مسافر لأول مره لمصر احتاج مساعده

nsd · 26-06-2021, 04:01 PM

اقتباس : المشاركة الأصلية كتبت بواسطة نايف مسافر جديد

السلام عليكم اخواني .. مثل ما قريتو بالعنوان انا اول مره ازور مصر راح اقضي فيها اسبوع لحالي طبعا "

استفساري
ميزانيتي كا الاتي .. 14000

طبعا مخصوم منها قيمة البكج السياحي الي اخذته طبعا حاجز عن طريق مكتب سياحه وسفر

بعد الخصم صارت 7000 ( شركه السياحه اخذت مني 5500 ) ـ راح اعلمكم البرنامج حقهم

اليوم الاول استقبال في المطار ويوصلوني للفندق شهرزاد يقولون قريب من النيل " وفيها سهره عشاء على النيل قالولي اليوم الثاني زياره الاهرامات وزياره متحف الحضاره وزياره خان الخليلي "

اليوم الثالث يطلعوني من الفندق ويوصلوني للمطار واخذ طياره محجوزه عن طريقهم من القاهره الى شرم اقضي فيها باقي ايام الاسبوع "

السؤال الان كا الاتي الفندق مدفوع والتذكره مدفوعه " والموجود معاي 7000 .. هل راح تكفيني هناك ؟ علما اني رايح سياحه يعني ماراح اروح اماكن سهر وخرابيط واقصد باماكن السهر الاشياء المحرمه " يعني بالعربي سياحه محترمه ان شاء الله " + سؤال ثاني معليش بطاقه الراجحي العاديه راح تشتغل هناك ؟ نسيت شيء ههههه الكاميرا عادي اخذها من هنا ولا اشتريها من هناك افضل لان ودي اصور بدال تصوير الجوال

اقتباس : المشاركة الأصلية كتبت بواسطة أبولجيـن فهد

ياخوي نايف .. ستتذكر كلامي بعد 20 عام ..
انت انلعب عليك بالملي ... ولبسوك طاقيه ...

يامسلم خمس الاف بمصر تكفيك 10 ايام واكثر
وانت تدفع بعد .. 500 ريال باليوم ماهي سهله بمصر
(راح كل الكلام ) انطلق الرشا ..
مدفوع السكن والطيران ( سبع الافك وش بتسوي فيها )
بتوزعها بميدان التحرير ؟
يارجل .. لو ماسافرت ابد .. فلوسك ذي ماهي ورق

لكن لي طلب .. رح بالسلامه ثم لارجعت تكفى
تعال اكتب انطباعك ..

اقتباس : المشاركة الأصلية كتبت بواسطة أبولجيـن فهد

ابصدمك بس ...
التذكره تاخذها مثل الناس ( بسعر معروف)
وش يسوون اللي يسافرون .. ؟
يدخلون بوكنج ويحجز 5 او 6 ايام بفندق
حسب ميزانيته 4 او 5 نجوم .. ويركب الطياره ويروح هناك .. ويتمشى مع
اوبر .. ويدفع مثل الناس .. ويجي
وكل مصروفات مصر بدون مبالغه الخمس الاف تكفي اسبوع مع التذكره

سالفه بكج سياحي بمصر صراحه صدمه

وسبعة الاف باسبوع كل يوم الف ؟؟؟؟؟؟؟؟؟؟
وانت تقول سياحتي عاديه بلا خرابيط وبلا اماكن محرمه
الالف وش بتسوي فيها
يا( مسلم ) بالرياض لو تفحط ماصرفت الف بيوم

اسمح لي ولكنك جديد واول مره و و و و( متفقين )

بس برضه .. ياخي الانترنت موجوده وبوكنج وجوجل ..

اجل اطب وافرط 14000 بالقاهره واجي

( لو اني اخوك كان رميتك بشوزن )

ابو لجين قال كل الي كان ودنا نقوله ههههههه يا رجل لو تروح كاليفورنيا او سويسرا وعلى قولتك بدون خرابيط وسهر يمكن ما تصرف الف ريال في اليوم ههههههه ما بالك مصر ولعلمك بمصر والقاهرة خصوصا اذا ما كنت مركز وبالك ماهو طويل وزعول وما توسع صدرك مع المصريين ترا بتتعب وخذ معك دواء ضغط هههههه لازم لازم توسع صدرك وايضا تكون حريص في مشاهدة المنيو والاسعار حتى لا يتم التلاعب وتاكل مقلب ثاني غير مقلب مكتب السياحة .

هذا درس لك مستقبلا حاول تقرأ تجارب الناس في المنتديات والسوشال ميديا وطريقة عمل جداولهم بأنفسهم ومشاهدة تقارير كثيرة لأي دولة في العالم تود زيارتها لأنه هذا الشيء بيوفر عليك مبالغ كبيرة انت اولى فيها وايضا بيثقفك ويعطيك انطباع مبدئي عن البلد قبل زيارته حتى تشوف تناسبك ولا لا ، لا تنسانا بالتقرير المميز بعد السفرة وترجع بالسلامة يارب .

سارة محمد, Abu Muataz و آخـــرفـــرصـــة معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مسافر لمصر اول مره وارجو المساعده	رايد الحارثي	بوابة مصر	10	26-01-2020 02:51 PM
مسافر لمصر بالعيد وحداني	عابر سبيل99	بوابة مصر	12	11-06-2018 01:37 PM
تكفون مسافر سبعة ايام لمصر	صابر السهلي	بوابة مصر	5	08-02-2018 07:48 AM
مسافر لأول مرة	m_3336	بوابة اندونيسيا	5	02-08-2016 11:27 AM
مسافر جديد لمصر مع عائله احتاج لمعلومات لا هنتو	max	بوابة مصر	7	16-06-2016 11:17 AM