأمريكا

قطرية كول, العنان, الايمان و 1 آخرون معجبون بهذا.

العنان · 13-06-2021, 07:36 AM

اقتباس : المشاركة الأصلية كتبت بواسطة q8ya metnaqla

ما شاء الله
الله يسهل عليكم و ان شاء الله تستانسون ونشوف تقرير يديد بعد
ويي الشقه قصه مع قفلها .. اي والله خيره الحمدلله
شنو اسم الفندق اللي سكنتوا فيه ؟ باريس ؟!
معوضين خير على التذاكر

الله يجزاك الخير
من العجله نسيت اكتب اسم الفندق ، هو:
Elara Hilton Las Vegas
الفندق مب فخم بس عائلي ونظيف انا اللي عجبني فيه ان اللوبي
خالي من اجهزة والعاب القمار

آخـــرفـــرصـــة, q8ya metnaqla, الايمان و 1 آخرون معجبون بهذا.

العنان · 13-06-2021, 07:52 AM

اقتباس : المشاركة الأصلية كتبت بواسطة حوآء قطر

تقرير روعه اخوي ومعلومات مفيدة يمكن يستفيد منها المسافرين،يمكن خيره ان قفل الباب اخترب، شنو نوع القارمن الي استخدمته ؟
ننطر المزيد من التقرير

التقرير يحلى ويزهر بوجودكم اختي ،، وان شاءالله تكون في فايدة من هالمعلومات
فعلا علها خيره هالتأخيرة ودفعة شر ،، جهاز الملاحة اللي استخدمته هذا اسمه
Garmin Drive 52 and Traffic, GPS Navigator with 5” Display, Simple On-Screen Menus and Easy-to-See Maps

واخذته من موقع Amazon ب 119.99 دولار ، ولا شي تخيلي بكم يحسبون علينا شركة
ايجار السيارات القارمن في اليوم يعني ممكن خلال اقل من اسبوعين ادفع قيمته جديد
وغير انه جهازي واخزن فيه بعض العناوين اللي تهمني وكل سنه اشبكه على اللاب توب
واحدث الخرايط ببلاش ، وهذا رابط امازون للجهاز وفي غيره كثر حسب المواصفات اللي
يحتاجها الواحد

https://www.amazon.com/gp/product/B0...?ie=UTF8&psc=1

آخـــرفـــرصـــة, q8ya metnaqla, الايمان و 1 آخرون معجبون بهذا.

العنان · 13-06-2021, 07:56 AM

اقتباس : المشاركة الأصلية كتبت بواسطة آخـــرفـــرصـــة

أهنيك على سلاسة السرد
وطريقتك في وصف الرحلة
جداً مشوقة

حكاية مع قفل الشقة بس عسى تم تصليحه
زين لقيتوا تذاكر بنفس اليوم لكوبرفيلد لأن عادةً مستحيل
نوم العافية باين من التعب والارهاق
والفلوس تعوض أهم شئ راحتكم

متابعين الابداع
شوقتنا لأمريكا

الله يجزاك خير اخوي اخر فرصه .. نتعلم منك ومن باقي الاخوان
ابشرك القفل مارجعنا من فيغاس الا هو مصلح وحطوا لنا مفتاح
للباب قبل كان مفتاح وكود مع بعض خلوه مفتاح بس ( شكلهم
قالوا هالانسان مب مال تطور وحركات ديجتال )
الحمدلله ان حصلنا التذاكر واستمتعنا بالعرض الجنوني

آخـــرفـــرصـــة, قطرية كول, q8ya metnaqla و 2 آخرون معجبون بهذا.

الايمان · 14-06-2021, 12:25 PM

اقتباس : المشاركة الأصلية كتبت بواسطة العنان

السلام عليكم ورحمة الله وبركاته

بداية اعتذر من الجميع على الانقطاع في استكمال التقرير ، لان اللي شغلني عن امريكا هو امريكا ، طبعا وانا اكتب في هالتقرير الفترة اللي طافت هاضت مشاعري وحنيت للاجواء الامريكية وبصراحة فكرت اني اسافر هالصيف بعد اخر انقطاع عن السفر والسفرة الاخيره اللي كانت لامريكا، ومن الصدف ان كانت تأشيراتنا الامريكية تنتهي شهر 6 /2021 فقمت انا والعايله صورنا واخذنا موعد في السفارة الامريكية والحمدلله جددوا لنا التأشيرة 10 سنوات، ويقوم اخوكم يجهز للسفرة تذاكر وسكن وسيارة وفعاليات ويسحب على الموضوع ، لكن الحمدلله تقريبا خلصت 80% من الحجوزات وراح استكمل معاكم التقرير.

ماألومك بالتخطيط مرة ثانية للحب أمريكا خصوصا بعد عودة الحياة بشكل طبيعي لاغلب الولايات

قطرية كول و توبليرون معجبون بهذا.

الايمان · 14-06-2021, 12:27 PM

أهم شي انك نطيت من الدريشه وحليت المشكلة
حسافة على التذاكر اللي راحت عليكم لكن الحمدلله كل شي خيره
أكيد كان يوم متعب والمسافه وايد بعيدة الله يعينكم

قطرية كول, q8ya metnaqla و توبليرون معجبون بهذا.

قطرية كول · 14-06-2021, 12:29 PM

ماشاء الله مغامرات أخوي العنان ...بس الحمد لله إنكم تجاوزتوها بروح رياضية وماخليتوها تأثر على مزاجكم وتضيع يومكم..

وهذه مهارة لابد منا ندرب نفسنا عليها حتى نستمتع بسفرتنا ..

الفندق عجبني كهدوء وكموقع وعجبني أكثر إنه مافيه كازينو ..ومرتب صراحة بس مش بفخامة باقي الفنادق الكبيرة ..بس اللي يبي يبتعد عن الكازينوهات ومناظرها مش مشكلة يضحي بالفخامة ..

بس أنا عندي وجهة نظر بخصوص السفر إلى لاس فيجاس بالسيارة أنا أشوفه متعب والطريق مايسوى ولا فيه مناظر حلوة عشان أضحي وأروح طريق بر..

خمس ساعات وزيارة طريق بر متعبة وخاصة في الصيف ..لذلك أنا أرشح للعوائل اللي ترغب بالسفر للاس فيجاس السفر بالطيران الداخلي وأسعاره معقولة ومريح جدا..
وأساسا ماراح تحتاج السيارة في لاس فيجاس لأن التكاسي والليموزينات على قفى من يشيل

الحمدلله اللي ربي يسر لكم تذاكر في نفس اليوم وهالشي نادرا يحدث في لاس فيجاس..
بس ربي سبحانه ماحب يكسر بخاطر البنات

متابعين معاك ماتبقى من الرحلة المشوقة..

الايمان, q8ya metnaqla و توبليرون معجبون بهذا.

الايمان · 27-06-2021, 12:28 PM

وينك اخوي العنان طولت علينا

توبليرونمعجبون بهذا.

توبليرون · 27-06-2021, 06:51 PM

الحمدلله رجعت للتقرير بعد توقف سامحونا
ما عندي شي اقوله الا اني مستمتعة بالرحله والاماكن اولها صورة باغزبني وجزرته
والاستديوهات الجميله
وكذلك اليونيفرسال انا معاك احب كرتون فلونستون مع انهم مفروض ناس قدامى وحضارة قديمة بس عندهم كل شي كشخه هههه
الشقة جميله وواسعه
اما النطة من الدريشه مغامرات بس زين سويت والا ليمتى بتنتظر صاحبة الشقة
بس الحجز راح عليكم اشوه انكم حصلتوا حجز ليوم ثاني
بانتظار التفاصيل لا تنسى كلش ولا كوبر فيلد

والاهم نتمنى لكم رحلة جديدة ممتعه اكثر واكثر وتقرير تفيدنا فيه لا تنسانا

الايمانمعجبون بهذا.

العنان · 28-06-2021, 09:25 AM

اقتباس : المشاركة الأصلية كتبت بواسطة الايمان

أهم شي انك نطيت من الدريشه وحليت المشكلة
حسافة على التذاكر اللي راحت عليكم لكن الحمدلله كل شي خيره
أكيد كان يوم متعب والمسافه وايد بعيدة الله يعينكم

والله كانت مغامره قصة الباب والقفل صج كانت تجربة مزعجة في وقتها
لكنها بقت ذكرى حلوه .. اي والله انا اقول الحمدلله بس ان حصلنا التذاكر
اشكرك على مرورك الرائع

الايمان و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الي سيرلانكا 2019 ديسمبر	artist dreamsss	بوابة الهند وسيرلانكا	16	14-02-2022 10:06 AM
مشورتكم في رحلتي الي الفلبين مع العائله ديسمبر 2019	Dawas	بوابة الفلبين	2	10-11-2019 08:46 AM
شهر العسل تايلند ديسمبر 2019	alshaia	بوابة تايلند	7	23-09-2019 09:42 PM
شهر العسل تايلند ديسمبر 2019	alshaia	بوابة تايلند	0	06-09-2019 09:25 AM
سفره شتويه نهاية ديسمبر	موجة بحر	بوابة البوسنة	12	16-10-2018 05:41 PM